والدة /محمد الغطاس تغسل أحزانها بمرثية السلام عليكم ورحمة الله وبركاتة هذه قصيدة من والدة محمد بن عبدالله الغطاس في ابنها المرحوم /محمد الله يرحمه ويسكنه الجنة انا لطشتها من الوالدة واتيت انشرها هنا لا وامحمد راح مانيب وياه خذنــّه الاقدار ياسيف عني ياليته أمهلني الموت وياه وعشنا قليل وليته اللي دفني لو انها بالفدي سقنا فداياه مير الليالي فيه ماشاورني ياوسع جرحي داخل القلب وسعاه وياحرمانّس في الحشا مستكني يالايمي فيه ماوالله انساه طالن بي الايام ولا قصرني ابو رهف محدن مسوي سواياه لاقـــط زعلني ولا زعل مني ارجي من الله جنة الخلد ماواه وعساه فيها ناعمن ومتهني عسى ولي البيت يغفر خـــــــطاياه ويفتح له البيبان لا قفلني وعساه من يعـــطى كتابه بيمناه ويفوز باعماله أليا وزعني ويرزقني السلوان من عقب فرقاه ويجبر عزاي ويخزي بليس عني صح السانها أم محمد وعوضها عنه خيرا والله يسكن ولدها جنة الخلد |
رد: والدة /محمد الغطاس تغسل أحزانها بمرثية مرثية جزلة صح لسان أم محمد رحمه الله ومبكية ولما لا ؟ والشاعرة ترثي فلذة كبدها عوضها الله خيرا . تثبت المرثية وشكرا جريح المحبه على رائعة ام محمد |
رد: والدة /محمد الغطاس تغسل أحزانها بمرثية صح لسان ام محمد وعسى الله ان يغفر لمحمد وان يدخله فسيح جناته |
رد: والدة /محمد الغطاس تغسل أحزانها بمرثية ابو رهف محدن مسوي سواياه لاقـــط زعلني ولا زعل مني ارجي من الله جنة الخلد ماواه وعساه فيها ناعمن ومتهني امين يارب رحمه الله رحمة واسعة صح لسان ام محمد ومشكور اخوي جريح المحبة واسمح لي بنقلها هنا |
رد: والدة /محمد الغطاس تغسل أحزانها بمرثية الله اكبر قصيدة مبكية رحم الله ابو رهف وعوض والدته وابناءه خيرا |
الساعة الآن 02:26 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..