|
قالت انتبه باقـي علـى شفتـك روج قصيده اعجبتني وحبيت انقلها لكم ياعين مـن حطيـت عينـي بعينـه وابطيت واقف في بحرعينهـا مـوج ابحـرت فـي عينـه بليـا سفينـه سجيت فيها ليـن ضيعنـي المـوج حاولت الـد الشـوف عمـا يهينـه ولا إنتبهـت الا وانـا فيـه ملبـوج شفت الفتـن فـي ملتقـى حاجبينـه والسحر في عينه مع الزين مدمـوج اسـود سـواده لابستـه السكيـنـه وابيض بياضه طايش اللون مرجوج زاويـه طـرف ٍ حاجـز ٍ دمعتينـه لولاه كان الخـد بالكحـل ممـزوج كاسيـه رمـش ٍ زاد ملحـه وزينـه من فوق متكحل ومن تحت مدعـوج بين الرموش السود شفـت الغبينـه واللي رماه الرمش ماعاد لـه بـوج مرت ثوانـي مـن حياتـي ثمينـه وأنا اتهـادى بيـن الاشـواق وأدوج مرت وأنا قابـض علـى راحتينـه واقف مقابل لـه وساهـي ومدلـوج مدري وش اللي صار بينـي وبينـه والقلب ماردنـه ضلوعـي العـوج ولا إنتبهـت الا بسحـبـة يديـنـه قال انت تبغى الناس تلحقني بهروج قلت اعذر اللـي شافـك الله يعينـه يبطي ودمعه بعـد فرقـاك مزعـوج عينـك بنظـرات الغـلا مستهينـه قال الغلا في داخل القلـب منسـوج قلت الوعد قال ايـه كلـش بحينـه الله يفتح لك مـن الضيقـه فجـوج قلت آآه .. طيب شفيلي الدرب وينه قالت انتبه باقـي علـى شفتـك روج قلت لهـا أدري بـس لا تمسحينـه أبقهـر بلونـه مطافيـق وعـلـوج منقــولـ العــود الازرقـ .. تحيـاتي |
اقتباس:
قــصــيـده جميـله جدا جدا يعطيك العافيه اخوي العود الازرق مشكور على االنقـل تحياتي لك ابو شيهانه |
عزيزي العود الازرق اختيارك فعلا راقي كرقيك بهذا المنتدى ابدعت وفعلا شهادتي لك بانك مميز لان اختيارك موفق ...فتلك الكلمات فعلا رائعه...اعجبتني ...وكلي ثقه باعجاب من يظمــأ دائما لمثل هذا الابداع... دمت بالف عافيه |
صح لسانك وصح لسان الشاعر اختيار موفق |
| الساعة الآن 04:21 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..