حســبي الله

#1 (**permalink**) 29-09-2010, 02:40 PM


	*حسبي الله ياهوى الغربي على ذعذاعـك* *جدد اجروحن قديمه كنـت انـا ناسيهـا* *آه يامحلا هواك ولـو تخـف اطماعـك* *جيت تحرثني وانا الـي علتـي كاميهـا* *من ربيع العام الاول ماعرفت اوجاعـك* *جيتني فاتـح يديـك وجبتلـي طاريهـا* *ليه؟تكفا! ياهوى الغربي ياشين اطباعـك* *ليه ماتدري عـن الـي هدّهـا يغليهـا* *ايه مغليهـا وربـي مانويـت اخداعـك* *يوم راحت صارحتني والحـزن معميهـا* *قالت اطّيع الزمن لـو الزمـن ماطاعـك* *قلت وش فاد الزمن...؟ ..هالسالفه كبّيها* *قالت انت اصبر حبيبي وانتبه!بسماعـك* *جمعتن تغضب الاهـي والمـلا مابيهـا* *ادري انك لو قـدرت اتجيبهـا بذراعـك* *لاكن انـك عـارف اولهـا مـع تاليهـا* *والله اني عاذرتك ولاعنـي مـا لاعـك* *وش نسوي والحظوظ السود وش حاديها* *العقل والدين وسلومن مشت في قاعـك* *ياحبيبي بالامانه وشتبي...؟.....ن محيها* *قلت لا وقالت اصلا هي ثـلاث ارباعـك* *باعهـا كـل الثلاثـه والربـع شاريهـا* *الحصيل اهو الحصيل ولو حصد زراعـك* *والزروع الي ازرعوهـا كلنـا نجنيهـا* *المهم اني عشقتك لـو قضـى مرباعـك* *والطيـوف الـي تجينـي الله محييهـا* *ياحبيبي ودي امشـي والعـذر لوداعـك* *بس تكفا وص في نفسك وانا بوصيهـا* *قمت اردد عزتيلي لـو يغيـب اشعاعـك* *واستدارت دون نظره واشـرت بيديهـا* *عزّتيلك يالجباري لـو لبسـت اقناعـك* *دنيتك وش هو طعمها لو جفـا غاليهـا* *مركبك وين يغديبك لو فقـدت اشراعـك* *بنشدك وشلـون بالله ليلتـك تمضيهـا* *آه ياقلب الجبـاري ويـن هـو فزاعـك* *وآه من جور الليالي لو قضـى حاليهـا* *حسبي الله ياهوى الغربي على ذعذاعـك* *جدد اجروحن قديمه كنـت انـا ناسيهـا*

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
خطبة رسول الله ( صلى الله عليه وآله ) حول شهر رمضان المبارك	منى وفيق	روحانيات	6	07-09-2008 05:00 PM
عظمة الله جل في علاه - للشيخ عائض بن عبد الله القرني في أبها	عبد العزيز بن عبد الله	روحانيات	13	05-09-2007 12:19 AM
الله الله الله يا الريال والله نادي ملكي صدز	الهلالي	الرياضة والشباب	8	20-06-2007 02:54 PM

حســبي الله

صهيل القصيد