مجالس الرويضة لكل العرب - الجادل اللي شفتها

الجـادل الـلـي شفتـهـا بـعـد انقـطـاع دام عــام

جتني وكنها من لهيب الشوق تحبي لـي حبـي

يوم اقبلت قلت اسمحي لي اوقف بكـل احتـرام

ودي أكحل ناظري واشفـي مـن الشـوف تعبـي

يالعـن ابـو الاشـواق ,, يالبيـه ,, ولا يـاسـلام

إلا فديـت كفـوفـك الـلـي ماسـكـه فــي منكـبـي

وش ذنب عيني في رجى لامـاك تسهـر ماتنـام

وش ذنـب قلبـي يـوم قطّعتيـه ياشـبـه الظـبـي

وش فايـدة قصـر ٍ بنيتـه داخـل ضلـوع ٍ حيـام

وش فايـدة عـمـر ٍ عطيـتـك ماتحـقـق مطلـبـي

قالت عصاني حظـي اللـي طـاح ثـم مـازاد قـام

والشوق شاهد والظروف ,, وقسوة الايـام بـي

لا تحسب اني يوم جيتـك ناقصـه هـرج ومـلام

جيتـك ابيـك تلمنـي مــن هامـتـي لـيـن كعـبـي

تكفى ! وانا لى قلت تكفى ,, عارفه تاريـخ يـام

انهم هـل الفزعـات وانـي ذاخـره منهـم صبـي

قلت ارحموني من هوسها لا عثـى فيـه الظـلام

إلا عـلـى صــدري تـحـدي كــل هـمـك والعـبـي

مـادام هـذا مطلـبـك (يـاويـل حالي).(يـاحـراا م)

ولا على طـاري التوجـد (ياسبـي حالـي سبـي)

ماقطّـع كبـود العطاشـا كــون مــرواح الغـمـام

والحين يوم الله جابـك هاتـي اشـرب واشربـي

كـم قـد سريـت آخايـل البـراق فـي ليـل العتـام

وارجع من الياس مغلوب وشايل ٍ ضيـم ركبـي

زلي على ماطـاك وانسـي مـن تناهيـت الغـرام

همك جلا دامك وزيتي ,, (وارحبي ثم ارحبي)

قالت انا لك , وانت لـي والعالـم الباقـي حطـام

هذي انا مابين يديك ,, آمر تدلـل ,, وشتبـي ؟

قلت اشهد ان الشوق فاضح لا رحم جـد الهيـام

و انتي علـى ماقالـوا العشـاق (طبـي وسببـي)

ولا وعـيـت الا عـلـى صــوت الإقـامـه والإمــام

وآفـز كنـي فاقـدٍ لـي شــي ,, وآمــس شنـبـي

واثـر الحكايـه كلهـا اطيـاف حـلـم ٍ فــي مـنـام

واثر العشيقه عند اهلها ,, وانا عند امي وابي

ممـــا راقــ لـــــــي