طعني مادام الجروح اصغار وجدادي
لاينهدم بيـت عـزن مسـت اطنابـه
طعني ترا مايسـرك قـول حسـادي
من يسمع الناس فـي غاليـه يغدابـه
اصحى ترا مايفيـدك رايـك الغـادي
باكر مع الوقت كلـن يجـرد حسابـه
الامر لاتاخـذه فـي طيـش وعنـادي
الظلم ما فيه راعـي حـق يرضابـه
ان كان بالحق حقـك بالخطـى بـادي
وان كان بالظلم حقـي تجـدع اتعابـه
وان جيت في عزتي ورثن من اجدادي
وان جيت في حق نفسي نفسي اولابه
وان رحت ناوي بالفراق اوعدك ببعادي
ابشر بمن يقطع الفرجه عـن احبابـه
عزمي قوي واشعل البـارود بزنـادي
والظلم والذل والحقران مـا ارضابـه
وان شفت ما عفت ما خليتك اسنـادي
والحر رزقه علـى الله قبـل مخلابـه
ارجع لهالحين عندي الوضـع عـادي
ياصعب باكر رجوعك وانـت ادرابـه