مجالس الرويضة لكل العرب - الذيب و الشبرمي

م عليكم ورحمة الله وبركاته
مساكم الله بالخير .. أعضاء .. زوار.. ضيوف

والمعذره ثم المعذره لأني أنقطعت فتره طويله بسبب ظروف أنترنتيه

والحين أنا راجع لكم وأنشاء الله ماتعترضني ظروف أنترنتيه

وهذي قصيده قلتها لأني لاحضت بعد سالفة محمد بن الذيب والشبرمي ناس واجد يردون عن أبن الذيب

وناس يجارون الشبرمي كأن بن الذيب والشبرمي ناقصهم شعر

مانطول عليكم .....

يالله تفتـحـلـي مـــع الـنــاس بـيـبــان بـيـبــان رزقــــك لاتـسـكــر عـلـيــه

وجهـت لـك وجـهً تغشـتـه الأحــزان ورفعتـلـك عـشـر الأصـابــع بـريــه

يالشبرمي مالي معك عنـز وحصـان ويالذيـب مالـي معـك فزعـه وحميـه

منتم فـي حاجـة مـن يهابـد بالألحـان ولانتـم فـي حاجـة مـن بيوتـه قـويـه

ياكـثـر ماينـقـز مــن الـنـاس لـقـفـان فــوق المشـاكـل يمتـطـون المـطـيـه

دوارة الـشـهــرة ولـفـاتــت أعــيــان خـيـارتــن مـابـيــن هــــذي وذيـــــه

أحـدن يقـول فـلان أشهـر مـن فــلان وأحــدن يـقـول فــلان مـافـيـه زيـــه

أفزع مـع ألـي شهرتـه غطـة أزمـان هـــذي طريقـتـهـم يـمــال الـخـزيــه

لحدن طلب منكـم علـى الحـق تبيـان ولاحــدن تـحـرى رجعـتـك ياطمـيـه

لاشـك ماهـو عيـب ولافـيـه نقـصـان تـاقـف مــع أبــن الـعـم وقـفـه وفـيـه

وقت اللزوم أن جاك فالوقت عـدوان لاشـــك تظـهـرلـك وجـيـهـن خـفـيـه

أمــا مـثـل هــذي فــلا فـيـه حسـبـان بـحــر نـقـدلــه بــحــر وبـشـاعـريـه

خلوا جبال طويـق فـي حـرب قيفـان تضرب بعض بأبيـوت شعـرن قويـه

مـاودنــا تــدخــل قـبـايــل وبــلــدان ولاودنــــا بـالــســب والـعـنـصـريـه

وأن كان تبغى الحق بعطيـك برهـان لا تستـمـع لأصــوات نـــاسً غـبـيـه

هذي تراهـا (يـام) وأن كنـت غفـلان شـرابــت الـــدم الـحـمـر صيـرمـيـه

تقطـف رقـاب القـوم ماهيـب تنـهـان مـثـل الــورود ألــي تقـطـف شـذيــه

وهذي (تميم) ألي علـى العـز نيشـان أهـل الـكـرم والـجـود مـاهـي رديــه

أخـــوان تلـقـاهـم وتلـقـاهـم أعـــوان عــز الـخـوي نــارن تجـدهـم وفـيــه

وجهة نظر والناس في روسها أذهان تفـرق مابيـن الصـح وبيـن الخطـيـه

أقولـهـا وأنـطـق بـهــا بـفــم مـلـيـان شـاعــر عتـيـبـي مـايـخـور بـخـويـه