سالفة عشـــاق من بغى الفرقى لقى له عذر وأسباب ودليل..خل عنك العذر والأسباب دام الحب ضاع كان ودك بـ الفراق أبشر عسى عمرك طويل..لا تردد وأنت لك كلمةً وأمرً مطاع لي عليك أنك تبت بـ كلمةً تشفي الغليل..ولك علي أني لـ أوقف وقفة الرجل الشجاع لا تجاملني مخافة قال مدري قيل..عمر هرج الناس ما يسمن ولا يغني جياع كان قصدك سر حبك أوعدك لـ أصبح بخيل..وأحمل أسرارك معي لـ الموت قدر المستطاع بس قلها قل ما أحبك وأبشر بـ صبرً جميل..لاتحسبني مثل من طبعهم لوي الذراع صاحبك ما هو كذا يا صاحب القد النحيل..صاحبك طبعه غريب وغربته غربة طباع في الهوى ما يقبل الحل الوسط ولا القليل..مثل ماهو لاشرى يشري وليا من بآع باع ثابت لو هي تميل الأرض تحته ما يميل..يدري أن الفقر ما هو عيب والدنيا متآع ما عشق لذة حياته كثر عشق المستحيل..ولا كره حتى مماته كثر كره الانصيآع كم تعلم من شديد البدو وش معنى الرحيل..وكم تعلم من غروب الشمس وش معنى الوداع وكم تعلم من سحاب الصيف وش معنى الحصيل..وكم تعلم من ليال البرد وش معنى الضياع ايه أنا هذا طريقي موحش وصعب وطويل..وأنت لا منك تعبت العالم فجوجه وساع أعتبرني في بداية سكتك عآبر سبيل..ورح وأنا قلبي معك من وين وجهت الشراع يكفي أني لا ذكرت في سالفة عشاق قيل..عاشر أحبابه شجاع..وفارق أحبابه شجاع |
رد: سالفة عشـــاق مزيج من الجمال والإبداع والتميز ...هنا... يكفي أني لا ذكرت في سالفة عشاق قيل. .عاشر أحبابه شجاع..وفارق أحبابه شجاع لـ روحك ارقى درجات الشكر وافخم ورود الكون ^_^ |
رد: سالفة عشـــاق رووووووووووعه وأختيــآر مميز .. وذووووق / تسلم اناملك الذهبيه ع النقل |
رد: سالفة عشـــاق صديقتنا ,,, والاجمل هو مرورك العذب والراقي دائما ودمتي بخير |
رد: سالفة عشـــاق ابو طارق اسعدني مرورك والذوق منك اخوي |
الساعة الآن 08:11 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..