الشاعر علي بن محمد بن هلال

لي ديرة عل وبــــل الوسم يجيها =وكــــــل فـصل من الامطار رويـانــه
رويضة العرض ياللي كنت غاويها =زعابــه إلــها مـثـل ومــريقـب وزانـه
والهضبه إللى تجاورها مبانيها = عندي كما الجوهره وأغلى من اثمانه
في وسطة العرض والتاريخ راويها = مابين صبحى وعروى كل سـكانه
فيها جميع القبايل ساكنه فــيها = وديــرة اسـهول من قامت إبنيانه
هي ديرتي في ضميري دايم أغليها= ولاكل من حب لازم ينطق إلسانه
جدي بها عاش والوالد وانا فيــها = ولاحد نسى ديرة بتضم جدانه
أحبها حب نفسي عل يــحييها = مـن دافــق رافــق واتسيل وديانه

قال منهو من طلع ماضر جاري = شيمته تحميه ماضر القصيري
أحترم جاري وداره مثل داري = وأحتمي لاغاب مانيب الحقيري
ماشي بالطيب مايخلف مساري = وماشي بالعز ماطمن نظيري
وأكتم ألي لاجلس يجيب طاري = للعرب وأقول أنا مالى وغيري
عشت وسط العرض وأزيد افتخاري = بالبلد واهل البلد ساكن واميري
الرويضة ديرتي فخري وأماري = عل سيله مثل سيل أبها عسيري
ترجع الديره ويقصدها الإحداري = وترجع اسيوح أبوديانه غريري
تكتسي عقب العرى كل الصحاري = والسيول أتحير في وادي وبيري
بقدرة الى قادر مجلي غداري = ربي ألى ماكتب لازم يصيري
والسلام إختام ياسامع وقاري = وأسمعوا ماقلت من خافي ضميري

أحب والحب العذي فضيلة=ولا لوم فحبي تؤامي وسرمدي
كيف لا والمحبوبة علي حنينة=وهي أول من ضمني لحظة مولدي
فهي أمي وحقوقها علي فريضة=وسأفني عمري بخدمتها لتسعدي
رويضة العرض وذي خشب أزلية=فديتها بالروح والربع والولدي
فلها حبي حياً وبعد الممات بوصية=أكلها إلى ولدي وحفيد ولد الولدِ
وعروان وما سال الجمح وخنيفسة=ودساس ويذبل ودمخ تحددي
تضاريس وادي ذي خشب وجغرافية=فهي كرموش العين والعين بلدي
وزعابة والمريقب والهضبة ومدقة=كقلب وكليتين وكبد في جسدي

أحمد الله ياعرب ذي ديرة لي = وأحمد الله شفت زعابه اقبالي
ديرتي ماغيرها دار هولي =ماحلى الديره وهاذيك الجبالي
الرويضة حبها بالقلب حلي = وأشهد الله حبها حب العيالي
مانشدت الشعر قصدي للتسلي = والله أني صادق واصدق مقالي
يوم ولد الاش من داره يملي = جيتها وأرتحت لو مابه حلالي
افترش لترابها واقول زلي = الرمل والطين في داري زوالي
عل سيل الوسم بكر ثم علي = سيل الوديان من جالً لجالي
تزهر الريضان يوم الوسم حلي = والخباري تمتلي سيله اهجالي
والحلال مربع يعجز يشلي = للشحم سبحان من غير الحالي
رب تقبل ياولي الطلبة لي = ياكريم قدرتك تنشي الخيالي
قاله الى ضاق صدره ماسفهلي = يوم غادر ديرته عدة ليالي
والسموحه كان قولي فيه زلي = ولاسمعتو فأعذرو على الهلالي