|
الشاعر سلطان بن حسن العتيبي السلام عليكم ورحمة الله وبركاته هنا يزرع أحد ابناء الرويضة ومن شعراءها الشباب (سلطان بن حسن العتيبي ) ابداعاته ونتشرف بفتح صفحة خاصة به . |
رد: الشاعر سلطان بن حسن العتيبي انا ماذبحني كود غـروٍ عليـه الكـاب على كابها رمـز الخطـوط السعوديـه ألا ليتني كبتـن ولانـي مـن الركـاب أخاويه في الروحه واخاويه في الجيـه وسيع العيون اللي هدب عينهـا جـذاب زعيمـه عـذارى والملامـح خليجيـه ألا جل من خضب يديها بدون خضـاب عطاها الولي من روعه الزين ماريـه أبا اطمّنه وابا اقنعه كان هـو مرتـاب وابا اقضي معه رحله وجوله سياحيـه وننزل سوى في ديـرةٍ مابهـا نـواب أهلهـا خليطـي والديانـه مسيحـيـه ديار الجمال اللي غشى جوها السحـاب سماها مغيـم تمطـر شويـه شويـه وفيها البنات البيض مايلبسـن حجـاب وفيها الشباب بـدون غتـره وطاقيـه إذا صار مالك في البلد عزوةٍ وأصحـاب وسكانها مـن كـل جنـسٍ وجنسيـه أبا امشي بها عرض واسوي مالذ وطاب وأبا اكتب عليها زوجةٍ غيـر شرعيـه سلطان بن حسن |
رد: الشاعر سلطان بن حسن العتيبي غضت نظرها ماتبي ترفعه فوق وشلون لوتاقف وترفع نظرها يصير مافي تالي الروح ملحوق والفاتنه كلن يطيح بخطرها الله ياهي قمة الحسن والذوق يوم أبعدت عنا وكفت بصرها وشاحت بعينن رمشها يستر الموق مستورة(ن) حطت نظرها بأثرها سبحان من صور بها الشكل مخلوق وإلا البشر ماتختلف في صورها لكن جعل بالزين والمنظر فروق كما فرق ذا الفاتنه عن بشرها ترفع مقام السوق لو تنزل السوق من لابتن بالناس عالي قدرها والقلب من حب الغنادير محروق ومشاعري نجل العيون تحدرها الشاعر/سلطان العتيبي |
رد: الشاعر سلطان بن حسن العتيبي (( مافي يدي حيله )) هذه القصيده قديمه مهداة للشاعر/ سيف بن محمد الشنيفي (( مافي يدي حيله )) أنـــا يالشنـيـفـي زاد هــمــي عــلــى لاماه بـعـيـد عـــن الـديــره ولا فـــي يـــدي حـيـلـه تـهــل الـعـيـون دمــــوع دم عــلــى طــريــاه وعلـيـه أتـوجـد مـيـر مــا فـــي يـــدي حـيـلـه مـغـيـر أتـقـلـب كـــن قـلـبـي عـلــى مــــلاه تمنـيـت أشـوفـه مـيـر مــا فـــي يـــدي حـيـلـه عـسـى الله يعـيـن القـلـب يـصـبـر عـلــى بـلــواه بـرانـي بحـبـه مـيـر مـــا فـــي يـــدي حـيـلـه غـريـر عـلـى قلـبـي تـربـع وأنـــا مـــا أقـــواه أخــاف اجــرح إحسـاسـه ولا فـــي يـــدي حـيـلـه جمـالـه سـحـر هــاروت سـبـحـان مـــن ســـواه علـيـه الحـشـاء يـقــرع ولا فـــي يـــدي حـيـلـه تـكـلـم بمـنـطـوق يــتــل الـحـشــاء بـقـصــاه وأقــوم اتـعـزوى مـيـر مــا فـــي يـــدي حـيـلـه زمــاء فــي حـشـاها بـيـض قـمـري عـلـى مـبــداه عليـهـا مـريـض الـحـال مــا فــي يـــدي حـيـلـه نهـيـت الـجـوارح مـيــر قـلـبـي عـجــزت أنـهــاه خــلاص انطـبـع حـبــه ولا فـــي يـــدي حـيـلـه جديـلـة عـلــى مـتـنـه وغـــره وحـلــو أشـفــاه ويــا طــي حـالـي طــي ما فـــي يـــدي حـيـلـه ألا يـاعــويد الـمــوز حــالــي تــــرى تــبــراه تـمـايـل إلـــى جـيـتـك ولا فـــي يـــدي حـيـلـه تـــراي الـمـريـض الـلــي ملـكـتـه وعــطــه دواه وتـرفـق بحـالـي مـيـر مــا فـــي يـــدي حـيـلـه انــا لــو نهـونـي يالشنيـفـي فـنــا مـــا أنـســاه رهـيـن العـيـون الـسـود مــا فــي يـــدي حـيـلـه ثـلاثـيـن مــــره جــيــت بـيـتــه ولا شـفـنــاه أبــي الـقـرب منـهـم مـيـر مــا فــي يــدي حيـلـه آلا يـــا بـعــد حــالــي تــصــدق لــوجــه الله وعطـنـي لـوجــه الله مـــا فـــي يـــدي حـيـلـه الشاعر/ سلطان بن حسن العتيبي |
رد: الشاعر سلطان بن حسن العتيبي (( مافي يدي حيله )) هذه القصيده للشاعر/ سيف الشنيفي ردا على قصيدة الشاعر/ سلطان بن حسن العتيبي (( مافي يدي حيله )) هــلا بالعتـيـبـي كـــل قـــاف نـبــي نـبــداه علـشـان مـرسـولـك ولا فـــي يـــدي حـيـلـه تشـكـي تـقـول القـلـب فـيـه الـسـهـم مـخـطـاه هــذا فـعـل خـلانــك ولا فـــي يـــدي حـيـلـه عيـونـك تـهـل الـدمـع كـلــه عـلــى فـرقــاه عسـى الله يعيـنـك مـيـر مــا فــي يــدي حيـلـه تصـبـر لـعـل الـوقـت يـسـعـدك فـــي لامـــاه لعـلـه نصيـبـك مـيـر مــا فــي يــدي حـيـلـه تـرى القلـب مـا يعـذل ويصـبـر عـلـى مــا جــاه حيـاتـه وليـفـه مـيـر مــا فــي يــدي حـيـلـه عسـى الله يعيـن الـلـي مــن الـعـام فــي عمـيـاه تصـافـق هبـوبـه مـيـر مــا فــي يــدي حيـلـه ولــو قـلـت مهـمـا قـلـت قـولـي عـلـى معـنـاه فجعـنـي زمـانـي مـيـر مــا فــي يــدي حيـلـه علـى الـلـي الــى مـنـي تراجـعـت فــي ذكــراه تـزايـد همـومـي مـيـر مــا فــي يــدي حيـلـه عـنـود خــذت قلـبـي وقلـبـي يـعـيـش احـمــاه أمـانـه بكـفـه مـيـر مــا فــي يـــدي حـيـلـه أنــا ويــن ابلـقـى فــي الـعـرب مثـلـه وحلـيـاه لطـيـف الحـشـا نــادر ولا فــي يـــدي حـيـلـه ملكـنـي بحـبـه مـلـك والـحــال مـــا تـخـفـاه رعـــاه الله الـوالــي ولا فـــي يـــدي حـيـلـه وتـقـبــل بـيـوتــي رد لـبـيـوتـك الـمــهــداه ولا فـي يــدك حيـلـه ولا فــي يــدي حيـلـه الشاعر/ سيف بن محمد الشنيفي |
رد: الشاعر سلطان بن حسن العتيبي (( التابوت )) هذه القصيده مهداة للشاعر/ سيف بن محمد الشنيفي (( التابوت )) الحال نشت والحشاء صار مكبوت ياسيف ويش الحل وويش السواتي سلطان يبكي من عنا فايت الفوت والظاهر(ن) أيامنا فايتاتي من كثر تفكيري غدا الوجه مبهوت ذي حالتي ياشوق عذرا البناتي حسبي على اللي جرح القلب بسكوت ليته يشاورني وأبيع الحياتي مانيب عقبه في حيات ولاموت جوارحي ياسيف راحن شتاتي لامت شل جثمان روحي بتابوت وده لطيف الروح ينظر وفاتي الشاعر/ سلطان بن حسن العتيبي |
رد: الشاعر سلطان بن حسن العتيبي (( ريم البوادي )) (( ريم البوادي )) ياويل قلبي من هوى البال ياسعود من عقب شوف الزين ريم البوادي أدعج غنج غض النهد لين العود هي منوتي هي غايتي هي مرادي في البيض زين وزين خلي بلا حدود هايف حشاء سبحان رب العبادي راع أشقر من فوق الأمتان مرجود والموت في لبة نحرها ينادي والعين عين اللي من الكف مهدود والخد براق سرى في سوادي والجسم ناعم والسواليف بركود لو شفتها ياسعود عفت الرقادي كل الحلا والملح والتيه موجود في صاحبي ياسعود علم وكادي غرو(ن) مقره داخل عيوني السود والله ما أنساها ولو قيل غادي لو لا الحياء والحب مافيه منقود لأ ضمها ياسعود بين الأيادي عندي على قولي براهين وشهود الحب يذبح لاتمكن وزادي أفزع ترى عمري مسجل ومعدود وقلبي من أسبابه بدأ فيه بادي ودي بقربه مير ياسعود مردود لا والله ألا راح ريم البوادي الشاعر/ سلطان بن حسن العتيبي |
رد: الشاعر سلطان بن حسن العتيبي (( خشف المها )) (( خشف المها )) لك الله ياصوت سمعته من الدمام على الهاتف الجوال ياحلو منطوقه رهج تيلفوني في يدي والعباد نيام وفز الخفوق وعذب القلب وعروقه وتكلم بصوت سامعه قبل سبع أعوام وعالج بصوته علة القلب وفتوقه وجدد سوالف سالف الوقت والأيام وتذكرت عينه يوم يرخي هدب موقه وتذكرت غرتها وشعره ألى الأقدام جماله طبيعي ماحوى فيه زبروقه وتذكرت خد كنه البدر بالتمام غريبه عجيبه نادره بنت منتوقه جمال العرب واجد بالألوان والأجسام وجماله تحدى زين برقا مع الروقه يالبيه ياخشف المها ساكن الدمام ولو لاه مادخل عالم الشعر وطروقه الشاعر/ سلطان بن حسن العتيبي |
رد: الشاعر سلطان بن حسن العتيبي (( تحت الطلب )) هذه القصيده ردا على قصيدة الشاعر/ سيف بن محمد الشنيفي (( تحت الطلب )) يقول سلطان العتيبي بمبداه والى بغى القيفان جتله بطوعه يعسف طروق الشعر من قو معناه لا سمعه المشتاق تطرب سموعه شكيت للي شايل داه برداه مثلك ترى حب العذارى يصوعه والرجل لايبدي على الناس شكواه ولو زاد حبه لا يبين خضوعه ودامك تقول أنك تحبه وتهواه خلك على حبك وولع شموعه وان كان تبغى المال والحال والجاه تحت الطلب والزين ترخص دفوعه وان كان مافادت غزينا وجبناه لو كان بيته محكمات دروعه وان كان جت ياسيف باللي تمناه أعرف ترى الطائر سريع وقوعه وأنا بعد مثلك وقلبي بعمياه في حب من يصعب عليه رجوعه غرو(ن) نهب قلبي وتله من أقصاه عليه قلبي يابسات زروعه والله لو لا الله لولاه لولاه اللي على المخلوق يفرض ركوعه أني لحط أشفاي ياسيف بشفاه وأروي ظمأ كبد بحبه جزوعه الشاعر/ سلطان بن حسن العتيبي |
رد: الشاعر سلطان بن حسن العتيبي (( غيوض )) هذه القصيدة ردا على قصيدة الشاعره / غيوض ( أمر تدلل ) التي تغنا بها الفنان/ خالد عبدالرحمن (( غيوض )) هيض شجوني كاتب الشعر توليف نقض علي جروح وقت مضالي راجعت ذكرى اللي ثمانه مراهيف غيوض ذكرني شبيه الغزالي الحب بلوى فيه لأهله تكاليف لو هو مراره قال راعيه حالي قلب المحبه ساحته كلها ريف صافي مصفى مايعيش الخيالي غيوض حبه مادخل فيه تطفيف مخلص لمحبوبه منول وتالي الله يجيره من جميع الصواديف وتبقى السعاده معه طول الليالي الحب بين ثنين للقلب تلطيف فيه الموده من عزيز الجلالي لاصار خالي من هروج الملاقيف حلو(ن) شرابه مانبي له بدالي الشاعر/ سلطان بن حسن العتيبي يوم الخميس 8 / 12 / 1414 هجري |
| الساعة الآن 11:46 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..