قصيدة شعرية

العين ماتعلا على الليل بنعاس

مريتك البارح على هجعة الناس =وصدفتني بين الحنايا وعديت
العين ماتعلا على الليل بنعاس=ولو تلتفت ما قلت لك ليه صديت
يا حاطب الايام جود على الفاس =اقول وانت تجز الاحلام اقديت
انت انكسرت وطاح من كفك الكاس =صدق الشعور اللي على القاع ارديت
وانا النهار اليا كسف كل قرطاس =حزة تبين لي جبينك وعديت
كتبت لك ياموقد الفكر بالراس =وفي محجر عيون القصايد تهاديت
كبرت وهانت قلت ياقلب لاباس =يشفع لك انك وافي ماترديت
جمعت كل اللي مضى بين الاقواس =واطلقت قلبي للهبايب وهديت
في جوف مسرى الليل لي رمش عساس=وصوت تجاوز نبرتي يوم ناديت
من كل هم للمسافات مقياس=وامسيت في قلبي وانا منك شديت
ويا للي خذيت من العمر كل الانفاس =باالله قلي عقبها وش رديت
هذي جروحك بين الاضلاع جلاس=شف من قديم الجرح كيف استجديت

منقولة

ويا للي خذيت من العمر كل الانفاس ===باالله قلي عقبها وش رديت
هذي جروحك بين الاضلاع جلاس===شف من قديم الجرح كيف استجديت

صح السانك قصيدهـ رووعه بجد

يسلمووو يعطيك العافيه

وفا

	ويا للي خذيت من العمر كـل الانفـاسبـاالله قلـي عقبـهـا وش رديــت

صح لسانك ابو نادر ولسان الشاعر

الله لا يهينك على النقل

هذي جروحك بيـن الاضـلاع جـلاس ,,,شف من قديم الجرح كيـف استجديـت

بوح راقي من العمق
جعلني اتوق للمزيد

صح لسانك

تحيتي
.

ابونادر صح لسانك ولسان الشاعر

ولاهنت