|
معالم من الرويضه ( ساحرة القلوب والعقول ) بسم الله الرحمن الرحيم السلام عليكم ورحمة الله وبركاته ايها الاعزاء تقبل الله مني ومنكم الصيام وصالح الاعمال كما تعلمون جميعاً الان نحن في عشر المغفره بعد انقضاء عشر الرحمه فا اسأل الله ان يغفر لي ولكم واباؤنا وامهاتنا ويجعلنا جميعاً من اهل الجنه امين *********** اضع بين ايديكم عده صور لابرز المعالم ( لساحره القلوب و العقول ) الرويضه مع التعليق عليها اذا استدعى الامر ذلك طبعا الصور ليست احترافيه ,,, وليست بالجوده المطلوبه فاطلب المعذره منكم مقدماً لانها التقطت من جوال n70 قد اكل عليه الدهر وشرب *************** 1- نبداء باول المعالم وابرزها ( زعــابه ) فهي تقع في الجزء الشرقي من الرويضه وملاصقه لبنيان الدخل المحدود من الجهه الشماليه ويبلغ ارتفاعها 200م تقريباً هذي زعابه عساها السيل000الله مكبر معزتها القلب تيم بها بالحيل 000 والعين تطرب بشوفتها http://a.imageshack.us/img836/6269/79623628.jpg *************** *** 2 - ( البندقيه ) تقع على الخط السريع يمين الداخل للرويضه من ناحيه الشرق اكثر المواطنين ماوده بها ,,, اما انا من المؤيدين لها *************** ********** 3- ( هضبة قهيدان ) وتقع جنوب الخط السريع وكل ما يخصها من ناحيه التسميه وكتابه الرويضه عليها تجدونه على هذا الرابط موضوع مستقل *************** ******** 3- ( المستوصف ) في الدخل المحدود مازال تحت الانشاء من 3 سنوات والظاهر انه يبيله مثلها بعد وعساه يزين *************** ***** 5- ( بيوت تراثيه ومزارع قديمه ) عشان ماطول عليكم على الرابط موضوع مستقل *************** ************ 6- ( جبل دريقان ) جبل اسود معترض من الشمال للجنوب بطول 1كم وقد ذُكر هذا الجبل في كتب بعض المؤرخين بهذا الاسم ويقع في الجنوب الشرقي للرويضه يبعد عن الدخل 2كم الي مايعرف موقعه هو الي ساكنين في اسفله من غرب ال سالم من الدواسر *************** ************* 6- ( مطل بزمه ) وسمي بذالك الاسم لوجود مزرعه قديمه في اسفله باهذا الاسم وهو من اشهر المعالم السياحيه في الرويضه واقدمها ويقع في الشمال الغربي للرويضه تقريباً 8كم تمسك خط عروى وتفرق من عند قمعه يسار باتجاه الغرب وقد عمل قبل اكثر من 28 سنه فجزا الله من سواه الف خير .. وكثر من امثاله هذا طريق الصعود للمطل وهذه الصوره من اعلى المطل ويظهر فيها زعابه والرويضه وهذا مسجد المطل ويتضح كثرت البطحاء في الجبل عامه جعل من بناه يبنيله الله قصر في الجنه امين *************** ********** وهذه صور متفرقه لمزرعه بزمه الي سمي المطل عليها وهي تابعه لـ ال سيف اهل ( قمعه ) رحم الله الميت منهم واسكنه الفردوس الاعلى من الجنه و وفق الله الاحياء منهم لصالح العمل هذا قصر بزمه http://a.imageshack.us/img835/7193/91817666.jpg وهذه البئر مع البركه وهي مبنيه من الصيحان ( فروش ) كذالك الساقي مبني من الصخور *************** ********** 10 – ( النجاشيه ) وتقع على وادي ابا العبلان شمال الرويضه 3كم بئر قديمه مصممة بطريقه هندسيه رائعه جدا ذات درج من الشمال والجنوب كان اهل النخيل واهل ابا العبلان مايشربون الامنها عمرها قديم جداً فوق 42 سنه *************** ************ 9- (المستشفى الجديد ) عشان ما اطول عليكم موضوع مستقل لاخي ابورنا على الرابط *************** *********** 8- ( خزان المويه ) مازال تحت الانشاء ,,, عساه مايطول نفتك من الماء المالح العقد قرب ينتهي وباقي قدامهم شغل واجد *************** ************* 11-( هضاب الحمر ) تقع في منتصف المسافه بين المديفع والبساتين ( خنيفاء سابقاً ) لم يبقى منها الا القليل اكلوها حقين الصخور يوجد بها غار في الهضبه الوسطى طوله 50م ولم يبقى منه الان ولاشئ *************** *********** 12- ( سوق الخميس ) موضوع لـ بقايا جروووح على الرابط *************** ******** 13- جبل ( المركوز ) يقع في المديفع شمال الرويضه 4كم اخذ تسميته من شكله الهرمي ,,, يوجد في اسفله غابه من شجر الطلع *************** *************** ** هذه صوره خارج الموضوع اتركها لتعلقوا عليها موقعها غرب قمعه 3كم *************** *************** ** هذا جهدي القاصر امل ان ينال اعجابكم كتبته على عجل فمعذره على القصور وسلامتكم وكل عام وانتم بخير |
رد: معالم من الرويضه ( ساحرة القلوب والعقول ) ولله عقب هالصور ياولد يبي لك كميرة احترافية مهوب ابو رنا اجود منك ههههههههههه , صراحة صور كل وحدة تقول الزين عندي , وابدعت والله فيها , ونقلت لنا كل شي وحنى في بيوتنا , بس بزمة من اعلاها لين اسفلها بشعبانها وضلعانها لعبدالعزيز بن سيف الله يرحمة والاخ محمد بن زريب السهي , وابو زريب هو اللي مضبط المطل بالدركتل اللي كان معه سابقاً , وله اكثر من 30 سنة على ما اظن... واخر صورة في الدمثة لرعي خيمة شد وخلاه , بس بيجيبة الشتاء هههههههههههههه لاهنت واحلى تقييم |
رد: معالم من الرويضه ( ساحرة القلوب والعقول ) ماشاء الله والله انك ابدعت واعجبني مطل بزمه والبيت والمزيرعة القديمه ,, الله المستعـــآن الله يرحم الي هي له ويسكنه الفردوس الأعلى من الجنه,, تستاهل التقييم |
رد: معالم من الرويضه ( ساحرة القلوب والعقول ) http://a.imageshack.us/img291/2960/12068548.jpg وش قصة هذي لو سمحتوا ابي اعرف هل هي كانت في بيت وتهدم والا وشلون يعطيك العافيه وتستاهل التقييم |
رد: معالم من الرويضه ( ساحرة القلوب والعقول ) روووووووووووووع ة تسلم يمينك تحياتي |
| الساعة الآن 12:51 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..