مجالس الرويضة لكل العرب - تخيّلي . . قرّبت أكمّل ثلاثين..]]

لمست في هذه القصيدة أشياء كثيرة

بالإضافة الى حساس شاعري جميل

اتمني تعجبكم..

إيوالله متزوج . . وعايش إلى الحين =
أحاول أمسح من حياتي حياتك

الله رزقني في غيابك إبنتين =
كنت أتمنى لو يكونن بناتك

تخيّلي . . قرّبت أكمّل ثلاثين=
ولازلت شايل داخلي ذكرياتك

طفله على حد العطش لو تمرّين=
ينبت على جال الضوامي نباتك

كنتي غنى .. بعيون كل المساكين=
كنتي هنا .. تبدين سيرة غلاتك

من كل بنات الحي كنتي تغارين=
مو بس بنات الحي .. حتى خواتك

أجيب فيك العيد ولا تجيبين ؟=
منهو يسوي في حياتي سواتك

مرات نرسم نهر بين البساتين=
ومرات نتسابق وخيلك > عصاتك

ومرات نبّني قصور وبيوت من طين=
والمغرب إتهدّ المباني حصاتك

ومرات كأنك أم .. وِحنا صغيرين=
والشرشف الوردي كأنه عباتك

كان الخطا .. إنّا قرااااب وبعيدين=
كان العطا .. ما يحوم حول أمنياتك

تدرين ليه يدوم حب المجانين ؟؟=
!مابه عقل يمكر ويخدش حلاتك

صرت أفتح الخفّاق بعدك بلا: مين ؟=
ومن فات . . قلت : الود والشوق فاتك

ما هزني بعد الأمل والعناوين =
ماهزني إلا .. وفاك وثباتك

قلت وحياتك ؟ .. جاوبتني : إلى الحين=
أحاول أمسح من حياتي حياتك

واليوم ليت أملك بهالصدر قلبين=
قلبٍ يشيلك أنت . . وقلب إلـ بناتك

للمميز / أحمد عايد

لامست احســــاسي