مجالس الرويضة لكل العرب - البخيل وسيع الوجه :p

السلام عليكم ورحمة الله
الشهر عليكم مبارك http://vb.eqla3.com/images/smilies/biggrin.gif
هذي سلمكم الله قصه قالتها لي جدتي الاسبوع الي راح واعجبتني وقلت اكتبها قبل لا انساها وبما اني كل شوي مشلحه منكم قصه وقايلتها لها قلت ارد الجميل وترى هذي اول مره اكتب هنا http://vb.eqla3.com/images/smilies/038.gif

هذي القصه قديييمه بالقليل قبل ميه وخمسين سنه كان فيه رجال تاااجر تمر في قريته كان يجيب التمر من القرى البعيده ويبيعها في قريته وكان معروف عنه انه غني لكن انه للاسف كان بخيل لابعد حد حتى على نفسه يقولون انه وصل ال50 ماتزوج عشان مايدفع مهر ويصرف زياده على زوجته وعياله وانه مايبي يتعب ويشتغل ويجمع في حلاله ويصرفونها هم http://vb.eqla3.com/images/smilies/Looking_anim.gif
مع ان ربعه يقنعون فيه يافلان تزوج يا فلان تزوج من يومه صغير وهو رافض المهم انه مره جاه واحد من اخوياه وقاله يافلان ان فيه حرمه ضعيفه ترملت وهي صغيره وماعندها الا وليد ابو 3 سنين وانها مقطوعه من شجره ولا تبي منك ولا شي لا مهر ولا مصرف ولا شي ماتبي الا رجال يستر عليها ويربي ولدها ويجبيلها الي يسد ريقها
عاد خوينا البخيل فكر قال اكسب فيها اجر وماتبي مهر وراضيه بالي بعطيها خلني اتزوجها والقى لي ونيس المهم تزوجها وقعدو 4 سنين ما تاكل هي ولدها الا تمرتين ثلاثه باليوم باقي بضاعته
المهم انه مره من المرات بشهر رمضان خلص تمر محله واستعد انه يروح للقريه الي متعود ياخذ التمر منها يوم وصل لها مالقى فيها تمر وراح لقريه ابعد يوم وصل لينه العصر صلى وقعد وهو يقول في نفسه خلني اقعد لين يجي احد ويتصدق علي ويفطرني قعد شوي ويدخل المسجد ذاك الشاب المتين النظيف الي باينه عليه النعمه قال يالربع فطوركم اليوم علي, فرح خوينا وقعد يحتري اذان المغرب يوم اذن ويجي الشاب الي عزم اهل المسجد معه ناس بالقهاوي والتمور ويفطرهم يوم خلصو مصلين قال الولد نفسه يالربع من بغى يكمل فطوره حيكم الله في بيتي. المهم راح البخيل معه لبيته ولقاه الذبايح وحاط لهم من كل شكال ونوع وكل خير اكل وشبع ويوم جا بيطلع قال الولد نفسه ياجماعه الي منكم غريبن عن ديرتنا حياه الله على السحور الليله البخيل استغرب منه!! من ذا الي بيسحرنا عقب ذا الفطور ! المهم قعد وسيع الوجه خوينا وجاهم السحور يوم دخل لقاه حاط شي احسسن من الفطرو حاط كل الي يخطر على بال http://vb.eqla3.com/images/smilies/007.gif من بكره راح البخيل للمحل الي بيشتري منه التمر وشرى تمره ويوم جا بيروح سئل راعي المحل قاله اني مستغرب من صاحب هذا البيت وش اسمه؟ قاله انه رجال اسمه قضاع ليه مستغرب؟. قال البخيل شفت وش سوى امس فطرنا وسحرنا وتكلف وانه مسررف مرره من هو ولد؟ قاله صاحب المحل انه هذا شغله كل يوم في رمضان وانه ماهوب صاحب جاه لكنه ورث فلوس على طبق من ذهب قال البخيل كيف! قاله انه كان فيه تاجر بخييييييييل وعقيم المهمه انه تزوج من مره عندها هالولد وكان بخيل على نفسه وعلى عياله ويوم مات ماورثه الا هالولد وصار كل رمضان على هالشغل http://vb.eqla3.com/images/smilies/biggrin.gif
قال البخيل زين وراح رجع لديرته اول ماوصل راح لمحل الخضار وشرى من كل نوع وارسل لبيته واخذ احسن التمر وارسله لبيته ودار على كل السوق وشرى احسن مافيه ويرسله البيته والي يوصلونه يطقون باب بيته يا ام افلان افتحي هذا من ابوكم يام افلان افتحي من ابوكم هي المسيكنه انهبلت وشلون ابونا وهو مسافر!! وشلون يجيب كل هالخير وهو معيشنا 4 سنين على تميرات!! وكل شوي جايهم احد ومدخل شي احسن من الي قبله لين دخل زوجها قالت له يافلان جوني ناس يقولون ذي الاغراض منك وش الي حصل ان شالله خير؟!
قالها : نبي نبيد المال قبل يبيدنا .. قبل يجي قضاع وياكله

خلصت القصه الرجال انفكت عقدته كان خايف من ولد زوجته يصير مثل قضاع ويضيع حلاله وهو ما استمتع فيه http://vb.eqla3.com/images/smilies/biggrin.gif

اذا اعجبتكم تقيموني الله يجزاكم خير

م.ن