| |
14-07-2010, 03:16 PM
| ||||||||||||
| ||||||||||||
مـقـالـب لـلأعــضــاء مـن بـقـايـا جـــروووح...  السلام عليكم ورحمة الله وبركاته هذي سلمكم الله انواع المقالب في الاعضاء والمراقبين والمشرفين والاداريين , كل واحد ارسلت له رساله فيها كلام ملفق علية معناه ان العضو تكلم فيني عند الادراة او مشتكيني او معطيني مخالفة عشان نشووف ردة فعلة وفيهم اللي مسك نفسة ورد بثقة , وفيهم اللي طار عقلة ههههههههههههههه ههه وفيهم اللي قام يحلف << ما استوعب المهم ما اطوول عليكم اول شي رسالتي لهم بعدين ردهم علي : اول واحد مراقبنا الانيق سلطان الشوووق هع السلام عليكم... مساك الله بالخير يابو يزيد... وش جاك مني ياخووي تسووي كل هالحركات من وراي ؟ وتشكيني في الادارة وتحطني مسوي ومسوي وانا والله ماقلت اي شي والله انا استغربتها منك ولا اتوقع انك بتسوويها الا يوم قال لي ابو هلا.. على العموم الله يسامحك اسف اذا غلطت عليك... مع السلامة ـــــــــــــــ ـــــــــــــ وعليكم السلام بقايا جروح وش السالفه مدري وش تتكلم عنه يابقايا انا لي اكثر من اسبوعين ما دخلت ولا ادري وش صار ويعلم الله اني احبك واغليك ولا هو من طبعي اتكلم في قفا احد وان كان ابو هلا قال لك اني تكلمت فيك فما صدق ولي فترة ما كلمت ابو هلا انا مشغول عندي دورة في العمل ولا اقدر ادخل با ستمرار والله ثم والله ثم والله ما جبت طاريك عند احد ولا تكلمت فيك لا بزين ولا بشين ابد ابد ولا بيني وبينك الا الزين ويعلم الله اني اعزك واغليك من بد الاعضاء والي بيني وبينكم اكبر من ها الحركات امل انك تصدقني وياليت تكلمني لكي نستوضح الامر 05544....الخ ههههههههههههههه ههههههههه على نياتة ابو يزيد وهالحين دور المراقبة صديقة القلم هع السلام عليكم... كيف الحال ياصديقة القلم.. صراحة ماتوقعت منك انك تروحين تتكلمين فيني عند الاعضاء من وراي , وتدورين عي الزلات وتنسخينها للأدارة ترى مالها داعي هالحركات , وانا اسف انكاني قد غلطت عليك... سلاام.. ـــــــــــــــ ـــــــــــــــ ـــــ وعليكم السلام ورحمة الله وبركاتهـ ~ الحمدلله بخير والله يابقايا انت تعرفني زين ماعندي هالحركات لا قد حكيت من وراك ولا من ورا غيرك وبعدين انا ماقد شفت عليك زله عشان انسخها لـ الإداره ؟؟ ولو شفت عليك زله ارسلت لك وقلت لك يا بقايا انت سويت كذا وكذا بعدين منهم الأعضاء اللي بتكلم فيك عندهم ؟؟؟؟؟؟ وكيف بتكلم فيك عندهم ؟؟ صدق الناس مايخلون احد في حاله الله يهدينا وياهم بس يقولون مارقدت ذاك اليوم هههههههههههههه نجي عند الحلوو عمر العصيمي لاحد يضحك هع السلام عليكم.... وش علوومك ياعمر... اشووفك ياولد متغير علينا ولاعاد ترد علي ومدري وش فيك ! اثرك كاتب شكوى فيني وانا مادريت؟ عسى مانيب بس مضايقك في المنتدى وانا مادريت؟ اللي في خاطرك قلة لي ولا تروح تشتكيني عند فلان وفلان... يالله ـــــــــــــــ ـــــــــــــــ اول شيء تعوذ من ابليس ومن قالك اني شكيت والا نشيت وهشيت افا يا رجال مين يشكيك ليش في سالفه صايره من وراي <<لا عاد تصدق اي واحد وتصير هطف انا ان تضايقت من واحد جيته من وجهه مهب من قفاه ما شفت شيء يضرني عشان اقوم اتشكا وانا مثل ما انا ما تغيرت لكن اشغلتني التقدايم ردلي برساله من هو الي ملفقلك سالفه هههههههههه الله يعينك على التقاديم هههههههههه جاكم حكاية هم هههههههههه السلام عليكم... كيفك اخووي حكاية هم.. عسى ماجاك مني بس شي يزعلك يوم انك رايح تشتكيني عند ابو هلا ؟ لا ومنزل موضوع في الشكاوي عني ! شكلك ما ارتحت لي صح؟ اذا تبيني اخلي المنتدى لك انا مستعد بس بدون لف ودوران من وراي.. باي ـــــــــــــــ ــــ كيف كيف كيف ..! ياولد أنت صــــــــــــــ احي ؟؟؟؟؟؟؟ انت وش تقوووووووووول ,, شف شف انا مادري وش السالفه لكن اقسم بالله العضيم أني ماشتكيت عليك في شيء واني ماادري وش تقول لاتلحس مخي هذا حلفت لك وانا ماني مجبور بس عشان تصدق ولو ماني بعزك ماحلفت لك وكان خليتك على عماك واللي في قلبك فيه يكون في علمك تراني اعتبرك واحد من اخواني وبعدين وش الشكوى اللي تقولها ارسلي وش السالفه وانا مستعد اقابل ابو هلا شخصيا واساله ,, اذا كان ابو هلا مطلع علي كلام كذب لاحول ولاقوة إلأ بالله .. لاحول ولا قوة الا بالله .. قضاء وقدر خخخخخخخ جاكم عاد الوليدي ماشاء الله علية مروق وماسك اعصاابة : السلام عليكم.... اخووي الوليدي كيف حالك... صراحة انا اول ماشفتك وانا متوقع انك افضل عضو , بس عقب الحركات اللي تسويها من وراي وانت مااش , اتمنى اذا انا مزعلك في شي ولا مضايقك تجي تقول لي مهوب تروح تقول لفلان وفلان وتشتكيني ومدري وش... انا اسف اذا جاك مني شي يزعلك , واذا تبي اترك المنتدى لك انا مستعد... بااي ـــــــــــــــ ـــــــــــــــ وعليكم السلام ورحمه وبركاته .. هلا بك اخوي بقايا جروح وانا ماجاني منك الاكل علم طيب .. وصراحه كلامك غريب .. اتهمتني بشي ما ادري عنه .. اتوقع وانا اخوك ان المقصود غيري .. وانا اخوك لو حصل بيني وبينك شي الله لايقدر واخذت على خاطري اوشي من هذا القبيل كان جيتك وتفاهمت معك وحلينها .. ترا مو من طبعي ولا تربيتي اروح اشتكي لاحد .. احنا رجال ونواجه الرجال .. ( تراك وانا اخوك ظنيت فيه ظن ماهو بمحله )وكما قال تعالى: ( ياأيها الذين آمنوا أجتنبوا كثيرا من الظن ان بعض الظن أثم ولا تجسسوا ولا يغتب بعضكم بعضا أيحب أحدكم أن يأكل لحم أخيه ميتا فكرهتموه وأتقوا الله ان الله تواب رحيم ) سورة الحجرات آية 12 .. تأكد وانا اخوك وانا باعتبر ان هالرساله ماوصلتني نهائيا .. ولا راح تأثر على علاقتنا الاخويه . اخوك / الوليــــــــــ ــــــــدي مستشهد باّيات قراّنية..الله يجزاه خير هع نجي عند المراقبة الفجر البعيد.. السلام عليكم... ليش كل شوي معطتني مخالفة وتنسخين ردودي الى قسم المشرفين؟ اذا ردودي ما اعجبتك تراها معجبة الباقين , واذا تبين اخلي المنتدى بكبرة لك انا مستعد.. اما كل شوي مخالفة وتراسلين الادارة بالشكاوي علي ترى كالها لزوم.. يالله ـــــــــــــــ ـــــــــــ هلا وغلا هد اعصابك يابقايا انا لا نقلت ولاعدلت لك اي شي ولاحتى اعطيت مخالفه .. طبعاً ماسكة اعصابها لأنها حولت الرسالة لبو هلا ههههههههههه جاكم المودير ابو هلا.. السلام عيكم... كني اشووف ان مواضيعي ماتعجبك وردودي؟ مغير وراي في كل قسم وتدور علي الزلات , ولا شكلك تبيني اخلي المنتدى؟ ترا اسلووبك هذا ماله سنع وانا يقول لي واحد من المشرفين تبعكم انك تبي تطيرني من المنتدى بأي طريقة اذا كان الكلام هذا صحيح فأنا مستعد اخلي المنتدى بكبرة لك انت واللي معك... يالله ـــــــــــــــ ـــــــــــــــ ــــ وعليكم السلام ومن قال لك انك عاجبني انت وطخمتك طخمت الحصان مالي شغل الا ادور وراك بالددسن حق الراسي ادور زلاتك وابي اطيرك على جامبو لاخر الدنيا ابيك تتجمد وترجع خروف نعيمي مثلج احس انه قد اكل المقلب هههههههههههه وهالحين مع المشرفة مرسى الاحلام.. السلام عليكم... صباح الخير.. انا اتوقع ان مشاركاتي وردودي ما اعجبتك والدليل انك مرسلة للأدارة شكوى فيني , وانا مستعد اخلي المنتدى لك بكبرة وباللي فية , بس خلي الحركات اللي مالها لزوم , صراحة احسبك تشجعين الاعضاء بما انك مشرفة وصرتي تحطمينهم...الله يسامحك.. يالله ـــــــــــــــ ـــــــــــــــ وعليكم السلام والرحمه .. والله يـ اخوي انت فاهم غلط واانا ماارسلت شي وقسم بالله .. وردودك تعبر عنك بالنهايه موبلازم تعجبني اهم شي مافيها غلط على احد ولاتجاوزاات .. والله يـ اخوي المنتدى مو مكتوب بــ اسمي انا عضوه مثلي مثلك .. ماادري من منطلق ايش تتهمني هالاتهام وانت ماسـالتني عن شي .. وش الي خلاك تقول هالكلام وانا صار لي كم يوم ماادخل كثير بس تواجد المعرف ومالي نشاط اتمنى افادتي عشان اتجاوز اخطائي اذا صدرت بدون قصد شكرآ يـ اخوي ههههههههههههههه متفاجئة هع جاكم ابن عاطف... السلام عليكم... ماهقيتها منك يامحمد العاطفي هالحركات اللي من وراي , يعني تبيني اخلي المنتدى لك عشان تبطل الحركات اللي مالها سنع؟ اذا جاك مني شي او قد اخطيت عليك في شي فأنا اسف والله يسامحك بس...مع السلامة ـــــــــــــــ ـــــــــــــــ ـــــــــــ مرحبا بك أخوي : بقايا جروووح عسى ماشر يا الطيب وش حركاته أصلاً أنا أول مرة أدري إنك عضو معنا بالمنتدى من خلال هذي الرسالة وما أعرفك علشان تقول أسوي حركات الله يهديك شكلك غلطان أنا مستحيل أخطي على أحد تحياتي لك اما اول مرة تدري اني عضو.! ياشيييييخ هع جاكم ابو الالوان جار القمر ههههههههه السلام... جار القمر علوومك... افا بس افا , صراحة اني كنت اشووفك افضل الاعضاء واحسنهم , واخرتها تروح تنشبني بالشكاوي في قسم الادارة؟ الى هالدرجة تسوي كذا؟ ياخي تبيني اخلي المنتدى انا مستعد وشرط ماعاد اطبة بس اللي مالة لزوم ماله لزوم والفهمها بكيفك... بااي ـــــــــــــــ ـــــــــــــــ هيه بــقآآيــآآ وش الــسآلفه ؟ مـآذكر اني شكيتك ولـآ اساسا شكيت احد ؟ تجي انت تقول شكيت ~ يمكن سوء فــهم وآلـآ ~> انت تستهبل ؟ بس قلى ليش انا شكيت وش السبب مايمديني على البرائة ههههههههههه جتكم الغزال الشارد خخخخخخخخ السلام عليكم... كيف الحال الغزال الشارد.. صراحة ماتوقعت منك انك تروحين تتكلمين فيني عند الاعضاء من وراي , وتدورين عي الزلات وتنسخينها للأدارة ترى مالها داعي هالحركات , وانا اسف انكاني قد غلطت عليك... واذا تبيني اخلي المنتدى بكبرة لك انا مستعد بس بدون حركات مالها لزوم سلاام.. ـــــــــــــــ ـــــــــــــــ ـ يؤ يؤ يؤ انااااااااااااا ا << منصدمه لا ورب البيت ماتكلمت ولا شفت منك اصلا شيء ليش وش السالفه ممكن!! ههههههههههههههه هههه مع وهج السهوول.. السلام عليكم... كيف الحال وهج السهول. صراحة ماتوقعت منك انك تروحين تتكلمين فيني عند الاعضاء من وراي , وتدورين عي الزلات وتنسخينها للأدارة ترى مالها داعي هالحركات , وانا اسف انكاني قد غلطت عليك... واذا تبيني اخلي المنتدى بكبرة لك انا مستعد بس بدون حركات مالها لزوم سلاام.. ـــــــــــــــ ـــــــــــــــ ـــــ هههههههه اقول قد طحت با المقلب هذا على مين تلعبها لايلدغ مؤمن من جحر مرتين ههههههه غييير البشر جتكم.. السلام عليكم... غير البشر انتي ليش كل شوي معطتني مخالفة وتنسخين ردودي الى قسم المشرفين؟ عاد انتي ماتدخلين الا كل شهر مرة وبتسوين مشاكل؟ اذا ردودي ما اعجبتك تراها معجبة الباقين , واذا تبين اخلي المنتدى بكبرة لك انا مستعد.. اما كل شوي مخالفة وتراسلين الادارة بالشكاوي علي ترى كالها لزوم.. يالله ـــــــــــــــ ـ وعليكم السلام شهالكلام اللي تقوله اصلا من قال لك اني اصلا اتكلم عنك والله العظيم مارسلت لاحد ولاسخنت عليك احد واصلا مابيني وبيك شي علشان كل هذا تاكد من كلامك ووقتها تكلم ههههههههههههههه ههه اكثر وحدة انهبلت لأن وهج هبلتها زوود ـــــــــــــــ ـــــــــــــــ ـــــــــ انتهت المقالب , اتمنى ما احد يزعل ولا يشيل في خاطرة , تراها كلها للفرفشة والضحك.... 
 |
| مواقع النشر (المفضلة) |
|
|
 |  |
العرض الشجري
