زل الوعد

عموم اعضاء مجالس الرويضة
السلام عليكم ورحمة الله وبركاته

أقدم لكم هذه المشاركه وآمل ان تحوز على رضاكم الله يرفع مقامكم

يلي غرامك صرفني من هوى غيرك= عزالله أن حبك من البيض صارفني
عذبتني كل يوم في مشاويرك= كله على شان يالغالي تشرفني
إلى متى بنتظر حلمك وتفسيرك= أنا جريحك تعال اليوم وسعفني
أرحم قتيلك ولو مرة كثر خيرك= الحب سقم بحالي والدهر مفني
زل الوعد مادرينا ليش تأخيرك= وتوي تدريت أنك تحاول تصرفني
أشفق على جيتك من زود تقديرك= والخاتمه يوم أجي ماكنك تعرفني
أما تعذر وقدم لي معاذيرك= ولا ليا أخطيت بكره لاتنكفني
الامر كله تحت رايك وتدبيرك= احكم بظلمك ورب البيت ينصفني

الشاعر / مذكر مبارك الصخيل

صح لسانك

واعتلا شانك


قصيده في غاية الجمال


ومن عندي تقييم ^_^

الله الله على الابداع يامذكر...

صح لسانك واعتلى شانك , قصيدة جميلة لاشك من شاعر كبير...

مشكوور ولك احلى تقييم

صح لسانك اخوي للقصيدة الرائعة وننتظر منك المزيد

صح لسسانك وقصيدة رائعة وتواجد مميز