أبرحـــــــــــ ـــــــــل

أبرحل والله العالم وش اللي بداخلي مـن شـوق
وبطوي صفحة ٍ عّيـا زمـان الجـور يطويهـا


أبرحل تايه بغربة وطـن مالـي عليـه حقـوق
وطن وحـدوده عيونـك ودمـع ٍ حايـر ٍ فيهـا


أبرحل دمعة ٍحارت من ادنى الموق لاقصى الموق
خذلها الوقت يوم انـه حرمهـا مـن هقاويهـا


أبرحل واجمع آلامي وابرقـع ثوبـي المشقـوق
وابفهق عن دروب الشك رجلـي قبـل تمشيهـا


أنا ادري ان الزمن قاسي واعرف اني بليا ذوق
ونفسي يوم ودعتك رمـت فـي النـار رجليهـا


عمر هالحب مايفنى مدامه في الحشـا مخلـوق
ولـو دنيـا العنـا جـارت وورتنـا بلاويـهـا


أبنسى آه كيف انسى وانا اللي من زمن محروق
اكّذب كانني قلت اقدر انسـى بعـض ماضيهـا


ألا ياحظي المقفـي علامـك للشقـى مطفـوق
انـا طالبـك لاتفتـح لعينـي ســدّ واديـهـا


أبنسى كيف والذكرى وسط قلبي تسوقه سـوق
وهـذا طيـف عاتقهـا وهـذي رجفـة يديهـا


أنا في ذمة الله ما علـي مـن الشقـا والعـوق
انا في ذمـة اللـي لاقبـض هالـروح يحييهـا


جعل عين ٍ بكت للحب ابد ما تنحرم مـن مـوق
ولا تفقـد ولوطالـت ليالـي الهجـر غاليـهـا

وعين ٍ خانت العشرة عساها امر الولي من فوق
عساها في زمـان ٍ دبرتـه ضاعـت خطاويهـا

وابرحل والله العالم وش اللي بداخلي من شـوق
وبطوي صفحة ٍ عيّـا زمـان الجـور يطويهـا

،’

الامـــــــاكــ ـن ... اختيــار مميـــــــز للغــــــايه .. وذائقه راقيـــــــــــ ــه .. تقبلي مروري .

صح لسانك ولسان شاعرها

أختيار موفق أختي الاماكن

تحياتي..

صح لســآنك وعتلا شـآنك ..

ابيااات في قمه الروعه .. اعجبتني كثير ..

تسلم اناملك الذهبيه ع االانتقاء .. ولاتحرمنا من جديدك العذب .


تقبل مرووري .

اختيار مميز