|
ضيف جديد على الرويضه السلام عليكم ورحمة الله وبركاته أولا ألف مبروك .. على قدوم شهر رمضان المبارك ونحن في صحة وعافية ثانيا/ أنا متعين جديد في الرويضه وعينوني في مدرسة الامام مالك أحد منكم يعرفها وكيف الطريق المؤدي اليها وعدد السكان المجاورين واللي يعرف المكان ارجوا انه يطلب ايميلي والا جوالي ونتواصل لأني بصراحه ماأعرف شي ولكم جزيل الشكر |
رد: ضيف جديد على الرويضه هلا بك والله نورت الرويضه بقدومك بس انا من الرياض مو من الرويضه بس ولا يهمك الاداره تحدد لك المحل والله يعين(( ابو هلا)) هع هع هع |
رد: ضيف جديد على الرويضه وانا كذالك من الدمام ان شاء الله يفيدونك الاخوآن ,’ |
رد: ضيف جديد على الرويضه ياهلا مرحب بك انا والله من الرياض بس حالين في الرويضه بسمااعرف اوصف |
رد: ضيف جديد على الرويضه اتمنى منكم اي واحد يعرف يرد والله يحفظ الجميع |
رد: ضيف جديد على الرويضه اهلا وسهلا اخووي , وحياك الله في الرويضة , والله انا اول مرة اسمع بها بس ولا يهمك انشاء الله اجيب لك عنوانها وموقعها وكل شي عنها , بس اسأل لك عنها وبرد لك ان الله احياني... |
رد: ضيف جديد على الرويضه باك... اخوي الكريم , مدرسة الامام مالك في هجرة الشاة غرب عروى 20 كم , و تبعد عن الرويضة تقريباً 40 كم ,منها 20 ازفلت والباقي بر , ان شاء الله افدتك |
رد: ضيف جديد على الرويضه وعليكم السلام ورحمة الله وبركاته هلا رويضي اجل صرت الحين رويضي يا حلووو النك بمناسبة التعيين هههه الله يبارك فيك ونسال الله ان نكون ممن يصومه ويقومه ايمانا واحتسابا اخوي المدرسة قريبة من الرويضة والتي تقع على الخط السريع الطائف - الرياض قبل الرياض تقريبا بأكثر من 200 كلم بتلقى كوبري مكتوب عليه الرويضة وهي منطقة كبيرة وكل شي متوفر فيها وهي اقرب مقر للمدرسة ولمنطقة الشاه والشرفة قرأت رسالتك على الخاص واي شي تبيه من ناحية السكن وغيرة ابشر لان كل شي موجود سكن عوائل او عزاب لاكن الله يعينك لا يوجد اسفلت الى المدرسة ولا تشيل هم تتيسر الامور بإذن الله |
رد: ضيف جديد على الرويضه الف شكر على التفاعل يعني النك عجبكم؟ أجل أبعدله بعد معلوماتكم الى شاة 555 طيب البر 20 كم بعد عروى صح؟ يعني ينفع أسكن في عروى والا في الرويضة؟ الكامري تخش في البر؟ |
رد: ضيف جديد على الرويضه نصيحه اسكن بالـرويضه لـان كلش متوفر عـندك ~ وعادي الكامري تخش البـر |~ |
رد: ضيف جديد على الرويضه هلا اخووي شاة 555 ههههههههههههههه هه من الرويضة الى عروى 20 ازفلت ومن عروى الى الشات 20 بر , كانت مسحية بس صارت مطبات ماترحم , لو تروح على ناقة تفككت خل عاد الكامري هههههههههههههه يعني دبر نفسك مع احد من اللي يداومون على جيوب او دداسن , ومدري والله انت بتحصل في عروى سكن ولا لا ’ بس لو سكنت الرويضة اريح لك من ناحية الخدمات وعروى من ناحية المسافة... اي استفسار انا حاضر.. |
رد: ضيف جديد على الرويضه خــلـآص تكلم الخبير بـقايا ~> مقدر اقول شئ خخخ |
رد: ضيف جديد على الرويضه ولو انت قيك الخير والبركة << مايمديك على التواضع ههههههههه |
رد: ضيف جديد على الرويضه جار القمر أنت متأكد من الكامري أخاف تغرز |
رد: ضيف جديد على الرويضه والله انـآآ مـآجــيت دربهـآ ولـآ ادله ؟ بس مدري يمكن ؟ ~> خخ اخااف اوهقك ^ـ^ |
رد: ضيف جديد على الرويضه اهلا بك ومرحبا |
رد: ضيف جديد على الرويضه الله يوفقك ويسهلك امورك |
رد: ضيف جديد على الرويضه ميروك عليك الشهر انا انشاالله افيدك عن المدرسه من مدير ومعلمين وطلاب وغير ذالك بس كلمن علي الخاص |
رد: ضيف جديد على الرويضه وين عادي الكامر ي تخش البر ياووووووووووووو وولد استر لك ددسن احسن لك لا ن الكامري اذا خششتها بر راح تخششك لصناعيه وليتها صناعيه الرويضه صناعيه القديمه بالرياض ياولد كلها مطانيج لا بالاصح درج بري ؟؟؟ |
رد: ضيف جديد على الرويضه اهلا بك ومرحبا وكل عام وانت بخير |
| الساعة الآن 10:04 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..