|
فن التعامل مع الناس :: :rolleyes:من منطلـق مبـدا بنـاء العلاقـات احرص على فن التعامل مع النـاس كانك تبي ترتاح في كـل الأوقـات خذ من علوم المعرفه زود نبـراس ابـدا بنفسـك بالأمـور المهمـات حدد ميولـك والمشاعـر بمقيـاس افهم سلوكـك غايتـك والوسيـلات خل نيتك تظهر على صدق الإحساس اليا بغيت اللي تبـي إنـت بالـذات بعض الطبايع حطها بين الأقـواس سامح خطا غيـرك بـرد التحيـات قل للذي قـدم لـك العـذر لابـاس لوتختلف مع فكر بعـض الروايـات وجهه نظر مايفسد الـود قرطـاس ركز على الإيجاب لوهـن قليـلات الجانب السـيء يخليـك محتـاس ترى الذي ينظر بعيـن الفراغـات عكس الذي بالماء نظر داخل الكاس ابحث على كل الصفـات الحميـدات حيث التفائل والأمل يقطـع اليـاس الـود والتقديـر سـر الحكـايـات والعرف والمعروف والطيب نوماس رد الثنـا وارفـع بـه المعنويـات خل سمعتك بالمجتمع ترفع الـراس افزع لغيرك فزعة أهـل الحميـات وقت الشدايد يوم الأريـاق يبّـاس قلـل مـن آثارالألـم بإبتسـامـات قابل ظروف الوقت بالعزم والبـاس لو عارضك بعض الهموم الثقيـلات اصبرترى عقب العواصيف نسناس ترى الكلام أيظا يبي لـه مهـارات كثره يخلـي سامعينـك بهوجـاس إبعد عن أنواع الجـدل والنقاشـات اترك لغيرك يلتقط بعـض الأنفـاس لاتدعي بالعلـم مـن دون الإثبـات بعض السوالف للعرب مالها سـاس عوّد السانك من رقيـق العبـارات واختار لك في قمة الصدق مجـلاس الإعتـراف أول حلـول الخطيـات دام الخطا وارد على كـل الأجنـاس غيّر حياتك كل مافـات لـك مـات تصبح عقب تغييرها أسعـد النـاس :: مُشاركه بإختياري، أتمنى، أن تنال إعجابكم |
رد: فن التعامل مع الناس روووووووووعه اختيار موفق كنق لك مني اروع تقييم **تستاهل** |
رد: فن التعامل مع الناس صح لسان قايلها ولا هان ناقلها يعطيك العافيه ياكنق الفياض ~ |
رد: فن التعامل مع الناس اقتباس:
كلك ذوووق وتسلمين ع التقييم ومشكوره لاهنتي |
رد: فن التعامل مع الناس صح لسانك وتسلم الايادي ع هيك طرح تقبل مروري انفاس الورد |
رد: فن التعامل مع الناس بارك الله فيك |
رد: فن التعامل مع الناس الجميع هلا وغلا فيكم منورين بتواجدكم لاهنتوو .. وكل عام ونتم بخير |
رد: فن التعامل مع الناس اقتباس:
يسلموا اخوي للاختيار الجميل |
رد: فن التعامل مع الناس إرضاء الناس غاية لا تدرك http://www.dwadme.com/vb/images/smilies/no.gif يعطيك العـآفيه على ـآ القصيده الحلوه |
رد: فن التعامل مع الناس اقتباس:
قلتها × الا من رحم الله + الله يسلمك ولاهنت |
رد: فن التعامل مع الناس قصيده رائعة تدل على قوة الشاعر في صياغة طرق التعامل مع الناس ويعطيك العافيه |
| الساعة الآن 05:51 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..