حملة الزوجات (خلوه يلبس بيجامه مثلنا )

#1 (**permalink**) 14-07-2010, 02:22 PM

أعجبني عنوان الحمله اللي قادتها عدد من الزوجات ضد أزواجهم ومطالبتهم الازواج بأن يلبسوا في المنزل ملابس بيت أنيقه كالبجامات والجلابيات وان يتركوا العادة السيئة (سروال قصير وفنيله علاقي او نص كم ) ------

للأسف سأكون نصير المرأة ضد جنسي الرجل فلا زلت ارى لبس الزوج مقوصر يعني سروال قصير وفانيله وتشخيصه في البيت قدام زوجته وابنائه وقد يكون منهم المتزوجه والمتزوج والمقدمه على الزواج واللي تتخيل زوج المستقبل مثل ابوها في لبسه وتتقرف وقتها من الزواج .

تعالوا نحن الازواج هل فعلا نراعي مشاعر زوجاتنا من ناحية الملبس والهندام فكما نحرص على اناقتهن ويش ينقصنا بذمتكم ؟

يااخي البس برمودا او شورت قصير وتي شيرت يفتح النفس وخلك انيق قدام زوجتك واولادك واذا ماتقدر البس بيجامه او جلابيه .
الوضع تطور ولأن الابناء يقلدون الأباء صاروا يلبسون السروال القصير والفانيله البيضاء ولكنهم يهونون عند ابوهم خصوصا اذا صارت الفنيله صفراء من العرق وشعر الصدر طالع كنه كشة تيس .
ياناس ارفقوا بالقوارير زوجاتكم وبلاشي قرف ملابس داخليه محلها ماهوب الترزز في الصاله او في المطبخ يدور اكل او على السفره وهو بها المنظر على الاقل احترم الاكل واللي ياكلون معك ياهوه ياناس يا متزوجين كل واحد لابس فانيله وسروال قصير ويتصفح الموضوع الان لطفا اولا الاعتراف

ثانيا يبدأ من لحظتها بتغيير خلاقينه الداخليه ترى بناتكم وعيالكم متقرفين زود على الزوجه ومستحين يفاتحونكم خصوصا ازواج اسكتي وانطمي جايز لك والا قومي عن وجهي

لاتنهى عن عيب وتأتي بمثله شخصيا لا أطيق لبسس الملابس الداخليه في البيت ومع الزوجات في حملتهم وليتهم يمنعون بيعها او يرفعون سعرها في العلالي.

لكم ودي والله يعين زوجة زوجها مصرّ على الفنيله العلاق والسروال القصير ومشخص بعد على عتبة الباب والله عيب عيب عيب .

#2 (**permalink**) 14-07-2010, 02:36 PM

ابو عبد الله

لاتنسى ان بعض النساء يلبسن قميص رايح فيها

لو يعضه الكلب غلث

و ورعانها الصغار مخاطينهم تصبصب !!,,, ما تكلف نفسها وتنضفهم

هذا هو القصور والعيب بعينه

المفروض انت تذكر الشئ هذا عشان يكون الموضوع كامل

هذا با لنسبه للنساء ,,,,, اما الرجل تري مايعيبه شئ حتى لوه عاري

ومن تدور العيب بتلقاه

لاهنت اخي على الموضوع ,,,, وننتظر اراء البقيه

.

#3 (**permalink**) 14-07-2010, 02:37 PM

الحمد لله .

هالحين لبس السناوي والفنيلة صارت عادة سيئة؟
اجل اللي يدخن قدام حرمتة وش نقوولة؟

من يوم عرفنا عمارنا وحنى بالسناوي , حتى ابوي بالسناوي معنا ومستانسين ولا شفنا من الله شر , الجلابيات والبجامات مخلينها للحريم الله يهديك , وراك ماقلت البسو قمصان ورحت تقوول جلابيات؟

#4 (**permalink**) 14-07-2010, 02:39 PM

هههههههههه

الموضوع باين عليه حامي
لي عودة أخوي أبو هلا أنت ومبدعي مجالس الرويضة

#5 (**permalink**) 14-07-2010, 02:43 PM


	المشاركة الأصلية كتبت بواسطة جساس*


	ابو عبد الله لاتنسى ان بعض النساء يلبسن قميص رايح فيها لو يعضه الكلب غلث و ورعانها الصغار مخاطينهم تصبصب,,, ما تكلف نفسها وتنضفهم المفروض تذكر الشئ هذا عشان يكون الموضوع كامل هذا با لنسبه للنساء ,,,,, اما الرجل تري مايعيبه شئ حتى لوه عاري ومن تدور العيب بتلقاه لاهنت اخي على الموضوع ,,,, وننتظر اراء البقيه .

جساس : انا معك لكن خلونا الرجاجيل نغير من هالعاده ممكن تتعلم الزوجات اللي تطرقت لهم ويعدلون من وضعهن شاكر لك مرورك

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
انواع عرض الموضوع	تقييم هذا الموضوع
العرض العادي الانتقال إلى العرض المتطور الانتقال إلى العرض الشجري	تقييم هذا الموضوع:

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
يغيظني من يلبس الثوب مقلوب	محمد	صهيل القصيد	13	18-07-2010 06:11 PM
فوائد تعدد الزوجات ؟	اتعبتني جروحي	لُغَة الصور .. والكاريكاتير الساخِر	5	03-07-2010 10:13 AM
تعدد الزوجات في الاسلام ....	المختلف	روحانيات	10	24-05-2010 11:02 AM
صاحبي يلبس البرقع	سمو الاحساس	صهيل القصيد	8	01-02-2010 12:53 PM
ليه الخباز ما يلبس ساعه؟	محمد	مساحة للضحك والفرفشة	4	28-06-2009 10:47 PM

حملة الزوجات (خلوه يلبس بيجامه مثلنا )

حوار ومنطق