|
حملة الزوجات (خلوه يلبس بيجامه مثلنا ) أعجبني عنوان الحمله اللي قادتها عدد من الزوجات ضد أزواجهم ومطالبتهم الازواج بأن يلبسوا في المنزل ملابس بيت أنيقه كالبجامات والجلابيات وان يتركوا العادة السيئة (سروال قصير وفنيله علاقي او نص كم ) ------ للأسف سأكون نصير المرأة ضد جنسي الرجل فلا زلت ارى لبس الزوج مقوصر يعني سروال قصير وفانيله وتشخيصه في البيت قدام زوجته وابنائه وقد يكون منهم المتزوجه والمتزوج والمقدمه على الزواج واللي تتخيل زوج المستقبل مثل ابوها في لبسه وتتقرف وقتها من الزواج . تعالوا نحن الازواج هل فعلا نراعي مشاعر زوجاتنا من ناحية الملبس والهندام فكما نحرص على اناقتهن ويش ينقصنا بذمتكم ؟ يااخي البس برمودا او شورت قصير وتي شيرت يفتح النفس وخلك انيق قدام زوجتك واولادك واذا ماتقدر البس بيجامه او جلابيه . الوضع تطور ولأن الابناء يقلدون الأباء صاروا يلبسون السروال القصير والفانيله البيضاء ولكنهم يهونون عند ابوهم خصوصا اذا صارت الفنيله صفراء من العرق وشعر الصدر طالع كنه كشة تيس . ياناس ارفقوا بالقوارير زوجاتكم وبلاشي قرف ملابس داخليه محلها ماهوب الترزز في الصاله او في المطبخ يدور اكل او على السفره وهو بها المنظر على الاقل احترم الاكل واللي ياكلون معك ياهوه ياناس يا متزوجين كل واحد لابس فانيله وسروال قصير ويتصفح الموضوع الان لطفا اولا الاعتراف :36_1_18:ثانيا يبدأ من لحظتها بتغيير خلاقينه الداخليه ترى بناتكم وعيالكم متقرفين زود على الزوجه ومستحين يفاتحونكم خصوصا ازواج اسكتي وانطمي جايز لك والا قومي عن وجهي :36_1_53: لاتنهى عن عيب وتأتي بمثله شخصيا لا أطيق لبسس الملابس الداخليه في البيت ومع الزوجات في حملتهم وليتهم يمنعون بيعها او يرفعون سعرها في العلالي. لكم ودي والله يعين زوجة زوجها مصرّ على الفنيله العلاق والسروال القصير ومشخص بعد على عتبة الباب والله عيب عيب عيب . |
رد: حملة الزوجات (خلوه يلبس بيجامه مثلنا ) ابو عبد الله لاتنسى ان بعض النساء يلبسن قميص رايح فيها لو يعضه الكلب غلث و ورعانها الصغار مخاطينهم تصبصب !!,,, ما تكلف نفسها وتنضفهم هذا هو القصور والعيب بعينه المفروض انت تذكر الشئ هذا عشان يكون الموضوع كامل هذا با لنسبه للنساء ,,,,, اما الرجل تري مايعيبه شئ حتى لوه عاري ومن تدور العيب بتلقاه لاهنت اخي على الموضوع ,,,, وننتظر اراء البقيه . |
رد: حملة الزوجات (خلوه يلبس بيجامه مثلنا ) الحمد لله . هالحين لبس السناوي والفنيلة صارت عادة سيئة؟ اجل اللي يدخن قدام حرمتة وش نقوولة؟ من يوم عرفنا عمارنا وحنى بالسناوي , حتى ابوي بالسناوي معنا ومستانسين ولا شفنا من الله شر , الجلابيات والبجامات مخلينها للحريم الله يهديك , وراك ماقلت البسو قمصان ورحت تقوول جلابيات؟ |
رد: حملة الزوجات (خلوه يلبس بيجامه مثلنا ) هههههههههه الموضوع باين عليه حامي لي عودة أخوي أبو هلا أنت ومبدعي مجالس الرويضة |
رد: حملة الزوجات (خلوه يلبس بيجامه مثلنا ) اقتباس:
جساس : انا معك لكن خلونا الرجاجيل نغير من هالعاده ممكن تتعلم الزوجات اللي تطرقت لهم ويعدلون من وضعهن شاكر لك مرورك |
رد: حملة الزوجات (خلوه يلبس بيجامه مثلنا ) اقتباس:
اكيد تعلمت هالشيء من الصغر لازم تحاول تغير ماتقلد الوالد خل لك ستايلك والجلابيه تطلق على القميص للرجل مثل ماتطلق على الحريمي والقميص المتعرف عليه هو اللي تلبسه مع البنطلون ويكون مفتوح بأزارير وله اكمام ولأننا مانلبس القمصان الا في السفر اطلقنا على الجلابيه قميص هاه ويش قلت بتلبس ملابس غير الين تزوجت والا بتمشي على سكة الوالد ؟ بنات اليوم غير عن زوجات الامس . |
رد: حملة الزوجات (خلوه يلبس بيجامه مثلنا ) حمدلله والشكراحس الموضوع تـــآفه ! |
رد: حملة الزوجات (خلوه يلبس بيجامه مثلنا ) اخيرا" جاء الموضوع اللي نبرد فيه قلوبنآآ :) بناكلكم اكل اليوووم :) الموهيم والله العظيم واحد تتشكالي من زوجها تقول يجي من البر ريحته ضبان ومع الحر والشمس الله يعين على الريحه تقول اقوله معك ريحت البر < عششان يفهمها ويتنظف وهو بكل هدوء يدخل ويروش نفسه بالعطر على ريحته اللي تجيب الهم ويجي ينآآم < بالله وش يحس فيه :( لو زوجته داخله عليه من المطبخ قال هذي مقصره معي ما تتنظف ولا تتعطر < قسسم بالله حآآآله انتي اهتمي ولا بتزوج وانا بسوي اللي ابي وبجلس بخياسي وملابسي اللي تجيب المرض .. الموهيم الف شكر لـ آبوهلا اللي فتح هالموضوع المهم جدا" جدا" هذي فقره ولي عوده ياذن المولى .. |
رد: حملة الزوجات (خلوه يلبس بيجامه مثلنا ) حرام عليك شف الروقان بس هههههههههههه http://www.oga2.com/upfiles/FvD20965.bmp بما انك تطرقت في هالموضوع انت وش تلبس دام عنوان الحمله عاجبك ؟ |
رد: حملة الزوجات (خلوه يلبس بيجامه مثلنا ) اشكرك اخوي محمد على الموضوع الاكثر من راائع انا في نظري ان الله جميل يحب الجمال ومثل ماايحب الرجل يشوف زوجته باجمل صورة هي اايضن تحب تشوفه في اجمل صورةله وااعتقد ان لكل زوجين حقوق على بعضهم ليش ماانتكلم بوااقعيه انا مع الزوجه الي تتقرف من زوجها وكله ريحه اوملابسه موستاايل مثل ماهو يحب يشوفها جميله هي ايضن تحب كذاالك اشكرك اخوي مرة ثاانيه ولي رجعه 00 |
رد: حملة الزوجات (خلوه يلبس بيجامه مثلنا ) مشكوووووووور يعطيك العافيه |
رد: حملة الزوجات (خلوه يلبس بيجامه مثلنا ) اقتباس:
= أسير الغربة = بانتظارك ياقمر الجنوب بعد الحد الجنوبي طالع عصقول ههههههههههه وقلم حار بحرارة الرياض |
رد: حملة الزوجات (خلوه يلبس بيجامه مثلنا ) اقتباس:
من حقك قول ماتشائين بس وين التفاهه من عندي والا من الزوجات اللي مسويات الحمله ولي سؤال هل هو عادي عندكم البنات او المتزوجات والله ماندري من المتزوجه من اللي ماتزوجت اقول عادي عندكم الزوج يترزز بها الملابس الداخليه ؟!!! اترك لك الاجابه وهي تحدد تفاهة الموضوع من ناحيتك . دمتي بخير |
رد: حملة الزوجات (خلوه يلبس بيجامه مثلنا ) عدت مجددًا كما وعدتكم أخوي أبو هـــلا بالنسبة لعصقول فقولها وأنت صادق بقي كم يوم وأختفي الله الساتر بس أي عاصفة تلقوني متعلق فيها !! نعود لموضوعنا بالنسبة لي شخصيًا فلله الحمد والمنّة لم أعرف هالمقوصر من عرفت الحياة الزوجية والجلابيات على قولك ( عد وأغلط ) ومن فضل الله معضمها منقيته أم العيال ليناسب مزاجها الأسري ومن حق الزوجة أن ترى زوجها بشكل يتناسب مع طموحها وذوقها الأسري كما هو حال الزوج تجاهـ الزوجة موضوع بلاشك يستحق الأهمية ويتماشى مع عصرنا الحديث فزمن المقوصر أنتهى وولى زمانه ومن العيب بنظري بقاء رب الأسرة حاليًا وفي هذا الوقت بالذات أمام أفراد أسرته بشكل لايتناسب مع جميع أفراد الأسرة إبتداء بالزوجة وإنتهاء بآخر طفل في البيت الأسري ... تحياتي وتقديري لشخصك الغالي أبو هـــلا وأحيي فيك إهتمامك بالجنس الآخر بس ليه ماتعرس مثل أبو نواف وتكون إهتماماتك أكثر بالعروس الجديدة ... !! |
رد: حملة الزوجات (خلوه يلبس بيجامه مثلنا ) اقتباس:
لاكن عندي تعليق على كلامك والله وانا اخوك لو الحريم ما طاحو في المسلسلات ومهند ونور وطقتهم ما شفتهم يطالبون بالبجامه ولا من يوم خلقنا الله وحنى متعودين نشوف الواحد بمقوصر ولو اني ما ادانيه بس زي ما قلتلك ما نستغني عن الطويل والبجامه حاجه حلوه بس عاد ما نستغني عن لبسنا التقليدي هههههههه الله يستر من التلفزون والمسلسلات التركيه انتظروا حملت الحريم الجايه مع اقرب مسلسل تركي جديد. |
رد: حملة الزوجات (خلوه يلبس بيجامه مثلنا ) ما فيه احسن من دروش والاصيل البجامات اهلها معروفين السعودي مش لايقه عليه البجامه ومثل ما قال ذبحين غلاك هذا من تاثير المسلسلات التركيه خخخخخ |
رد: حملة الزوجات (خلوه يلبس بيجامه مثلنا ) مالي تعليق طويييل على الموضوع وحبيت اقرا التعليقآت والردود واكتشفت ان الأشيآء هذي لو ارتفع سعرها وصآرت اغلى من الذهب ماحد يقدر يتخلى عنها.. واللي يرتآحون فيه احسن لهم..ههههههه.. بس بصرآحه يعني اهم شي الأخلآق هههه يعني إذا لبس بيجآمه بيتغير طبعه مثلا.. لو البيجآمه بتغير طبعه يمكن.. بس يقولك(( ياشين السرج على البقر..)) يعني ماتوقع بتطلع زينه عليهم .. اقتباس:
مثل مآ أثرت المسلسلات التركيه على النسآء اثرت أيضآ على الشباب وبنسبه كبيره للأسف:) ويا كثر اللي اثروا على شبابنا من عرفنا انفسنا والشباب يحافظون على البآسهم التقليديه بس مايبغون زوجآتهم يحآفضون على الألبآس التقليديه اتذكر وحده مرسله لي ع البريد موضوع مسويه وآحد سعودي طبعا يسب فالسعوديآت سب لدرجة ان اللي مايعرفهم يقول اعوذ بالله .. وجآلس يمدح الشآميآت :) هذآ يدل على ان الشباب هم الأكثر تأثر بالنآس الثانين.. ولو وقفت ع اللبس التقليدي فلازم البنات يلبسون قميص روز..خبركم محد يقدر يستغني عن اللبس التقليدي..^_^ |
رد: حملة الزوجات (خلوه يلبس بيجامه مثلنا ) خــلاآص اوكــيه راح نـلبس بجـآيم وبـوكسرات للحـريمنـآآ ~> مع والله اني ماتزوجت ولـآني حول سن الزواج~ بس نبي تجاوب من الطرف الثاني موب كلش على الشــبااب ~ اغلب الحريم كشخـتها ~> لصـآحباتهـآآ ~> لـآ وتبي زوجها يلبس لها بوكسر او بجـآآمه !!! و اللى يقول ~> السنااااااااوي ~> صار دقه قديمه وبينقرض ~> اقول ان شاء الله وش بتلبس مع الثوب ههههه اوكيه انا معكم انه فيه اجحااف في حق الـزوجه واهـآنه لهـآآ اذا تكشخت وهـو آشهب آلـهب وشعر صدرهـ تقول مزرعه > مع ان الحريم يحبون اللى كذآآ > انشدوني خبرهـ هههههه بس والله فيه فـآأيده ~> اللى هي اذا جاء ضيف صدفه او صاار شئ يمديك تلبس قميص والـآ ثوب ~ موب تطلع له ببـجآإمه ~ بس الحين شبابنـآ عندهـم ثقافه في الـآمور هذي من لبس وعنايه بجسم للزوجته~ الـآ اللى عقليـآتهم محجرهـ ! مثل صديقي بيتزوج ~> الله يوفقه ~> اعلمه بالـآمور هذي > من حـلآآقه ولبس واشيااء مشفره والـآمور الزوجيه ^ـ^ قـآأل ~ يابووووو اسكت مـآأفيه احسن من السنااوي وبس والشعر احلق الفطره وبس ~> تبي كـذـآآ المراه وآلـآ بالطقاااااق !!!! آآآهـ يـالــسنااوي ~> محـآآرب من كل مكـآن ~> فيس يبكي |
رد: حملة الزوجات (خلوه يلبس بيجامه مثلنا ) اقتباس:
تعليق خاصه على قولتك الشباب الأكثر تأثر بالناس في هذي اتحداك , الشباب على فترت المسلسل بس اذا انتها نادر تلقين احد يتكلم فيه او يتأثر بالي يشوفه اما البنات تقعد سنه متأثره فيهم وتبي تصير مثلهم وتبي الي قدامها يطبقون الحركات طبعا ما ينتهي التأثير لين ينزل مسلسل جديد وتستمر الحكايه بلا نهايه وعلى الموال هذا لين ما ترضى بالأمر الواقع هههههههههه هذا اذا رضت طبعا . |
رد: حملة الزوجات (خلوه يلبس بيجامه مثلنا ) انا معك بصراحه ان الزوج لاززززم يهتم بشكله في البيت مومن يدخل البيت يشلح الثوب ويجلس بملابسه الداخليه نوووووووو خير حتى الي ماتزوجو بعد.... بعدين القميص مدري القلابيه هاذذذذي يعععععععععع ماتصلح في البيت هاذي يلبسها الرجال وهو رايح يكشت افضل اوما البيت يلبس بجايم ولالبس سبور ونجت برمواد اوب شينه موكلش انتم تطالبون والحريم ساكتين اكيد كلنا لاحريمنا ولارجالنا مافيه احد مايحب الاهتمام والنظافه في البيت والعطر الي يفوح نظافه والي يقول عادات وتقاليد مالها دخل العادت في البس ويننننننننن وبس هذا كل الي عندي وهذي وجه نظري وتنكيو ....... |
رد: حملة الزوجات (خلوه يلبس بيجامه مثلنا ) اقتباس:
هلا فيك اخوي ذبحني غلآك منور من جديد<<< احس محمد السهلي بيقرشعنا من الموضوع هههههه انت تتحدا بس ماتقدر تنكر انو اول مره يلاحظون انو المرأه تأثرت .. عشان كذا استغربتوا اما الحريم ما شآفوا شي جديد لما تأثروا الرجآل بعد هم بالمسلسل التركي اللي كآن بنفس السنه.. ولا بعد ماتنكر بعد ان احد بطلات المسلسلات التركيه مآزآلت تذكر لحد الحين.. لدرجه ان احد الشعراء السعوديين اعوذ بالله منه شبهها بالكعبه.. وغير ذلك يقول رضي الله عنها!!! وقال شي من سمعه مسك رآسه.. وأشرك بالله على حسآبها.. !!!!!! والله واكثر الحريم يشتكون من ازواجهم إذا جلسوا عند الكليبآت.. تتذكر البرتقآله.؟ وش سوت بالله فيهم..؟ وانتوا على مسلسل واحد قومتوا الدنيآ وقعدتوها تدري ليه؟؟ لأن غلطة الشآطر بمليون غلطه وانا ما أعم الشباب كلهم.. لأن فيه من فيهم الخير والبركه.. والبقيه بيهديهم الله.. ^_^ |
رد: حملة الزوجات (خلوه يلبس بيجامه مثلنا ) ههههههههههههههه ه هذي حالات نادره يعني ماتلقين الا نسبه قليله جدا تأثر بالامرو هذي اما البنات اغلبيتهم كذا اسئل الله انه يهديهم ويغير تفكيرهم ويخلي لكل وحده شخصيتها الخاصه ويبعدهم عن التقليد والأمور التافهه مهند لابس بجامه بيج ليه ما تلبسون بجامه بيج ومن كذا وانت رايح هههههههههههه . |
رد: حملة الزوجات (خلوه يلبس بيجامه مثلنا ) الله اكبر ياذبحني غلآك من بدينا وانا اجيب لك من الأمثله اللي مارآح تخلص وانت موقف على سآلفة مهند.. انا معك في انه مآله دآعي انها تبيه يصير مثل مهند وتوقف احلآمها على شخص تآفه مثله.. وضد ان الحرمه تصدق أي شي تشوفه وتعيش اجوآءها.. (وتذكر إني قلت فالبدآيه ان البيجامه ماتصلح على شباب السعوديه..) ولو بيلبسونه بيجامه لآزم يآخذ دوره تدريبيه عشآن يعرف طريقتها.. بس المفروض ماتمسكون على الحريم ..كل ماشفتوا وحده تبي تغير في زوجها حآجه ما اعجبتها قلتوا تبغآه يصير مثل مهند.. الحمدلله شبابنا احسن بكثير من مهند ولكنهم صاروا يفكرون ان كل النسآء ماتفكر إلا في مهند.. |
رد: حملة الزوجات (خلوه يلبس بيجامه مثلنا ) ههههههههه البارح على الكورنيش فيه شباب يلعبون كوره كلهم سبورات الاثلاثه سروال طويل وفنيله علاقي >>مادري شيحسون فيه بس يمكن تطلع موضه هههههههه عوافي استاذي على الطرح الشيق |
رد: حملة الزوجات (خلوه يلبس بيجامه مثلنا ) الله فية ناس فنيلة ووزرة ومبسوطين البجامة حلوة وشياكة لزوجين انا معكم بس بعض الحريم تتفنن في قمصان الروز وزوجها يشوفها ملاك والله انها حرية شخصية والف شكر على الطرح |
رد: حملة الزوجات (خلوه يلبس بيجامه مثلنا ) اقتباس:
الكبير كبير.. في تعامله في ردوده في ساسته نظره ثاقبه نظره لأعلى السحاااب.. هذا هو أبو هلا.. حفظه الرب بحفظه.. أجمل التحايا لكـــ مع أني أشوف أن نجاح الحمله صعب. |
رد: حملة الزوجات (خلوه يلبس بيجامه مثلنا ) ان بغى يلبس بجامه والا بكيفه .. انا كان البجامه بتعلب في اعصابهم وتخليهم عصبيين كذا مانبيها .. جماله له وشينه له .. إذا من عنوان الحمله اشتبت نيرانهم .. وش لون لو لبسوها .. محمد السهلي ..دايم مواضيعك ساخنه وقويه مشكور :) ,,, |
رد: حملة الزوجات (خلوه يلبس بيجامه مثلنا ) اقتباس:
مشكلتنا نكابر ونقول مافيها شيء والزوجه لازم تنطم وتتحمل الريحه وشين الملبس والتهديد بالزواج وهو لامتزوج ولا يحزنون زين قبلت فيه بنت الرجال وهو على هالحاله . تسلمين على الحضور والاضافة المقنعه |
رد: حملة الزوجات (خلوه يلبس بيجامه مثلنا ) اقتباس:
قمة الروقان للعزوبي اما المتزوج ماأظن فيه شيء من الروقان وإجابتي لك لاتنهى عن خلق وتأتي بمثله عيب عليك اذا فعلت عظيم . البسها تحت الثوب اما بدون ثوب ملابسي سبورت في البيت وبيجامه في النوم وهالشيء معروف عني مااظن احد شافني واقف على عتبة الباب والا مستقبل احد وانا بسروال وفنيله وتهون اذا صار السروال طويل مثل ابو الشباب اللي بالصوره شاكر لك مرورك واريحيتك |
رد: حملة الزوجات (خلوه يلبس بيجامه مثلنا ) اقتباس:
حضور وتفاعل وعقلية مثيرة في مداخلتك ابصم بجمال اضافتك واتمنى عودتك والله جميل يحب الجمال تسلمين على ايرادها - |
رد: حملة الزوجات (خلوه يلبس بيجامه مثلنا ) اقتباس:
تسلم على المرور وياليت تتحفنا بوجهة نظرك كشاب مع او ضد ؟ |
رد: حملة الزوجات (خلوه يلبس بيجامه مثلنا ) معليش بس عندي استفسار بسيط وش هي البيجامه؟؟؟؟ |
رد: حملة الزوجات (خلوه يلبس بيجامه مثلنا ) [QUOTE=Abo Randa;650351]معليش بس عندي استفسار بسيط وش هي البيجامه؟؟؟؟ ههههههههههههههه ههههههههه وتلومون حريمكم يوم يسون حمله ضدكم |
رد: حملة الزوجات (خلوه يلبس بيجامه مثلنا ) صباح العسل الصافي ,,,, للزوجة حقوق كما للزوج حقوق وارى من وجهة نظري ان الزوجة يجب ان تكون بأفضل شكل تريد ان يراها زوجها ولكن في المقابل اذن الزوج مطالب بهذا الشئ وهذا يضاف الى تقدير الحياة الزوجية رغم اني عزباء الا انني ارغب ان ارى زوج المستقبل بأفضل شكل وان يحرص على ان اشاهده في اجمل مظهره خلووه يلبس وحنا نلبس :) |
رد: حملة الزوجات (خلوه يلبس بيجامه مثلنا ) يسعد اوقاتكم انا رايحه وجايه قلت يبنت قولى رايس واخلصي مدرى احس انه مايفرق معى يطلع ببجامه بقميص بسروال وفنيله اهم شى شى نظيف ومرتب والاهم هو يكون مرتاح وانا مرتاحه ولاهم اخلاقه بدون بجايم ع فكره القمصان شكله رهيب على الرجال موشرط بجامه |
| الساعة الآن 01:04 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..