مجالس الرويضة لكل العرب - مقتطفات للجارالله

*************** *************** ****

إستـريـح شــويّ .. واسمـعـنـي ثـوانــي ** بعدهـا مسمـوح .. قـول الـلـي تقـولـه ..
جـيـت لــك والقـلـب مـاهـو بالمـحـانـي ! ** شـف قبـل لوصلـك سابقـنـي وصـولـه !!
ووالله ان لـو لا الغـلا مــا جــاك عـانـي ** يــا بـعـد منـهـم بـكـولـه و ضحـكـولـه ..
عاشـقـك ســوّاح !! وعيـونـك مـوانـي : ** اخذنـي ّ .. مـن الحزيـنـه .. للخجـولـه !!
أبتـسـم خلـنـي افضـفـض لــك عـشـانـي ** الحكـي غصـن ٍ عجـز صوتـي يطولـه ..
تعـقـد احجـاجـك وتعـقـد لـــي لـسـانـي !! ** المـطـر يــا غـيـم ضـمـيّـان لهـطـولـه !!
خـاطـري مكـسـور مــن قـسـوة زمـانـي ** وانت ( كنْـك إيـاااه ) وفعولـك فعولـه !!
تعتبـرنـي .. شـخــص مـغــرور وأنـانــي ** واعتبرك .. الكون في عرضه وطوله ..
آآه لــــوّ تــحـــسّ بــجـــروح الأمــانـــي ** كــان مــا تـزعـل عـلـي ّ بهالسهـولـه !!
حط ( عمرك ) يابعـد ( عمـري ) مكانـي ** وان لقيت قصور ؟؟ قول اللـي تقولـه ..
وأنـتـبــه يــــا ســيّــد الـغـيــد الـغـوانــي ** الـتـشّـره والـمـعـاتـب لــــه أصــولــه ..
لا تـسـاومــنــي ولا تـــجـــرح كــيــانـــي ** كــل شــي ّ إلا ّ الكـرامـه والـرجـولـه !!

*************** *************** ****

الحب .. طفل ٍ سكن شعري وهوجاسـي ** وفـي ظلـوعـي الـعـوج ربيـتـه وكبّـرتـه
خذاني من .. الوطن والناس وانعاسـي ** وابـــلا قـنـاعــه .. تقـبّـلـتـه و بــرّرتــه
سلمـت أمـري إلـيـه وطـحـت متـواسـي ** إلـيـن مـاصـار شــي ٍ مــا تـصـوّرتـه !!
حبيبتـي .. كيـف اكـذّب حـزنـي ويـاسـي ** لــو الـعـذر يـعــذرك قـبـلـك تـعـذّرتـه !!
الله يسامحـك .. مــا قـدّرتـي احسـاسـي ** وانـا علـى شانـك .. الاحسـاس قـدّرتـه
نسّانـي الهـم .. غـالـي ربـعـي ونـاسـي ** وذكــرت ربــي .. وقلـبـي فـيـك ذكّـرتــه
ودوّرتي اسهل طريق .. لضيقة انفاسي ** ماكـن درب الـفـرح .. لـرضـاك دوّرتــه
يــا سـيّــدة خـافـقـي ومحـطـمّـة بـاســي ** كـــم مـــرة ٍ لـمــت خـفّـاقــك وحــذّرتــه
صحيح احبك .. وآخاف فراقك القاسـي ** وخـطـاك .. يـامــا تجاهـلـتـه ومـرّرتــه
لـكـنّــي الــيــوم لا ذاكــــر ولا نــاســـي ** ودّعـتـك الله .. وقلـبـي عـنــك صـبّـرتـه
عساني المـوت .. كـان بينحنـي راسـي ** ويا جعلـي الضيـم .. لـو مبـداي غيّرتـه

*************** *************** ****

تــقــدم الـدنـيــا لــنـــا درس ٍ جــديـــد بــكـــل يـــــوم ** والنـاس تسلـم مـن غثـا الدنـيـا بحـفـظ دروسـهـا !!
وعلـى حـسـب حـفـظ المواجـيـب وتعالـيـم السـلـوم ** نـعــرف مـقـاسـات الـبـشـر بالمـرجـلـه ونـقـوسـهـا
صـيـت الـرجـال الوافـيّـه بأفعالـهـا .. ولا ّ الـرخـوم ** ينـبـيـك عـنـهـا : قـــل نفـعـتـهـا وشــيــن نـفـوسـهـا
تـطـرد ورى الدنـيـا وتـكـشـخ بالـمـواتـر والـهــدوم ** مثـل ( الحريـم ) أغلـب دراهمـهـا عـلـى ملبوسـهـا
والإمـعــه والـشـايـب الـكــذّاب وضـعـيـف الـعــزوم ** نــاس ٍ مــع العـالـم بــلا هيـبـه تـدربـي روسـهــا !!
والبـخـل : خـلاّنــه بـهـايـم !! لا تـســام ولا تـســوم ** لا شفـتـهـا تـرفــع يـــدك حـمــد وشـكــر وتبـوسـهـا
علـى الصحـن هـم أول الجـلاّس وآخـر مــن يـقـوم ** يعـيّـفـك حـلــو الاكـــل والـشــرب طـــول جلـوسـهـا
مـاهـيـب لـلــلازم سـنــد ولا ذخـــر عــنــد الــلــزوم ** تــمــوت مــاســرّك مهـايـطـهـا وكــثـــر فـلـوسـهــا
وسوالف الخبلان .. رفعـة ضغـط وصـداع وهمـوم ** فــــلاوة ٍ تـخـطّــف عــلـــوم الــعـــرب وتـحـوسـهــا
واجـب عليـك إليـا حكـت عـن جملـة حكاهـا تـشـوم ** الهـنـد مـــا يـــرأس حكومـتـهـا ســـوى هنـدوسـهـا
وربــع المصـالـح والمجـامـل خـــوة ٍ مـاهـيـب دوم ** اقـولـهــا والـتـجـربـه قــطـــع وريـــــدي مـوســهــا
وقت الرخا .. مثل الصقور اللي على المرقب تحوم ** فــيّ ٍ يــذّري سـاقــك الـرمـضـا وحـــر ّ شمـوسـهـا
وإليا احتمـت صكّـات بقعـا وامسـت علومـك علـوم ** اتــلــوّي خـشـشـهـا وتـجـحــد خــوّتــك وتـدوســهــا
من عقب مـا انـت الطيّـب وقـدرك معـزّز ومحشـوم ** تـصـيـر اردى مـــا خــلــق ربــــي ودم ضـروسـهــا
أبعـد عـن الأشكـال ذي .. بعـد الثـرى عـن النـجـوم ** وش حاجتـك فـي قــرب رديــان الـعـرب ونجوسـهـا
ماهوب عيب إليا عزموك تقول يالربـع .. معـزوم ! ** الـعـيـب : لارحـــت لعزايـمـهـا وجـيــت عـروسـهــا
وخـلّــك فـطـيـن تعـلّـمـك دنـيــاك درس بـكــل يــــوم ** والرجـل يسلـم مـن غثـا الدنـيـا بحـفـظ دروسـهـا !!

*************** ***********

بـنـت القصـيـد/ العيطـمـوس / الـــدرّه ** صـفـت لـهـا روحــي وهــي صافـتـهـا
آفة حسـن .. عشـره و جسـم و غـرّه ** و أنــــا عـلـيــل .. وعـلــتــي آفـتــهــا
عنـقـا خــذت خـيــر الـجـمـال وشـــرّه ** تـزعـل مرايـتـهـا .. الـيــا جافـتـهـا !!
كـنـهـا بـدايــات الـشـفـق .. مـحـمــرّه ** وأحـلـى درجــات الـضـيّـا .. خافـتـهـا
أرقـــاب خـلــق الله لـهــا .. مـفـتــرّه ** وقلـوبـهـم برمـوشـهـا .. حـافـتـهـا !!
مــا يـوجـد.. أزيّــن منـهـا ..بـالـمــرّه ** وعيـونـي الثنتـيـن .. مــن شافـتـهـا:
صــارت لـهـا حـلـم و مـتــاع و قـــرّه ** وثـلاثــة أربـــاع الـبـنـي .. عـافـتـهـا
لا عذربـونـي .. مـاتـت مـــن الـحــرّه ** كـــأن : فـرصــة عـمـرهــا طـافـتـهـا
وان مـدحـونــي .. جـاتـنــي مـغــتــرّه ** غرور ( مريّم ) في ( فهد عافتها ) !!
عــن زينـهـا .. قـــد انشـدتـنـي مـــرّه ** وإجابـتـي مـــن دهـشـتـي .. خافـتـهـا
قلـت اللـي مثلـك .. يالعـيـوف الـحـرّه ** لــــو للـمـنـيـة عــيــن .. مـاوافـتـهــا
مـــن الـعـيـوب .. يـجــوز فـيـهــا ذرّه ** بـس كـم ميـزة للحسـن .. ضافتهـا ؟!

*************** ***************