مصافحه اولى ( انا الخاين)

انا الخاين انا المذنب اللي مـا عـرف قـدرك =انا اللي خنت احساسك ودمرت الوفـا تدميـر
انا ذاك الذي اغمد سيوف الغدر فـي صـدرك =انا العاشق لتعذيبك متيم فـي هـوى التغييـر
انا من هو؟ عرفتيني.. انا تايه وسـط بحـرك =انا اللي لا عشقت الامس يومي اقلبـه تذميـر
ترى ما اعجبني اسلوبك ولا بردك ولا حـرك =ولا تعجبني البسمه وحبـي مـا يبـي تخييـر
تبين فلان.. روحي له.. انا ما همني هجـرك =نصيحه لو بغيتي ذاك.. روحي له بلا تحذيـر
انا منك عرفت الغدر ومنـك يحتصـر امـرك =انا فيك ابتديت الحلـم وانهيتـه بـلا تفسيـر
انا كل الخطايا اللـي حملتيهـا علـى ظهـرك =انا ذنبك وغفرانك.. انا الصوره.. انا التعبيـر
على فكره عرفتينـي؟ انـا جهرانـك وسـرك =انا اللي لا خفاني الامس يومي كسره تكسيـر
انا قصة رجل صابر على بعدك علـى غـدرك =انا الراضي لاخطائـك وكلهـا مالهـا تبريـر
انا خيمه نصبتيهـا علـى كفـك علـى بـرك =كسرتي دلة اشواقـي بـلا توبـه ولا تكفيـر
انا ماني ولد عاصي افجـر نفسـي بصـدرك =انا المسجون بأعماقك على كيفي وانا له ميـر
انا من عذبي اسقيتك عساه يفيض من مـرك =عساك ويا عسى يومك يفيض من الوله تنكير
انا يا بنت ماني ذاك ولا من باح فـي سـرك =لعبتيها مع المسكين وسرك لا يـزال ف بيـر
رغم هذا انا الخاين.. انا اللي ما عرف قـدرك =اذا فيصل هو الخاين.. من اللي يستحق تقدير
من اللي من بعد فيصل يكابر في زمن عصرك =من اللي استعمر احشائك من اللي ينتظر تحرير
عرفتي من هو الخاين من اللي دمـره غـدرك =من اللي خانه الموقف على شانك بـلا تفكيـر
كفى يا بنت ما عادت جروحي تنتظـر عـذرك =تهني واتركي عمري وعيشي لعبـة التغييـر
عرفتيني انا من هو انـا دنيـاك انـا قبـرك =انا حلم تلاشى فيـك وحـب ينتهـي ويصيـر

	المشاركة الأصلية كتبت بواسطة حبّة كرز

	قاسية نفسي على نفسي يومَ تختار للقلب برد الجنَّة ويسكُنُها نارُ الغَدر فيصَل المريسي صح قلبك ودام احساسك متألِّقة .. مؤلِمَة .!

	المشاركة الأصلية كتبت بواسطة حبّة كرز

	قاسية نفسي على نفسي يومَ تختار للقلب برد الجنَّة ويسكُنُها نارُ الغَدر فيصَل المريسي صح قلبك ودام احساسك متألِّقة .. مؤلِمَة .!