مجالس الرويضة لكل العرب - يغيظني من يلبس الثوب مقلوب

مجالس الرويضة لكل العرب (http://www.rwwwr.com/vb/httb:www.rwwwr.com.php)

- صهيل القصيد (http://www.rwwwr.com/vb/f58.html)

- - يغيظني من يلبس الثوب مقلوب (http://www.rwwwr.com/vb/t42056.html)

يغيظني من يلبس الثوب مقلوب

الشك راودني وزاد اشتباهي
*** بشخص حقير وعندنا كان حبوب

صحيح من قال السواهي دواهي
*** وصحيح بعض الهرج يبغا له اسلوب

وصحيح بعض الناس دمية ملاهي
*** ثوبه نظيف وداخله كله عيوب

ماينتقد نفسه مع الوقت لاهي
*** يغيظني من يلبس الثوب مقلوب

لو يلبس الجوخه وتاج الوجاهي
*** سلك الخباثه يبرمه تقل دالوب

زان المثل لادخال بعض المشاهي
***يوم الخطا شفته على اللوح مكتووب

بعض البشر لاقال شد انتباهي
*** وبعض البشر من عزة النفس مسلوب

يفرز غموضه من عيونه كراهي
***لو يبتسم كنه على الضحك مغصوب

يغلي قهر كنه على نار طاهي
*** يصهر سناه الذل باحشاه ويذوب

لاجيت اوصف بارد الوجه فاهي
***عذروبه انه شارب كل عذروب

ماينردع لو جاه تسعين ناهي
*** ولا يقتنع لو جاه تسعين مندوب

يقطعك يامنهو بعيبه يباهي
*** للناس جيب وللردي عدة إجيوب

يبي يحوش الطيب لاشك تاهي
*** ممزوج فعله بالرديات مصحوب

الفعل لهل الفعل سكر وشاهي
***والبن لاهل الطيب فنجال مصبوب

والاالردي شربه سريب المقاهي
***نفسه مضريهاعلى حثالة الكوب

اقولها بالصوت والعقل راهي
***الكدش ماهي للرجاجيل مركوب ؟؟

دنياك لو زانت بعينك تراهي
*** مثل الحبل لاصار بالعنق مكرووب

هاذا وانا معروف رمز اتجاهي
***ماكل راس يقتنع بأي مشروب

راقت لي فنقلتها لكم