|
للضحك ولا يكثر مع (ابوهلا) عاشق المقالب السلام عليكم ورحمة الله وبركاته للمزاح حدوده وللمقالب ذكرياتها ولأنني أعشق المقالب من الصغر ولا زالت تكبر معي ومعها أكلت وجبات دسمة ومن يعشق المقالب عليه الاّ يزعل مهما كانت ردة الفعل لأن من يقعون في شباك مقالبك حتما سيردون الصاع صاعين والأهم ان تكون نقيا ناصع البياض بعيدا عن الخبث المتصنع فالمقالب وليدة اللحظة وليست بتخطيط مسبق والاّ تتحول الى إنتقام يحمل صاحبه قلب أسود !! هنا سيكون لي متصفح أطلّ عليكم من خلاله بعرض مواقف ومقالب لي ولغيري ليست من وحي الخيال وانما واقعية وشهود كل قضية أثنان ههههههههههه. |
رد: للضحك ولا يكثر مع (ابوهلا) عاشق المقالب والله انت عاد يابوهلا اتوقع المقالب بتضبط عليك , الطول لك علية , لو يلزق الواحد في رجلك علك والله ماعاد تحرك خخخخخخخخخخ.. عطنا مقالبك خلنا نضحك هع |
رد: للضحك ولا يكثر مع (ابوهلا) عاشق المقالب بمناسبة زواج (ابونواف ) هههههههه ورحلتنا للجنوب : - في مثل هالايام وقت كأس العالم قبل 16سنة في عام 1994ميلادي تجمعنا وكان عندي إجازة في وادي الشعيبة محدثكم ومحمد بن عبد الرحمن بن فيصل الله يرحمه وابونواف وسيف بن محمد بن زريب ابو ميدو وسيف بن عبد الله بن عفيش وتمسك معنا الاّ نروح كم يوم لأبها البهية وخلال 10 دقايق قررنا نمشي الان كل يروح يجيب اغراضه والتجمع بعد ساعه لانطلاق الرحلة - الساعة 9 ليلا انطلق ابوعراوي غمارتين وشلة الانس السواق ابونواف عريسنا الجديد هههههه والساعة 2فجرا دخلنا بيشه وكنت نايم ويصحوني قم ندور لنا شقة مفروشه نرقد فيها شف باب الشقق مفتوح وانا على نياتي نزلت وانا امغط عيوني وادخل الباب ادور عن الاستقبال والله مادريت الا انا وسط يجي 20 من الشباب يتابعون وحده من المباريات ومتحمسين وانا واقف بينهم انهبلوا وانا انهبلت وتورطت سلمت عليهم وردوا السلام ووجهي يتقلب الوانه العذر والسموحه انا داخل احسب البيت شقق مفروشه شفت الباب مفتوح وطالبكم السموحه ياوجيه الخير !!!!!! ضحكوا وقالوا انت داخل بيت فلان والله يحييك انت وربعك المجلس موجود ارقدوا والا اصبحتوا الفطور والله يستر عليكم قلت لا والله يالربع خلوني اطلع لربعي ويطلعون معي والطامه يوم جينا عند السياره والمهابيل ميتين من الضحك حتى ان اهل البيت شكــّوا اناّ سكارى هههههههه قال لهم ابونواف يالربع خوينا راقد من اول الليل وحنا عارفين ان بيتكم مهوب شقق مفروشه شفناكم متحمسين مع المباراة قلنا خل نورط خوينا ونضحك عليه وهو داخل عليكم على باله شقق مفروشه ههههههههه ضحكوا شباب بيشه وحاولوا معنا وعيينا وودعناهم ويوم طلعنا بيشه رقدنا في احد المحطات ههههههههههههه وماجانا النوم من الضحك والتعليقات علي ---- -فاصل ونواصل - |
رد: للضحك ولا يكثر مع (ابوهلا) عاشق المقالب عدنا ------ قمنا من النوم وتحرك الركبان وقبل خميس مشيط قلنا انتغدى في هاك الوادي ويوم نزلنا اغراضنا والى حولنا مرزعة نخل وفيها لون مابعد جاء رطب وخبركم ابونواف يموت في التمر قال لازم نجيب من النخل لون واروح انا وياه ويقطع له كم لونه ونرجع للكبري نصلح غدانا ويوم تغدينا وعينا من الله خير وتجينا هاذيك العجوز تلعن وتدعي وتسب على بعد كيلو هههههه اثاريها راعيت المزرعة وشافت جرت ابونواف على الناي ووسط النخل ودرت انا داخلين في مزرعتها وجت تزبد كني اشوفها وحنا متقابلين نلعب بلوت في جو مااحلى منه . يا السرابيت اللي ماتستحون تدخلون نخلي وتلعبون بالشماريخ حسبي الله عليكم يا ويا ويا قلت على بالي بهدّي الوضع ياامي حنا غلطنا وابشري بالحق بنعطيك مية ريال وسامحينا - قلت هالكلام والا ماقلته وهي ترجدنا بالدعى واشوى الغنم راحت ولحقتها وهي تهاوش وتتلفت علينا قلنا اكيد بتجيب ربعها اركبوا ههههههههه واسرع من البرق حملنا الاغراض ونركب ومن الطفاقه والهبله تغرز السياره هههههههه وخذ يا دف وبحماس الين طلعنا السيارة ولا وقفنا الا في ابها راحت المسافه وحنا نتخيل الموقف ونسب في ابونواف صاحب التوريطه ههههههههه - فاصل ونواصل -- |
رد: للضحك ولا يكثر مع (ابوهلا) عاشق المقالب عدنا --- وصلنا ابها واستأجرنا غرفة كبيرة مع دورة مياه ولها باب خارجي بجوار احدى المحطات في القرعا اكيد واجد استأجروا هالغرفه ويعرفونها لأن هالمحطه مشهورة بتأجير الغرف للعزاب وكانت غرفتنا اول غرفة بالدور الارضي يعني اذا فتحنا الباب نشوف اللي يجون واللي يروحون من والى المحطه --------- ماقلت لكم رحلة المقالب ههههههههه جمــّعوا شلة الأنس في ذيك الطاسه ترى نسميها الغضارة او السحله اذا كانت من المعدن المهم حطوا فيها مرق لحم وبقايا الاكل وسلطة الخضار وملوها بالماء وحطوها على الباب وخلوه نصف مفتوح يعني اذا بتدخل لازم تدفع الباب وبحسن نيه دخلت ماجبت خبرهم الا والغضارة ومافيها على راسي وثيابي ماتشوف الا قطع الكوسه والعظام والمرق يتصبب على رقبتي ويوم اشوف ثوبي وهي تقفــّل الاخلاق معي ههههههههههه وأزعل عليهم لازم اعرف اللي سواها وبالتجسس عرفته قلت هين يالضبان ونويت عليه هههههههه نسينا الباب الخارجي مفتوح والله مادريت الا سيف بن عفيش يقول الرجال دخل حمامنا وقفــّل على عمره ويش نسوي له هاللي مايستحي جاي يسويها عندنا ههههههههههه قلت اتركوه عندي رحت للباب الخارجي حق الغرفه وقفلته وخذيت المفتاح طبعا الرجال داخل الحمام وقفلنا عليه عندنا ههههههههه سواها ابن الاجواد ويوم طلع من الحمام والباب يلقاه مقفول عليه توقع انه دخل شقة عوايل وانهبل ومن الهبله جانا وحنا جالسين وأطير به ماتستحي مالقيت الا غرفتنا تدخل بدون تستأذن وين حرمة المكان هههههههه والله يا هو تفشل والمشكله طلع كويتي قال يالربع انا كويتي وضيف عليكم واهلي في السيارة وماصدقت على الله اشوف باب الحمام وتوقعت انه تبع المحطه ماجبت خبركم ولا شفتكم والله يشهد تكفون استروا علي ------ فتحنا له الباب وحنا ميتين من الضحك وطلع ركب مع زوجته وعياله على هاك الجمس الابيض الجديد واكيد ماراح ينسى هالموقف هههههههههههه |
رد: للضحك ولا يكثر مع (ابوهلا) عاشق المقالب قرأت اول مقلب هههههههههههههه وينك داخل يا ابو الشباب واحمد ربك ما دخلت عزبة هنوود خخخخ لي رجعه |
رد: للضحك ولا يكثر مع (ابوهلا) عاشق المقالب هههههههههههههه فاطسه ضحك يكثر ماااتاكل مقا لب ابو هلاء نكته |
رد: للضحك ولا يكثر مع (ابوهلا) عاشق المقالب خخخخخ انت بنفسك مقلب ياشيخ امتعنا بمقالبك لكن الاهم من هذا وذاك هل رديت لهم الصاع صاعين زي ما يقولون لحد الان ملقمينك اثنين ؟ خخخخ ؟؟؟؟؟؟ |
رد: للضحك ولا يكثر مع (ابوهلا) عاشق المقالب اقتباس:
ههههههههههه لي مع القصر سالفه مع ان طولي حول بعض الناس 156سم والوزن 56كم شفت التنظيم الاّ قل لي ويش انت مشتري للبنت اللي شايلها يوم الخميس من بقالة ابوهدب هههههه توقعتك متزوج وقلت بقايا جاي له مولوده وعمرها سنتين هههههههه اعترف |
رد: للضحك ولا يكثر مع (ابوهلا) عاشق المقالب اقتباس:
ليتها عزبة هنود كان ماراح وجهي على الاقل بصرفها واقول ماعندكم عامل يبي شغل ههههههههه تسلم على المرور العطر |
رد: للضحك ولا يكثر مع (ابوهلا) عاشق المقالب اقتباس:
* الاماكن * ذا الحين موكل الكويتي اكبر مقلب ولا كفاك هههههههههههه راعي المقالب ياكل الضعف وانتبهي على نفسك من الضحك تراه يموت العقل يقولونه الاولين واذا فاطسه حرام وين اهلك يحللونك بالسكين ههههههههههه ممكن احد يشتهي لحم بشري اكلة لحوم البشر واجد |
رد: للضحك ولا يكثر مع (ابوهلا) عاشق المقالب ههههههههههههههه ههههه يعطيك الف عآفيه محمد ٌ ٌ .. أسعدني طرك لمقالبك تقبل ٌ مروري ٌ |
رد: للضحك ولا يكثر مع (ابوهلا) عاشق المقالب كخ كخ كخ وانا اقول عقل ابوهلا مطيرينه من كثر المقااالب معاااد يجمع وش لحوم بشريه تراااني خوااافه مصاااصين دماء وسكينه والله الي ارعبتني ههههههههههه |
رد: للضحك ولا يكثر مع (ابوهلا) عاشق المقالب ههههههههههههههه هههه أبو هلا عطنا سالفه الدجاج اللي خاس في شنطه الدنه خخخخخخخخخخخخخخ |
رد: للضحك ولا يكثر مع (ابوهلا) عاشق المقالب ابو هلا نبي سالفة الهاف موون والعبدة والبسكوت حق البزر |
رد: للضحك ولا يكثر مع (ابوهلا) عاشق المقالب عليكم مقالب ترفع الضغط واحسها كلها عنيفه ....فديت البنات ومقالبهم كلها كيوت مثلهم محمد بانتظااااار الجديد |
رد: للضحك ولا يكثر مع (ابوهلا) عاشق المقالب =============== =============== ============== || ابو هلا ~~~~~ ما بعد صار لك موقف محرج او مقلب وانت في اوروبا ??||| =============== =============== ============== |
رد: للضحك ولا يكثر مع (ابوهلا) عاشق المقالب الله يسعد قلبك ابوهلا على هالمقالب اللي وسعت صدورنآ .. بانتظـارك ترجعلنا بالسسلامه< بس لاتسوي بالممرضين والممرضات مقالب :) .. |
رد: للضحك ولا يكثر مع (ابوهلا) عاشق المقالب ههههههههههههههه ههههههههه والله عليكـ مقاالب شى تموت من الضحكـ وبنتظااار ك |
رد: للضحك ولا يكثر مع (ابوهلا) عاشق المقالب اقتباس:
** زورو** للمقالب طرافتها ولها محبوها أذكر وزير التربية سابقا الدكتور محمد الرشيد كان يتحدث وزير العمل انذاك الدكتور علي النملة وهو صديق شخصي لي واذكر وحنا راجعين من كوسوفا في رحلة عمل وكان معنا رئيس الهلال الاحمر السعودي الدكتور عبد الرحمن السويلم ومدير الهلال بالقويعية الاستاذ بداح بداح ان الوزير النمله ومعروف عنه خفة دمه ترك مقعده وجلس بجواري مما اغاض كثيرا من اهل البهرجة وحتى الاعلاميين -يقول الوزير الرشيد في احدى جلساته ان الدكتور النمله اذا وجه له رسالة شخصية مقال او قصيدة كونه شاعرا مايحط اسمه ويكتفي برسم نمله ههههههههه سألت الدكتور علي النمله عما قاله الرشيد قال فعلا انا عائلتي النمله وبدل مااكتب الدكتور علي النمله ارسم نمله وخلصنا اللي ابي اصل له ان هناك من علية القوم من يحبون المقالب الطريفة وحتى اصحاب المناصب وليست حكرا على الصعاليك ههههههه مثلي وهناك كتــّاب لهم باع طويل في المقالب - زورو انت شايف انا كذا مقلب ههههههههههههههه ه لاتخاف رديتها للي حط الطاسه ولا اكتشف المقلب الا وهو في غمارة الددسن وطرش رجع بالمصري ههههههه من قوة المقلب كنت حاط له في موية الصحة حاجه تهبل ههههههههههههههه |
رد: للضحك ولا يكثر مع (ابوهلا) عاشق المقالب اقتباس:
* يدر العتيبي * تسلم وعقبال ما توكلني او اوكلك مقلب ههههههههههههه |
رد: للضحك ولا يكثر مع (ابوهلا) عاشق المقالب اقتباس:
* الأماكن * على طاري العقل قبل 100 سنه قشعوا ضرس العقل مثل ماقلتي ماعاد أجمــّع توقعتك شجعنه على قولة المصريين طلعتي مثلي خوافه ههههههههههه |
رد: للضحك ولا يكثر مع (ابوهلا) عاشق المقالب اقتباس:
الله لا يسلطك علي وين ذكرت هالسالفه هههههههههههه إبشر جاك مطلوبك : وانا طالب بالثانوية كان عندنا ديانا مهيب ديانا حداد ديــّنّا سيارة حقت مقاضي البقاله وبعد المدرسه نطلع احيانا نتغدى برى على دجاج وكبسة رز انا ومحمد بن سعود بن دحيم وسعود بن حسن اخو ابوطارق هم يجيبون الاغراض وانا اجيب الدجاج مثلج اكيد وصرت ذاك اليوم ماخذه من البقاله وقت الفسحه وحاطه بشنطة الدينا على الجنب ويوم جينا بنقطعه ونلقاه خياس ريحته تصرع الكبد مذوبته الشمس وانا اتفشل قلت عطوني سيارة ابو سعود بجيب لكم غداء جاهز من مطعم ابو جنــّيه في طحي وانتم صلحوا الشاهي ورحت على نياتي وجبت لهم الغداء وجلسنا الين وقت اذان العصر ورحنا كل لبيته -----------!!!!!!!!!!!! ابوي من ثاني يوم قال الدينا فيها ريحة خايسة والذبان على شنطتها وانت مقفل الشطنه افتحها نشوف وين الريحه جايه ههههههههههههههه ههههه والله ويوم فتحت الشنطه الا الدجاج حق امس رايح شاورما معصور عصر اثاري ابوحسن وابو دحيم يوم رحت اجيب لهم الغداء قالوا خل نسوي فيه مقلب ونحط دجاجه هالخايس في شنطة السياره ترى حاسة الشم عنده ضعيفه ههههههههههههههه هههه شفتوا اسوّي خير فيهم وأغديهم ويسوون فيني هالمقلب اللي مانساه ابو طارق هههههههه |
رد: للضحك ولا يكثر مع (ابوهلا) عاشق المقالب اقتباس:
* سمو الاحساس * عسى ماعندك اختبارات محو اميه اشوفك منقطع عنا ههههههههههههههه ههه قصدك التكرونيه ابشر بكره ان شاء الله اروق واجيبها تحرم عقبها الجلاكسي ههههههههههههه |
رد: للضحك ولا يكثر مع (ابوهلا) عاشق المقالب اقتباس:
** سمو الإحساس ** قصدك التكرونية هههههههههههه الله يرجك رج الببسي // كنا معزومين في الشرقيه انا وسيف النواش وعبد الله بن محمد بن تركي وهذا للعلم اكثر واحد وكلني مقالب ومحمد بن ناصر بن حمر وسعد بن بجران والتقينا سعد بن زريب مضيفنا ومثل ماقلت لكم المقلب يجي صدفه بدون تخطيط - طلعنا على كورنيش الدمام وفرشنا البساط واللي يصلح القهوه واللي يسولف انا واحد العيال رحنا لوحده قريبه منا بساطه نبي نشتري ايسكريم او بساكيت تصبيره على قولتهم لقينا عندها وليدها عمره 5 سنين وملابسه تحوم الكبد ومخاطينه على وجهه رحمته وفكيت واحد جلاكسي وعطيته اياه وماأمداه يقضم قضمه وحده الاّ وامه تصيح عليه لا لا لا مافي ياخذ رجعه الورع تفشل وعطاني اياه وقتها نواني الشر هههههههههه خذيته قلت لخويي لاتعلم بنعطيه ابو فلان وفعلا ابوفلان متكي على المركى قلت سم جلاكسي يحبه قلبك فتحته لعيونك وما صدق خبر قعد يقرمشه الين خلــّصه وفي هاللحظه مرت علينا البساطه ومعها ولدها رايحه به لدورة المياه وابوفلان يصد يوم شاف وساخته ضحكت انا وخوي وقلنا لاتصد يابو الشباب واقسم بالله ان الجلاكسي اللي كليته ماكل منه هالوليد واكيد ماتمالك نفسه وسبقها لدورة المياه وهو يسب ويتوعد يرد الصاع صاعين ورجعنا للرياض وسالفتنا هالورع والجلاكسي ههههههههههههههه ه |
رد: للضحك ولا يكثر مع (ابوهلا) عاشق المقالب خخخخخخخخ ./:,"؟ مقالبك حلوه اوي اوي نبغى بعد زيآآآآده .. الف شكر ,’,:، |
رد: للضحك ولا يكثر مع (ابوهلا) عاشق المقالب اقتباس:
احلى مافي المقالب انها ترفع الضغط اجل مثل مقالبكم يالبنات كيوت وواو ههههههههه ابشري وين الشاهي المنعنعش يشغل الذاكره عندي خبرك ماكو ذاكره على الزيرو هههههههطلعت تحليقة رأس |
رد: للضحك ولا يكثر مع (ابوهلا) عاشق المقالب ..~ههههههههه طيب كمل وش بعد |
رد: للضحك ولا يكثر مع (ابوهلا) عاشق المقالب اقتباس:
|
رد: للضحك ولا يكثر مع (ابوهلا) عاشق المقالب زورو : هذا طلبك تفزل ياعم احلى مقلب أكلته = العام الماضي وكنا في التشيك انا وعبد الله بن فيصل ورحال الغربيه وابوه الله يطول بعمره وكالعادة نطلع على الباص رقم 30 لمول موبيليا خارج مدينة تبليسه نتقضى ونتغدى بيتزا عندهم احلى بيتزا وهاك اليوم ظهريه والشمس طالعه والجو حار وخبرك اهل اوروبا شوي ويتفصخون مايصدقون يجي يوم حار حياتهم برد في برد !! ركبنا انا وابو عبد الرحمن وكان قدامنا أم وبنتين وحده فوق 20سنه تقريبا والثانية 17سنه أو أقل طويلة لابسه شورت وتسولف مع امها واختها . وخبرك العرب ملاقيف قال ابو عبد الرحمن هاذولي خوات ويشبهن أمهن قلت له اي والله انك صادق عزّ الله ما زنت أمهم فيهم جايين على شبهها هههههههه ماأمداني اكمل كلامي الا الصوت من ورى رقبة عبد الله (ماتشوفون لكم موضوع اخر ) بصراحه شربتني الارض والتفت واثاريه ابوهم عربي جالس ورى عبدالله اتوقع جزائري او تونسي وعلشان ابرّد الموقف قلت له السلام عليكم الاخ عربي ؟ ناظرنين باستحقار وقال ممتاز قلت انت عربي قال ممتاز هههههههه. والله وسكتم بكتم ماصدقنا على الله ناصل للسوق وننزل من الاتوبيس والمشكله انه لازم ندخل معهم ونجلس نحاوص اذا راحوا يمين رحنا شمال نخاف بعد يفكر انا نطارد بناته هههههههه -شفتوا اللقافه ويش تسوي -- |
رد: للضحك ولا يكثر مع (ابوهلا) عاشق المقالب خخخخخخ ملاقيف انتم .. بس ان شاء الله ما تكررونها وتزوغ عينكم ... |
رد: للضحك ولا يكثر مع (ابوهلا) عاشق المقالب ههههههههههههه المهم انها ممتاز |
رد: للضحك ولا يكثر مع (ابوهلا) عاشق المقالب ابوهلا ننتظر مواقفك ماعندك بندونسيا شي |
رد: للضحك ولا يكثر مع (ابوهلا) عاشق المقالب ههههههههههههههه ههههههههههههه |
| الساعة الآن 04:56 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..