مجالس الرويضة لكل العرب - ليلة على تمرة وليلة على عيش

بسم الله الرحمن الرحيم

هذي عجوز جت للشآعر صقر النصآفي قآلت : آبيك تآخذ ولدي معك آبيه يتعلّم يروح ويجي
مع الريآجيل وآفق صقر وآخذ علي ولد آم علي ، صقر وقتهآ كآن رآعي تجآره ويسآفر ويروح
ويجي ، وهآك اليوم كآن بيروح وجت موآفقه ، رآحوآ على البعآرين طبعاً وقتهم مآكآن فيه
سيّآرآت وآخذ له كم يوم ونزلوآ لهم عند نآس ومآش كن علي كثّر فـ السوآليف وعلّمهم عن
البضآعه اللي معهم ولا آعجب شآعرنآ هـ التصرّف لكنّه مشّآهآ له مشوآ وكمّلوآ طريقهم
وكنّهم تأخروآ وقرّب العيد وهم فـ الطريق وطرت على علي آمّه ومسكت معه آلا يعيّد عند آمّه
قآل صقر : مآهو لازم تعيّد هـ المرّه عند آمك ، قآل : لا آبي آعيّد عند آمّي ، قآل صقر : مآظنتي
يمدينآ على العيد معهم ، قآل علي : مآلي شغل آبي آعيّد عند آمّي ، قآل صقر بعد مآضآق ذرعاً :

يآعلي خل العيد لـ آم الدنآديش
اللي تنظّف كل يومن جسدهآ

تبغى تمآري نآقضآت العكآريش
في كل ملفآحن تنتقّض جعدهآ !

العيد عيد الله .. ولو فآت حتّيش ؟
من حسبة آيّآمن يمرّك عددهآ !

نبي نعلّمك المسآري على الجيش
تمشي ذلولك لين يفتر جهدهآ

خآبرك منت بـ ضآرين لـ المطآريش
نبيك تونس حلوهآ .. من نكدهآ !

ليله على مسرى .. وليله مغآبيش
وليله نخلّي نومهآ لـ من رقدهآ

وليله على تمره .. وليله على عيش
وليله نوكّلك اللحم صيد يدهآ !

يآعلي لاجيت العرب .. لاتجي ديش
خبلن ليآ جآب السوآلف .. سردهآ !

آحفظ لسآنك .. لايجي فيه تبطيش
تصبح عيونك كآيدآتن رمدهآ

يجيك من ينشدك نشدة تفآتيش
يبي يسنّع هرجتن يعتمدهآ !

خلّه يقوم مفلّتن في يده ريش
يروح منك وحآجته مآوجدهآ

ترى دعآبيل الخبول الفوآنيش
تبدي بمآ فيهآ ولا آحدن نشدهآ !

يجيك وآحدهم يورّش تورّيش
سحآبته يسبق مطرهآ .. بردهآ !

اللي لـ غمقآت السوآلف منآقيش
قرّآية الكلمه على آول عددهآ !

تجي سوآلفهم بـ ضحك وتبهّيش
وقلوبهم مآحدن يفكّك عقدهآ !!