مجالس الرويضة لكل العرب

مجالس الرويضة لكل العرب (http://www.rwwwr.com/vb/httb:www.rwwwr.com.php)

- أخبار الرويضة (http://www.rwwwr.com/vb/f27.html)

- - ||| كبسة ضبان ||| (http://www.rwwwr.com/vb/t41400.html)

||| كبسة ضبان |||

بسم الله الرحمن الرحيم

السلام عليكم واحد واحد وحدة وحدة...

طلعنا اول امس للمزرعة من العصر وقال ميدنا واحد من الشباب عندي ضبان وش رايكم نتعشى عليها هوونيا , وقام كل واحد منا يناظر الثاني وودة بس مستحين , قلت ميدة اخاف عندك شغل ولا نقطعك هع , قال هاه لالا , قلت اجل تم وجعلك على القوة , المهم راح الرجال وجابهن حيات وذبحناهن ونتفناهن هههههههههه لالا مهمب عصافير , المهووهم عاد انا مانيب مطول عليكم شوفوهن وصراحة راحت علي ماصورتهن وقت الشلوطة والتقطيع بس المرة الجاية ان شاء الله....

بسم الله...

http://www.rwwwr.com/upload//uploads...e5ea399ed3.jpg

طبعاً هن خمسة بس الواحد عن اربعه من كبرهن الى درجة انهن ماجن في كاتم واحد , وجبنا الثاني واشوى سدهن .

http://www.rwwwr.com/upload//uploads...2bd6878a20.jpg

هم كتمناهن اشر كتمة خخخخخخخخ

http://www.rwwwr.com/upload//uploads...0e6b50e23a.jpg

هم عاد حمسنا السلايق في هالزدير لين استون وماعن .

http://www.rwwwr.com/upload//uploads...93ea6a591d.jpg

وطبعاً والله اني لهيت ولا انكان مصورهن يوم وهن في كاتمهن بالرز بس راحت , وهنا بعد مانتسبناهن في الصحن .

http://www.rwwwr.com/upload//uploads...080f860da6.jpg

قرب قرب ياجساس هههههههههه

تعشوا ولا احد يستحي بالله...

وانتهينا والقاكم في تقارير طبخات ثانية ...

رد: ||| كبسة ضبان |||

ما شاء الله

كبسه تفتح النفس

وراك ماعزمتنا

رد: ||| كبسة ضبان |||

عساها بالعافيه على قلوبكم
بس ما تشوف الرز ما بعد نشف
ههههههههههه
مسوي خبير طبخ
الله يعطيك العافيه بقايا طبخه كايفه

رد: ||| كبسة ضبان |||

بقايا جروح

ترى مايجوز تحطون الجريدة تحت الأكل

لان فيها أسم الله وأحياناً آيات

يمدحون سمط (ن) عند الشامل خخخخخخخخ

رد: ||| كبسة ضبان |||

عوايدكم والله الصيد والفيد

والله شغلكم مشاء الله عليه متكتك , رزت القدور الالمانيه تطرب

التصوير حلو والطبخ احلى واحلى

شلتكم شكلها نقوه طيبه

وشقرديه

جعله والله بالعافيه

لاتعبت على الموضع الرائع ,

وفي انتظار القادم