|
لك السيل مما قاله جدي الشاعر عبدالله بن قطنان لك السيل لك السيل ياذيك الرفاع الطواليه وانا رحت عنها في شديد شفانيه لك السيل يابير بقت في وزانها على قصرها الورقى تجر الغوانيه جيراننها اللي عندها دافنينهم تعبر عليهم خاطر مايدانيه بكينا الرفيق ولابكينا عمارنا والاعمار مانمشي لها بالضمانيه وانا للسفر طاوي فراشي ومرقدي وان غاب دلال السفر مانسانيه بكينا على مافاتنا من شبابنا عقب ماعرفنا الاربعه والثمانيه ولابد مايحفر لنا مثل غيرنا ولابد مايردم علينا الدفانيه ياواصلين ربوعنا سلمونا على الحي والميت يمال الجنانيه دفعنا ودايعنا وقربت ركابنا عسانا على الدين الحنيفي خوانيه عساني من اهل الخيرحيلي وحيلتي على خير وازهى الخير والازهانيه وانا مع طريق الخير اقلب روابعي واقلب هواجيسي على ماطرانيه وادير الروابع والروابع تديرني واقول الحذر هم الحذر يالسانيه وانا لي رفيق كل عام يزورني ولا عاد مريته ولاعاد جانيه نشدة الطروش وعقبهم ضاق خاطري يقولون مات وخلي منه المكانيه عسى الله يثيب اللي لجو في قبورهم عمار عليهن العواصيف بانيه عسى الله يثيب اجدودنا ويهدي لنا عسى الله يثيب عقولنا بالامانيه وانا حافظ الرجل والسمع والبصر واسير بها مع طيبين المجانيه ضحوك بنا غوج يلاعب جنايبه ضحك له بليس ودرعه بالعنانيه نديره يسار ويحسب انه يديرنا طمع بالربيع وهبت المربعانيه ولاجواد مثل الحصن تزهى شبابها والانذال مثل اذيالهن الورانيه يخب الحسود وخيبته من سبايبه شيل الردى شيل وتدات الثمانيه يشيل الردى مير اخلفنه روابعه بعد مابغى يبلع طميه وابانيه جمع واجتمع في خاطره كل طاري يعلك الردى للناس علك اللبانيه لك الحمد يارب خلقني وعاشني مع امي وابوي وربي اللي غذانيه ياشايلين الشر لاتمدحوني حداكم ليامنه قفاني رمانيه يلوموني يوم اني ارخص بضاعتي وانا ويش عذري من حساب الزبانيه ترك البضاعه خايف من غبارها سوى الخردله والا دقيقه وثانيه ترى الخد يغرقها الهتيف وتسيل به بعدها الخباري والشعاب امتلانيه وانا لانصيت السوق ابشري بضاعتي لقيت الرفيق وباعني واشترانيه غلبني وحاسبني وضفيت حاجتي قضيت اللزوم وبعض الارقاب حانيه ترى الطير لاشافت نقوره مخالبه تنزل من الروس العلاء للطمانيه عسى اللي بقى عند الكذوب يفوزبي نهار القضاء والهول والامتحانيه مخاليبنا ماتجذب الانصايبها ولانيب انا ويا العرب في قرانيه صدوق لساني مثل نقر على صفا ولانيب حبر من كتبني محانيه صديق صدوق وهرجتي واثق بها والين قلوب اهل القلوب المتانيه |
رد: لك السيل الله الله الله... قصيدة جميلة وقافية صعبة جداً , قريتها اكثر من مرة بإعجاب.. الله يرحمة ويغفر له , صراحة القصيدة كلها حكم ودرووس نسأل الله حسن الخاتمة... عطنا بعد ماعندك من هالقصايد الزينة ولاتبخل علينا.... لاهنت |
رد: لك السيل صح لسانك ورحم الله جدك شاعر جزل الله يغفر له ومشكور وما قصرت على القصيده |
رد: لك السيل يعطيك العافية يا مصعب وعطنا من الارشيف اللي عند ابوك = تستاهل على هالقصيدة جوز ارانب |
رد: لك السيل يسرنا ان تكون اول مشاركهـ لك هنا في قسم القوافي يعطيك العافيهـ وننتظر جديدك ^_^ |
رد: لك السيل صح لسان الشاعر .. وصحت اناملك .. شكراً,,, |
رد: لك السيل يسلم راسك وراس جدك على هالجزللة |
| الساعة الآن 07:41 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..