|
***^ شباب كيوووت ^*** ! . صباح ومساء معطر بلفل والياسمين راح ادخل في الموضوع على طول بدون مقدمات <<<<< متسرع دئماً طبعن فيه بعض الشباب الله يهديهم انشالله فيهم حركات نعومه وميوعه مثل البس إلي ماله داعي وقصات الشعر إلي مدري وش تبي http://www.alqnas9.com/robben/tmtm/smiles/nunu0000.gif . يعني انا مره في مجمع المملكة مع أهلي أنا شفت شباب شي والله غريب في نظري أنا طبعاً. واحد لبس جنز وقميص , القميص ظيق مررره والله أحس ماله داعي يلبس قميص جسمه كله باين والجنز مسوي حركه اليومين ( طيحني ) هههههههههه والشعر مسوي سبايكي ومعه وكل يد فيها جوال ويمشي ويحاول يتقرب من بنت ولاعطته وجه وصديقه الثاني لابس كت وبرموده وعليه شعر تقول شجره مسوي كدش أنا عرفت كدش من يوم شفت الشباب وحركاتهم الميوعه والنعومه والله أنا صرت مدري هم بنات ولاشباب جد . حتى لبس الثوب صار فيه ميوعه بدل أزرار الثوب يحط بدلها سحاب هههههههه وحتى النعومه في كلامه . وذا قلت له شي عن الحركات قال : خليك كول فري إحنا أوف <<<< متاظيق من الكلام ومعصب ومتنرفز يعني مره في احد مجمعات الرياض شاب يلحق بنت والشاب والله لابس كت ظيق والبنطلون مدري وشلون لبسه من الظيق إلي في البنطلون ولابس سلسال وربطه يد وجلس ينادي البنت شافته البنت طبعن تخليل شكله واقف قدام البنت . واقف وشعره كثير ومسوي سبايكي وحاط فيه وطالع في الشعر لمعه مدري وش تبي هههههههه وحاط يده على خصره ويكل العلك شافت هذا المنظر البنت وقال لها : هاااي ياحلوه أكيد أعجبتك <<<<<< مصدق نفسه بقوووه بعد . وقال له البنت : الله يستر عليك ويهديك وتصير رجال <<<< تعجبني البنت سكتت الشاب إذا جينا للحق كلام البنت صدق حست البنت انه مو رجال في أفعاله وتصرفاته . هـــــنـا ! بعض الشباب يتشبه في لبس وافعال النساء مناقشه مهو السبب تشبه الشباب في افعال ولبس النساء ؟ ماهي الحلول في نظركم ؟ بقلم / ابو نجوى السهلي . |
رد: ***^ شباب كيوووت ^*** ! السبب في تشبههم للبنات: _ الشيطان زين لهم هالصوره _ التقليد الأعمى للغرب.. _ ظنهم انو هذي الحضآره وهذا التطور.. وبكذا صاروا يأخذون سلبيات المجتمعات الثانيه.. ويخلون الإيجابيات على جنب لأن الإيجابيات يبغآ لها جهد.. اما الأشيآء الفآشله مثل كيذا .. مافي اسهل منها.. بالنسبه للحلول اتوقع الشباب الكبار ماينفع معاهم حلول لأنهم كبار ويشوفون انو هذا الشي صح.. فـ مستحيل تتغير الفكره عندهم :( لـ أن الإنسان كل مآكبر كل ماصار يتمسك بكلامه حتى لو كان خطأ.. المفروض من الحين أي واحد يجي عنده ولد يدخل في رآسه اساسيات الرجوله ومعناها ويحبب اولاده فيها وأهم صغار ويعلمهم كيف يعتمدون على انفسهم ويحآول يحملهم بعض المسؤوليآت.. وإذا صار عنده عزيمه مايقول رح ادخل عند امك.. الا يخليه يلبس ثوب و يقول تعآل وخلك عاقل ويخليه يسآعده فالأشيآء البسيطه.. ومو من يوم يولد واهو مزنده بلاي ستيشن وحركات مدري وش تبي.. وطبعا يعلم عيآله من يوم انهم صغآر انو اللي يتدلع ويطول شعره لما كتفه ويلبس بلآيز بنات مهو رجآل ولا يعتبرونه الناس إلا صفر ع الشمآل.. وبكذا يشب الولد على اصول العرب وعآداتهم وتقاليدهم ^_^ |
رد: ***^ شباب كيوووت ^*** ! ماهو السبب تشبه الشباب في افعال ولبس النساء ؟ السبب الرئـيسي البيئه اللي هو عآيش فيهآ (ملوثه , ولا وراه رجآل يسنعونه ويعلمونه السنع ) ماهي الحلول في نظركم ؟ محآولة نصحهم .. وندعو لهم إن الله يردهم لرشدهم حكـآية همـُ |
رد: ***^ شباب كيوووت ^*** ! الله يهدي شبابنا والله البعض منهم فيهم الخير والبركه والبعض الاخر الله يهديهم ذبحهم التقليد تقليد اعمى للغرب .. ع بالهم اللي يلبس الزي السعودي العادي بدوي وهم في هذي الملابس حضر ومتطورين بس مانهضم حقهم ونقول انهم في هذي الاشكال مافيهم رجوله .. الله يهديهم ويصلح حالهم .. ابونجوى طـــرح رائــــع .. دمت ،، |
رد: ***^ شباب كيوووت ^*** ! الحل يا اخوي واضح وضوح الشمس ناخذهم طال عمرك ونقطهم بوسط الربع الخالي ويالله دبرو انفوسكم والا يبون محرم الله لا تبلانا والله مالنا الا نقط بوجيهم نصايح لعل وعسى الله يهديهم مع اني والله ما اداني انظر بوجيهم << احسبهم حريم موضوع رائع اخوي |
| الساعة الآن 09:20 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..