|
رد: سعــــــد عــــــــــــــ ـلوش ... !! في الكبد ليعاتها وفي النفس حاجات حاجات ماهيب برغبـات وشهـوات ندم على حزن على ماادري شسمـه اللـي يكلمـك وتكلـمـه بسـكـات ياودي اصرخ من اللي داخلي حيـل وياودي ماتنبس مـن الليعـه شفـات مزحوم تفكيـر ومشـوش وبـردان وياخوفي من الغضـب والانفعـالات تعـارك الشـر والخيـر فيـنـي يأثـر علـى اتـخـاذي للـقـرارت ثاقب والاحظ تفاصيـل التفاصيـل كن البشر عري وعيونـي مرايـات أفضال ربي علي واجـد وأفضـل أفضال ربي علي الفقر وأنكارة الذات يامجمل الفقـر وأشيـاءه وروحـه تموت منه تعـب وتعيشـه ازمـات يعلمـك ضعفـك وبـأن عقـلـك هو اللـي يميـزك عـن الحشـرات وتعرف بأن هذا لـك وذا لغيـرك ولاتفـكـر ولاتكـسـر حسـابـات الفقـر مفيـد وأشـيـاءه مفـيـده ملـيء قـوه قنـاعـه وغـايـات يمكن لو أن إنك غني تطغى وتنسى وتطيش وتطوف الخمـس الصلـوات لذلـك الحمـدلله والثـنـاء لــه على الفقـر والمصايـب والمسـرات يمكن اني فقير بس مانبـي تبعـي أجلس ولا أنقـاد خلـف الاتجاهـات وان مااعجبتني قناعات الزمن هـذا انـا أألـف لتفكـيـري قنـاعـات شاعر ويسكن فمخي ألـف شاعـر ماهم بشعـار هاالوقـت التروفـات اللي يقولون مافـي الشعـر نـادر وان الشعـراء نفـس المستـويـات لـو انهـم واحـد وبتفكيـر واحـد كان ماشفت ناقد ولامعجب وشمـات الله علـى هاالكـلام ومـن يقولـه الله يقطـع سيـاسـة هاالمـجـلات يعني اللي قصيده ملى الدنيا جماهير مثل اللي يطلق قصده سـرة ابيـات لامن سمعت القصيـد قلـت هـذي سمعتها قبـل هـذي عشـر مـرات يشيل اخـر كـلام الشطـر الاول ويحطه باخـر الثانـي وخـذ هـات قاف متكـرر ولا فكـره ولاشـي يبني القصيـده علـى تفكيـر بنـات وبه نـوع سـاذج علشـان يتميـز يصـرخ ويعمـل بيدينـه حركـات والمـرء عـدو مايجهـل لـذلـك هاالشعراء يكرهونـي انـا بالـذات الله يخلينـي لشعـري وأصـونـه وأحرق به كبـود شعـار المسجـات أجذب بـه أذواق حكـام الجزيـره وازرعـه فعقـول فتيـان وفتيـات أركبـه جـن وأمارسـه بجـنـون وأشبـعـه فلسـفـات وإبتـكـارات وأعلم الجيـل هـذا واللـي بعـده جودة الاطالـه وفـن الاختصـارات ووشلون احرث صخر فكري وأخلي بيني وبين اقـرب منافـس مسافـات الشعر في نظـرة أغلبهـم مصالـح فلـوس وشيـوخ وبنـات ولقـاءات وفي نظرتـي رورح وروح حـرة ماتخضع لشف واشخاص وقياسـات الشعـر ماتقشعـر لـه الابــدان ومايسـرق مـن الكلمـات الكلمـات تقـراه فعيـون شاعـر وتحـسـه يفتـح لـه فجلـد يدينـك مسامـات ردد قصيدي ياجمهـوري وصفـق وعلمهـم ان الغـلا مابـه خيـارات وتعال نسرح سوى في شي عنـدي واخاف لاابكي وتبكينـي العبـارات حزيـن جـداً ومتعـوس وخايـف أحس كنـي علـى مهـوى نهايـات حبيبتـي اللـي أغليهـا وابيـهـا راحت وقالت بجي وللحيـن ماجـات والصبر صبر القلوب البيض وادري يامصعب الصبر لاقد بـه محاتـات دمرني الشوق واستنزفنـي شعـور وتعبت اثبت وجودي داخـل اشتـات تمر كـل الوجيـه بـدرب عينـي نفس الملامـح ونفـس الابتسامـات حبيبتي طاغيـه وبشكـل طاغـي صديقـة الليـل واجنـاب البنايـات من ويـن ماافتـر لاهـذا وجههـا على الطرقات وأضـواء السيـارات يابري حالي عليهـا بـري حالـي عليها يابري حالـي عشـر بريـات لأنـي أحبـهـا فـعـلاً وجــداً ماهي محبـة رفـث ولا اتصـالات احـس كنـي أخوهـا او أبـوهـا أدرى عليهـا مـن العالـم مـدارات واللي سواتـي يحـب وخايـف الله يعـرف معنـى معانـات المعانـات الحزن في بعض الاحيان أزدواجـي وجميل لاصار من تجنيـب غلطـات من خلا حاجة لربي عاضه أخيـر منهـا واحسـن دبـلات الـدبـلات وانا مابي غيرهـا ولا التفـت لـه السـيـده لا رجعـنـا للـسـيـدات جعل امها اتوافق ان جيت اخطبهـا تكفـون دعواتكـم يااهـل الدعـوات |
رد: سعــــــد عــــــــــــــ ـلوش ... !! مدري على وين رايح بس انا رايح ولا ادري ايش اخرة دربي ولااوّلته احسها خلطة الضحاك والنابح يا كبر راسي علي ومكثر اسئلته الخوف والبعد عن براقه اللايح ما ينتحمل ولاكني تحملته لان ادري ماهو مقوم حظي الطايح كل الكلام اللي قلته واللي ما قلته |
رد: سعــــــد عــــــــــــــ ـلوش ... !! ياطول صبري وياهمي ويا شيـبي من مبهم شفته بعيني وهو مبهم يطلبني أحظا وهو بالحظ يدربي اليا تباشرتها وضحا تجي مجهم وش عاد لو ما تلفت في مناديبي منته بكيف الخوا ولا انت بالملهم رفقة هاذي تعلميني عذاريبي أرهم الصادقة فيها ولا ترهم من كبر حظك ومن فعلي ومن طيبي أسرى علاشان كسب الطايلة وأجهم وش عاد أسويبك الا ويش أسويبي تضاربت في عيوني بورصة الاسهم الناس تقبلبي بعينك وتقفيبي وموقف بس لا تفزع ولا تزهم حتيش والدون لو حشو عراقيبي وما فيه طيب بكسب الطيبه يتهم وكان الرجا في رضا شيخ المعازيبي ماني بمدلج على وصله ولا مدرهم قلة يليت أيتعلم من أساليبي مفهمه لاكن أنه ما يبي يفهم فعيون وضنون خوانه الاصاحيبي وأذا معك درهم أنت تساوي الدرهم |
رد: سعــــــد عــــــــــــــ ـلوش ... !! حـي منـي لاذكرتـه..دريـت أنـي بخيـر صاحبـن لاشافنـي. ضقـت منـه.. ضمنـي يشتعلبي. لين يطفـى علـى العـرق الاخيـر وأنتثرله شـوق.. واليـا أنتثـرت..أيلمنـ ي يـا تنـدااي.. الخليـه علـى طاقـة حريـر يامخوفنـي.. وقاطـع رجـاي .. وممـنـي يـا أمـل. ياخيبـتـه. يامتـاهـه. يامصـيـر خـل قلبـك لاتراخـى الزمـان.. أيزمـنـي مابي الدنيا.....أبيك أنت لانك انـت. غيـر جيت فحضانك.. طفل.. وأنت أبـوي وسمنـي شوف فوق....وغن بسمي على اللحن القصير وخصني.؟ في كل لمحـة غـرااام وعمنـي بشعـل الدنيـا عبيـر وبطفيهـا عبـيـر ولا بناشد. من مدحني ولا من ذمني.. جيـت للدنيـا كبيـر.. وبفاارقهـا.؟ كبـيـر ومن زعل مـاهمني..ومن رضى مـاهـمـنـي |
رد: سعــــــد عــــــــــــــ ـلوش ... !! لبّيك يا الّي بسمتك تغـزل مسافـات العبيـر بالمسك ، والكبر المزخرف ، والسطور الحافله لبّيك لا وريتني وش عقبـة المـوت الأخيـر في ليلـةِِ تمحـي خطاهـا ركعتيـن النّافلـه لانّك تعرف انّي اليا استبشرت استبشر بخيـر لكنك تجهـل يتـم وقتـك واليديـن الكافلـه تصدق إن الوقت هذا غير وإن الناس غيـر ؟؟ وتصدق إن ماعاد باقي شيء حتى تخاف لـه شوف الاسد يمشي على راي المهاه ولا يشير والمشكلة ، لاهوب مستغرب ولاهي جافله !! وتصدق إن اغلب رعاة الحرف خوّانة ضميـر شفت الادب هـذا يبيعونـه لنظـرة سافلـه ! وتصدق إن حمل البعير اتبعزقـه دودة حريـر واتصدق إن الوقت ذا غافـل وناسـه غافلـه من اوّلا تنبح كلاب وقافلـة الاحمـل تسيـر واليوم لا تنبـح كـلاب ولا تسيـر القافلـه ! |
| الساعة الآن 02:26 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..