|
جمس 79 يحبونه اهله - تسعه وسبعين من يذكر حراجه والجميح مورده برى الحــــدودي والله ونعمين ياصنع الخواجـــــة المركي صانعه يرقى سنـــــودي حافظينه من وكيله لا كراجـــــه ما بعد شفنا على حلياه بـــــودي ما تغير شكله من اول انتاجــــه تندته بيضاء ولون البدي عـــودي له فخامه والجميحيات تاجــــه والوقار اللي على طبعه يســودي ضامنين محركة عند احتياجـــه صادق التمرين يصدق بالوعـودي دق سلفه واشتغل طرب ٍ مزاجـه حس شكمانه مثل دن الرعــودي ما دبله دعسته والحقه صاجــه ولا ثنى تشغيلته عقب الخمـودي احتفوا به مثل شيخ ٍ في زواجـه يذكرون الله عليه من الحسـودي ان وقف كنه عميد ٍ فالمواجــه كل ما يامر تنفذه الجنـــودي وان تحرك كن ضاربته هياجـه لا لقمله نمرت ٍ شره يــزودي وان ضرب له خطة ٍ فيها عواجه الله أكبر يالتوازن والركــودي يا ثقل حجمه ويا خف اندراجـه فالحزوم والهضاب وفالنفــودي الكفر بالون والممشى عناجــه ما تعثر له بطانيج الحيــودي ان تنحرته عكس شوفك زجاجه الصدر متربع وفج العضـودي لو تدقق شفت في عينه غناجـه وسم صناعه من كبار الليهودي وان تقفيته غشا جوك عجاجـه الكفر يحتاس لافتر العمــودي سايقه مطنوخ في جيبه علاجه ما بعد ساقوه شلات الهنـودي ْ ْ من ارشيفي الخاص - صورة من العام المنصرم بالنعيريةْ - ْ لعدستي ~ْ ْ ٍْ للي يحبون الجموس القديمة اهداء لكم :) القصيدة منشـــــدة..اضغ ط على الرابط بالأسفــل... ~ :nabd:حفيدو ْ} |
رد: جمس 79 يحبونه اهله - انا اشهد محد يطرده ابورفارف ما شاء الله الله يعطيه خيره ويكفيه شره بس يا رجال سعره كل ماله يغلى وش السبب يعطيك العافيه اخوي حفيد مجمش ع القصيده |
رد: جمس 79 يحبونه اهله - واللي ما يحبونه لكن يعجبهم ابداع تصويرك ههههههه الف شكر اخوي حفيد |
رد: جمس 79 يحبونه اهله - احس السياره هذي لعبه واتمنى اركب فيه ,,, عشان اصدق انها مو لعبه عوافي حفيد |
رد: جمس 79 يحبونه اهله - يعطيَك الَعافِيهَ عِلَىِ الِصُوًرهَ آلرِاِئعَه ، بـ آنتَظَاِرِ جَديدِكَ ‘, دُمِتَ فيَ حِفظً آلرِحَمنِ ورَعآيتهَ .. |
| الساعة الآن 09:51 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..