http://sub3.rofof.com/img3/011axmgu29.jpg
،
مُمطره هذي السّما
.... مثل المواعيد الجميله
يالله نركض فـ المدى المبلول
ونعدّ المطر
.... قطرة : قطرة
وماعلينا
لو دخل فينا البراد .. ولو تعبنا
... التعب :
بيصير راحه .. لا بغينا ..!
ياصباحات البلل .. والعشق
واغاني الحنين
اللي هوينا :
إرشفينا قطرتين مْنَ المطر
ومْنَ الشعر
إييه ارتوينا !
من بعد عمْر الجفاف اللي كبر بشعورنا
و من بعد ماذبْلَت اغصان الفرح بصدورنا
أمطرت هذي السما
... مثل المواعيد الجميله
يالله نِركض فـ المدى المبلول
ونعدّ المطر !

http://sub3.rofof.com/img3/011zbquv29.jpg

،
على كثر ماأحبّك .. كنت احبّ المطر
........ إليا غرقت به يدِي .. واعشب بها الحلم شيح

إليا انهمَر .. جيتك اركِض وانتشي و انهمِر
........ كنت انهمِر أنهمِر .. بس مـ اذْكر انّي أطيح :

كنت ارتفع للسّما .. و اسمى بها و اختصِر
........ كلّ المدى في عيوني .. مثْل دمع ٍ شحيح

و اليا نِزَلت .. إعتلى صدري غمام " الشعر " :
........ اللي على كثر مـ اتعب فيه .. فيه استريح !

واسأل بْلهفه ...: صحيح تْحبّني هالكثر ؟
........ وتردّ لي : هالكثر .. و اكثر .. وكلّه صحيح

و اطْلق شعوري .. من قْيود الزّمن و البشر
......... إلى الفضا الممتلي ضيّ .. وْ بياضٍ فسيح

واقرالك العُمْر .. واقرا فيك حلْم العُمُر
........... واكتب ملامِحْك شعرٍ .. أكبر مْنَ المديح

وتصبح كثر ماأحبّك .. إنت إنت المطر
.......... والصدْر معشوشب.. وْ أضلاعي اعواد شيح !

قطره ..:
المطر يعني عودة الضباب
والقراميد المبللة
....... والمواعيد المبللة
يعني عودتك .. وعودة الشعر .