مجالس الرويضة لكل العرب - تآمر على شي ..!؟ }

,
,
,
ياجارح احسـاس المحبـة / سلامـات !؟
تجـرح وتـسـرح و المحـبـة كـمـا هــي

ذبحـتـنـي بمحـبـتـك عــشــر مــــرات
على الرغم من ذبحتك هـذا أنـا حـي !

مـن قـبـل لا أقابـلـك ماتعـشـق الــذات
ومن يوم شفتك / صادروني هل الغـي

وقطعـت مـن شانـك جمـيـع العـلاقـات
وطوتنـي الدنـيـا عـلـى طاعـتـك طــي

أعشـقـك و أحـبـك و أداريــك بـسـكـات
كثر الجروح اللي تجـي مـن يـدك فـي

و مـن كثـر حبـك لا لفـت مـنـك كـيّـات
أقــول لــك:- مسـمـوح و أقـبـل الـكـي

و أخاف ما أملك شئ وتقول لي:- هات
و أقــول:- تبـغـى ذي ولا تـبــي ذي !!

بـخـيّـرك و لـــك الأمـــر بالـخـيـارات
إمــا تجيـنـي لــي ,, ولا تـجــي لـــي !!

لا تـحـسـب الـلــي بـيـنــا بالـمـسـافـات
وأنت أقرب لثوبـي علـى مسكـة إيـديّ

بسـهـر مـعـك واللـيـل قـلّـه سـهــالات
مانـي بخـايـف عتمـتـه دامــك الـضـي

سبحـان مــن بيـديـه سـبـع السـمـاوات
خلا../ عيونك شمـس ورموشـك الفي

كتـبـت فـيـك أبـيـات و أبـيـات و أبـيـات
وإليـا لقيتـك قـلـت:- لاوالله / شــوي !

ميّـت ولـكـن مـانـي ضـمـن الأمــوات
مـيّـت بحـبـك و أنـتـه تشـوفـنـي حـــي

و إن كـان حـبـي مــات , لـيـه المعـانـات !؟
أنا بروح أمـوت / تامـر علـى شـي ؟
,
,
عبدالعزيز السبيّل
,
,
أتمنى إن هالاختيار يرضي ذائقتكم الشعرية