مجالس الرويضة لكل العرب - الشاعر - عبد الله بن تركي السهلي

مجالس الرويضة لكل العرب (http://www.rwwwr.com/vb/httb:www.rwwwr.com.php)

- صهيل القصيد (http://www.rwwwr.com/vb/f58.html)

- - الشاعر - عبد الله بن تركي السهلي (http://www.rwwwr.com/vb/t40954.html)

رحى الهم ..

.
.
ياطول ليل البـارح وياجـور مابـه مـن تعـب
ماكنت احسب الشمس تشرق فيه عقـب مغيبهـا

ليلٍ لـو يعيشـه خلـي البـال جهّـم وأكتئـب
وش لون من حطته بقعـا مـن زمـان فجيبهـا

ورّد على صدري هموم العمر وامسيت فـنشـب
اردهــا ويجيبـهـا وآردهــا ويجيـبـهـا

وبغيت عيني للمنـام وكـن عينـي بـلا هـدب
تقـول عيـن محـبٍ فحـروة لـقـا حبيبـهـا

وقضيت ليله كني اتقلـب علـى جمـر ولهـب
ومواجعي بين الضلـوع العـوج يقنـب ذيبهـا

مواجعٍ من كسـب يدينـي وشـي بـلا كسـب
وهايبٍ مـن جايـر الدنيـا ومـا تسخـي بهـا

دنياً نوايبها على احلامي كمـا السيـف الحـدب
مشت على روس الاماني ليـن جَـزّت صيبهـا

واما انت ياليلٍ هجدت أمسي (عليك مـن العتـب
ماتستحقه )...فعلتك ماكنت منـك احـري بهـا

وش لون تغدر بي وانا اعتبرك لي أقرب من نسب
ماتـدري إنـي لليـال الماضـيـات صحيبـهـا

وماتدري إنـي آتذراهـا ليـا صـرت فـمهـب
ريح الهموم الهوج وعيوني لها اكشـف عيبهـا

وياما تخاوينا الى من داعـي المسـرى وجـب
في غدرةٍ توحش سباع الليل لـو تسـري بهـا

وياما هجوسي تحت قمراها من اشعـاره كتـب
شرايـد ماكـل مـن يكتـب شعـر ياتـي بهـا

ياليـل وان بـارت مقابيلـك وخاطرهـا قلـب
ومشت على ساقـة دروب همومـي وتعذيبهـا

مانيب متحسب عليها..بـس لـو تسمـح طلـب
اسرار حزنـي للبشـر طالبـك لا توشـي بهـا

وانا لي الله كل مادارت رحـى الهـم.... وقنـب
ذيب وجعي.. والشمس في حزة حضور مغيبهـا

هقوة فراقك !!

ياغالـي شعـوري بجيتـك متشابـك
مابين فرحـة لقـاك وليـه زايرنـي

مصافحك يوحي ان الشـوق ماجابـك
وملامحك عن كبر ماخفيـت تشعرنـي

ولك ساعتين وبَـرَدك يـرد عنابـك
عـن الكـلام وتحـاول ماتناظـرنـي

لك ساعتين وسكوتك يخنق اعصابـك
حتى شرقـت بتنهاااتـك .. ووترنـي

ضيقك ودمعٍ وقف في شرفة اهدابـك
وجهم الضنون اللي لخوفـي تبررنـي

مرتاب مدري وش اللي بك ومرتابـك
احسك لـ(هقـوة فراقـك ) تمررنـي

ادخل على اللي مكمل بالغـلا نصابـك
انطق ..نشف ريق صبري لاتحيرنـي

ان كنت زعلان قـرب هامـة عتابـك
والله لا قبـل جبينـه ليـن يعذرنـي

ابعتذر لـك ولاتبـدي لـي اسبابـك
رغم اني ماخطي بحقك ..وانت خابرني

أحـن منـك علـى نفسـك وشيابـك
وعلـى ابَديـك كـن الله جابـرنـي

وان كنت ناوي تسوق لهجري ركابـك
ارحـل ولكـن دخيلـك لاتخبـرنـي

اتركني اخلـق لـك الأعـذار فغيابـك
واتجوّد بخيط امل وصلـك واصَبّرنـي

يكفيني آلوذ لو ليـل الجفـا اغتابـك
في حضن ذكـراك لوحـاول يغررنـي

لكنك ان رحت عنـي وإنقفـل بابـك
طاريـك لاهـب حـرك مايكـدرنـي

أنا بعد ربي ماقـوى ايامـي الا بـك
لاتصير قشة جمل حيلـي وتكسرنـي