|
الشاعر - سيف بن محمد الشنيفي السهلي هنا قصائد الشاعر - سيف بن محمد الشنيفي السهلي (ابو محمد ) |
رد: الشاعر - سيف بن محمد الشنيفي السهلي هذه القصيدة ألقاها شاعر المناسبات بالرويضة الشاعر / سيف بن محمد السهلي بمناسبة زيارة سمو الأمير / فهد بن عبدالله آل سعود للرويضة في ضيافة الشيخ عبدالله بن علي بن وهق السهلي رئيس مركز الرويضة بلسان شيخٍ يكرم الضيـف والجـار ** أبو علي مَلفى الضيـوف الحشامـي يا مرحبا يا أمير يـا واف الأشبـار ** واللي حضر وأعداد وبـل الغمامـي يا أمير ياللـي لـك معـزة ومقـدا **ربقلوبنـا ويطيـب فيـك المقـامـي والمدح جاله في أهل المدح مشـوار **وتستاهلونـه يـا عزيـز المقامـي والمدح ما جاكـم بتلفيـق الأشعـار **انتم هـل التاريـخ طـول العوامـي وانتم هل الطولات وانتم هـل الكـار **وأهل الوفاء وأهل الكرم والحسامـي وانتم هل العوجى عمى عين الأشرار **كم واحـدٍ ممـا يشـوف استقامـي وانتم هل المجد المدون هـل الـدار **أبطال مـا تِزحـم نهـار الزحامـي وانتم لشـرع الله حليفيـن وأنصـار **ولولا الشريعة ما استقـام النظامـي يا حر يابن الحر يا ذخـر الأحـرار **متربـع بيـن الخـوال وعمـامـي فهد صليب الـرأي محمـود الأذكـار **طلـق الحجـاج ولشكـالات رامـي يا طيب هوماته ويا طيـب الأفكـار **شخصيتـه تحظـى بكـل احترامـي متسلسل من روس حكـام وأخيـار **آل سعـود وحـي ذيـك الاسامـي أسرة عدل والفخـر بالقائـد البـار **عاش أبو متعب والوطن ما يضامـي مليكنا اللـي للوطـن عـز وستـار **يذود عن شعبـه وداعـي سلامـي ملك حكيم وعنـد الأزمـات ماحتـار **رأيـه رشيـد ونظرتـه للامـامـي مـا ينحنـي إلا لعـلام الأســرار **للواحـد المعـبـود رب الانـامـي وللمسلمين حجاب في كـل الأقطـار **يبرز إلى جاء في العلـوم انقسامـي وعلـى يمينـه صيرمـي ٍ وبـتـار **سلطان ستر مرودعـات الوشامـي درع الوطن عن كل طامـع وغـدار ***لاجـا نهـارٍ فيـه مثـل العسامـي وزير للـي مـا يهابـون الأخطـار ***بواسـل عـن حـدهـا ماتنـامـي ويمناه غيث اللي عليه الدهـر جـار***عـدٍ يصـدر مـن يجونـه حيامـي وحكامنـا منـا لنـا تـاج وشعـار***نعم الملوك اللي عطونـا اهتمامـي والحكم ما جاهم بتصويـت وشعـار***جاء بالسيوف اللي تقص العظامـي من كف أبو تركي بعد ماخذى الثـار***في ليلـة للقصـر فيهـا ازدحامـي هجد على عجلان في وقت الأسحـار***وحذف براسة وأشقـر الـدم زامـي ونادوا بعالي الصوت مع طلع الأسفار***يا أهل الرياض الفيصلـي الإمامـي وتبدل العسر بيسر عـزم وإصـرار***طوي الجهل وانزاح هـاك الظلامـي عساه في الجنة بعيـد عـن النـار***جمع قبايلها علـى امـن وسلامـي وامن الوطن غالي وتفـداه الأعمـار***والل ي يمس أمنـه عسـاه العدامـي الشاعر سيف بن محمد السهلي |
رد: الشاعر - سيف بن محمد الشنيفي السهلي هذه قصيدة الشاعر سيف بن محمد السهلي شاعر المناسبات بالرويضة القاها في افتتاح المكتب التعاوني للدعوة والارشاد وتوعية الجاليات بالرويضة في يوم الاثنين الموافق 21 شعبان 1428 هـ يالله ياخالق بن آدم مـن الطيـن ......... ياربنـا ياللـي عليـك اعتمدنـا يارافـع سبـع بليـا عمـاديـن ..........وبسطت سبع وفوق سبعك شهدنا ندعو ودايم فـي دُعانـا ملحيـن ...........عطفك وذكـرك بألسنتنـا عقدنـا تعزنا بالدين يـا ناصـر الديـن ..........ومن مدتك بالعون محدن ضهدنـا دين التسامح شوهوه الشياطيـن .........يخزي مشوهته ولو هي من ادنى حنا من اهل العنـف والله برييـن .......... باحكامنا وافكارنـا مـا انفردنـا تشريعنا القران خيـر البراهيـن ..........وسنة نذير الخلـق منهـا مددنـا حنا هل التوحيد حنـا الشريفيـن .........اسلامن ا عن واجبـه مـا رقدنـا منا المشايخ والدعـاه العفيفيـن ...........دعوة سماويـة عليهـا اجتهدنـا والامر بالمعروف يلقى له معيـن ..........الله لا يخلـي هلـه مـن بلدنـا في ارضنا في مملكتنـا الحرميـن ...........ارض الحرم ونكرم اللـي وفدنـا مهبط وحي قبلـة الاف الملاييـن ............ومن ها رسول الله وفيهـا سعدنـا المصطفى خاتم جميـع النبييـن ..........شلة يدين اللـي برسمـه عمدنـا حنا على درب السلف مستقيميـن ...........امان ـة معنـا وتبـقـى بعـدنـا نخدم وفود البيت لا جـوا ملبيـن ..........المال يصرف والسهر ما جهدنـا بقيادة اللي للشريعـة حريصيـن ..........العـد ل قايـم والمهنـد سنـدنـا لطامة العايل صعـوط المجانيـن .........عاشو ملوك العرب تحيا يا اسدنا خدام بيـت الله ذخـر للمسلميـن ..........من غيرهم شفنا وسمعنا ووجدنـا عالم يجوب مع الفتن والقوانيـن ..........والحم د لله عـن رحاهـا ابتعدنـا حنا بامان وخير عشنـا هنييـن ...........في نعمـة كـلٍ عليهـا حسدنـا والحسد يكبر في قلوب الحسودين ...........يوم الشقى والجوع محـد نشدنـا ويا دار دار العـرب والسلاطيـن .........على الوفا نبقى ونوصـي ولدنـا حبك سرى في الدم وسط الشرايين ...........حنا عيالك يا امنـا مـا جحدنـا دونك نبيع الروح وسط المياديـن ..........على الوعد نصدق الى جاء وعدنا ناطا على روس الخفاش السقيمين .........بياعـة المربـى عليهـا اتحدنـا أفكارهم غسلت وجونـا مغيريـن ...........خوار جٍ ما نقصـوا مـن عددنـا ولا به على الدنيا عبـادٍ مقيميـن ..........يا ما من الغاليـن فيهـا فقدنـا آمالنـا فيهـا قصـور وبساتيـن ...........غفلة ومن لوعاتها مـا استفدنـا الرابح اللي حط له في الموازيـن ...........خيرٍ لوجه الله الى مـن حشدنـا ويالله يا منزل تبـارك وياسيـن ............تحس ن خواتمنا الى جـاء وعدنـا الشاعر سيف بن محمد السهلي |
رد: الشاعر - سيف بن محمد الشنيفي السهلي ياعين لا تبكيـن فرقـا الحبايـب** يكفي شقا يا عين يكفـي غرابيـل اللي تنوحينـه مـن الجـو غايـب** وين أنت يا راعي الرموش المظاليل أنت الحبيب وعندي أغلا الحبايـب** منساك دام الحال يشتـد بـه حيـل إلا إليـا بنيـت علـي النصايـب** ورحلت عن دنيا العناء والبهاذيـل يالله عسى مهوب ذنـب وعقايـب** لا عين شافتهـم ولا بـه مراسيـل يا ريم في دنياي شفـت العجايـب** أرفق علينا جعلهـا لـك تساهيـل أقلوبنـا ماهيـب لعـب ونهايـب** الله عدل ما يقبـل الظلـم والميـل |
رد: الشاعر - سيف بن محمد الشنيفي السهلي
|
رد: الشاعر - سيف بن محمد الشنيفي السهلي من معالم ديرتي ذيك الهضاب ... مثل زعابة وما عنها جنوب خلقت الرحمن من فوق التراب ... حبها متمكن وسط القلوب جعل تسقيها مراويح السحاب ... ما حلا فيها ذعاذيع الهبوب موطن اجدادي وابي والكل غاب ... رحمتك يارب غفار الذنوب |
رد: الشاعر - سيف بن محمد الشنيفي السهلي يا هن مـا حسـك مـن الوقـت حسـاس=لا واهـنـيـك مـــا تـشـيــل الـهـمـومـي منتـه بمثلـي طيـلـة الـوقـت منـحـاس=الـوقــ ت متعـبـنـي واقـــوى عـزومــي لا قلت بدلـه دق فـي القلـب هوجـاس=ما غير اسوق الرجل وامشي واهومي ضيعت لـي حاجـة وحاجـة مـع النـاس=واخفيـت عــن بـعـض الاوادم علـومـي ما تنتعوض حاجتي صرت في أعمـاس=ضيعتـهـا ومــن عقبـهـا شــان نـومــي واخفيتـهـا عــن هــرج عــاذل وبـــلاس=عـامــ يــن تـــايـــه تــهــيــا لـــزومـــي وشطبت تشطيب القلم فوق قرطـاس=مــا فـــات مـــات وبـاقـيـات رسـومــي رسـم بنيتـه داخـل القلـب لــه ســاس=ساسه ذهب واهل الذهب له طمومي وصـارت ضلوعـي لـه حواجـز وحـراس=سـور يضـلـل عــن لهـيـب السمـومـي وان هـب مـن يـم العـرب ريـح نسنـاس=جرحـي تشمـم ثــم شـانـت حلـومـي وقامـت عيونـي تزعـج الدمـع منحـاس=ابكـي علـى الماضـي ولا احـد يلـومـي تـبـدل الـحـالـي مـــراره مـــن الـكــاس=مــر معلـقـم فـــوق كـبــدي يـزومــي ما ينجلي عندي له اشعـور واحسـاس=الابنـس ـم مــن حـــط قـلـبـي ثـلـومـي غــرو غـريـر اصغـيـر وعيـونـه انـعــاس=وشـعـر ه يغـطـي ضافـيـات الـهـدومـي كلـه دلــع ومــع الـدلـع مـالـه اجـنـاس=دايـــم يـــورد مـخـطـرات الـسـهـومـي اسم وجسم والصـدر نـوع مـن المـاس=ولا لــه شبـيـه الابـوســط النـجـومـي يا والله الـي حـط فـي القلـب وسـواس=واقـفــى وخـلانــي وقـلــت عـلـومــي |
رد: الشاعر - سيف بن محمد الشنيفي السهلي (العنــــــــــ ــــــووود)
دنياي تكويني على بارد الجوف = كية على كية تغير حياتي كني مع العربان لا اسمع ولا أشوف= اظلم سماي ونمت من غير ذاتي والقلب من صكات الأيام ملهوف = على عنود مطلبتها شفاتي بأسبابها قلبي عن البيض مصروف = ماله نظر في باقيات البناتي راعي جديل اشقر على الصدر ملفوف = يزيد حبه كل صبح ومباتي لا هوب عجل ولاهوب ملقوف = سبحان خلاقه حسين الصفاتي اليا ذكرته هلت العين مذروف = حسبي على الحساد صرنا شتاتي |
رد: الشاعر - سيف بن محمد الشنيفي السهلي |
رد: الشاعر - سيف بن محمد الشنيفي السهلي السلام عليكم ورحمة الله وبركاته هذه القصيدة لشاعر الرويضة سيف بن محمد السهلي القاها في مناسبة تشريف صاحب السمو الملكي الامير فيصل بن احمد بن عبدالعزيز وصاحب السمو الملكي الامير عبدالله بن فيصل بن عبدالله بن عبدالعزيز في زواج سيف بن محمد بن سيف بن نصار السهلي يوم الخميس 26 / 12 / 1431 هـ يا مرحبا حيا الله أصحاب الأمجاد == أهل الوفاء وأهل الكرم والشهامة حيا الله الأبطال وعيال الأسياد === أبطال وأبناء أبطال مجد وزعامة الحفل نور يا عريبين الأجداد ====ووجودكم يملا القلوب ابتسامة ليل حضرتوا فيه من ليل الأعياد === وتشريفكم لمناسبتنا كرامة والحب يجمعنا على كل ميعاد ==== معكم وفيكم للتواضع علامة أخلاقكم عليا ولا هيب تنحاد ===== والتربية تاثر على الاستقامة والنعم بالآباء ونعم بالأولاد ===== والكل منكم بين خال وعمامه أحرار وأبناء أحرار ضد للأضداد === العز منزلكم بذروة سنامه للخير قوامين للطيب رواد ===== أبناء ملوك محنكين بقرامه أملوكنا قادتنا درع وسناد ===== لنا وتاج للبلاد ووسامه وللمسلمين بوقتنا مثل الأوتاد == يسعون فى صف العرب والتمامه وافين لامنه هفا كل جحاد ==== تاريخهم يبقى ليوم القيامة واحمد بهالتعبير والمدح ينقاد === هذا الأمير اللى يزيد احترامه احمد ولد من وحد شعوب وبلاد== على ظهور الخيل والعدل أقامه واحمد ولد من قوم الشرع وأعاد === سنة محمد للبلاد ونظامه احمد ولد من حطم الشر واباد === مخالفات الشرع واروى حسامه واحمد ولد من هيبته امنها ساد ==== كل ينام ولا يكدر منامه عسى الاله اللى له الخلق سجاد ==== يجزيه بالجنة ويرفع مقامه واحمد مواقيفه قديمات واجداد ==== ما يلحقه طول الليالى ملامه حليل ما ينحال حلال عقاد ====== خصمه يموت ولا يحقق مرامه لا دارت الاحداث يرسى ويزداد=== قوة وعزما ولا يغير كلامه ليث وولد ليث ونظراته بعاد ===== الله يوفقه السعد والسلامة اليا ابتسم بلسم تعيش به الاكباد === واليا غضب موج يروع التطامه وبابه مشروع ما لاحد عنه رداد === هداج تيماء ما يخف ازدخامه واحمد ولد من وحد اشعوب وبلاد == على ظهور الخيل والعدل قامه وهذا الرابط لمن اراد مشاهدتها على اليوتيوب |
| الساعة الآن 07:14 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..