مجالس الرويضة لكل العرب - الشاعر - ناصر بن محمد بن حمر السهلي

ياراعي الشيهانة للشاعر ناصر بن حمر

هذه القصيدة غيض من فيض من قصائد الشاعر ناصر ابن حمر السهلي

كنت اسمع عنها ودائما مايرددونها في المجالس وحصلت عليها

ياراعي الشيهانة اللي على الكف
ياللي مضريها بصيـد الحبـاري
ما شفت لي بنت هدب عينها صف
منها على شيهانـةٍ لـك مـواري
من حققت بعيونهـا فيـه وقّـف
تكفى يابن نصار عجل المثـاري
وجدي عليها وجد قـرمٍ مكتـف
نادوا غريمه وازهبوا له اسواري
ثوّر عليه وفرّغ الخمس من كـف
ويقول قم بفلان ذيـب الغـداري
جاء العلم ابوه وقامت امه تلهّـف
طقوا خلا كل من الثوب عـاري
ركبوا خوانه فوق ستـة مـردف
وعدوا علـى ذبّاحتـه بالنهـاري
بانوا عليه وشاف بالعين واختـف
ومسكين ماله عن غثاهم مطـاري
وقعد عليه الطير الابرق يرفـرف
وفي المعركة تذري عليه الذواري