يالرويضة جعل يسقيك هتـاف المطـر=مردف المـزن والوبـل سيلـه عمهـا
عقب مدة مايشاف الخضار من الزهـر=والزبيـدي مستقـل مثـل روس المهـا
ديرتي مابور فيها ولـو شـان الدهـر=لو يشين الوقـت اسافـر وعـود يمهـا
لـو اروح ايـام ولا سنـة ولا شهـر=لازم اقـبـل نسانيسـهـا واشـمـهـا
اسمع الاخبار منهـا واراسلهـا الخبـر=همهـا همـي وهمـي تـراه يهمـهـا
ديرتي مابين مقطع سمـار مـن حمـر=وصفها بين ومعـروف ابوهـا وامهـا
من عصيل الى الغزيز اهلها بدو وحضر=حدهـا الحفنـة وجلعـوده ومايمـهـا
وحدها التنهات والشعب وجبال الحفـر=واستلمها عقب ابوها المخضـرم عمهـا
ديرت سهول اصيلين في بطـن وظهـر=احتموها في المخاطر وشربـو جمهـا
ماولاها غيرهـم زيـد ولا ابنـه عمـر=لحفوهـا اكمامهـم وألحفتهـم كمـهـا
نحمد الله و نشكره سادها نـور القمـر=وبمر رب البيت حكم السعـودي لمهـا

ياسيف سميـتك على عـودنـا سـيف
أبـي تســـوي بـالـمراجــل ســـواتـه

أبـي الـى جـوك أهل ألأنظى مناكيف
تــقـوم بالـواجــب وتـذكــروصـاتـه

وصاة جـدك ذبحـة الكـبش للضيف
ولـو زودوا فـيه الـثمن قـال هـاتـه

ورزقه على الي طايعته العواصيف
رب الـملـى ألـي معتـني في حياتـه

جاني خبر مفجع وهللت وايقنت = بأمر الاله اللي عليه اتكالي
وصكت علي اعبار صدري ووقفت = امسح ادموع(ن) مثل وبل الخيالي
في ماقفي ما عاد قدمت واخرت = تضايقني العبرات من فقد غالي
يغمى علي احيان واحيان سلمت = امري لمعبودي عزيز الجلالي
عزوني الاقراب وانا تطمنت = قدامهم وانا الله اعلم بحالي
ضاقت علي من كل صوب وتضايقت = ولاعاد لي عن حكمة الله مجالي
وعمي البصر مني ولا عاد فكرت = كني غريق(ن) يضربه كل جالي
وزهمت ابن فيحان اقول انت وين انت = جالي ظروف(ن) طاريات عجالي
يابو مناحي ذرب الايمان لاهنت = لعل يفدونك رخوم العيالي
وعز الله اني يوم عنزت عنزت = على جبل مهوب جال هيالي

نوقاتنى بينعدل في شمايلها = ونبي نعيد البداوه يوم شيبنى
الى ارمزت للحوير يوم نبهلها = ننسى تعبها ولوانها اتعبنى
وانتعب النفس نبي الي يجملها = ومعزت النفس دايم من مكاسبنا
وانساير الوقت والدنيا انحايلها = وهي تحيل علينا لين تغلبنى
تميل دايم علينا الله يعدلها = ونسج فيها وهي تخلف مشاربنى
اذا بغينا التجاره ما نعرف الها = وجمع الدراهم نكرم به شواربنى

اشوف ناس(ن) على التشجيع ماموره = كل(ن) يشجع على الهامش وهوماشي
والله والله مشجع لاعب الكوره = تشجيعنا للحرس والجيش يا ناشي
اللي فشقهم ينومس في الدجا نوره = وفي المعركه يرخصون الروح ببلاشي
مخباطهم يضرب المجرم على زوره = مابه مواعيد يصطا خصمهم كاشي
الى اعلن الحرب صف الجيش طابوره = اللي براسه دجر من فعلهم شاشي
اجنود في المعركه تحت امر اخو نوره = ابناء الوطن مابهم كندي ولاطاشي

ياتل قلبي تل غرب المجاذيب = اللي يسقي عاليات الفروعي
غرب(ن) تتله بالرشا الفطر الشيب = من صفقة الجيلان غاد(ن) مزوعي
اسهر وكاثرت(ن) علي الدواليب = والليل عندي راح كنه سبوعي
وصدري تزايد فيه حر اللواهيب = والقلب كنه من محله يفوعي
والدمع من عيني تنثر على الجيب = ومن كثر عبراتي بكبدي فلوعي
كني وحيد(ن) شاف ربعه مصاويب = اقفي عيونه غرقة بالدموعي
مغير اوسع خاطري بالهناديب = يوم(ن) ماحولي من الربع دوعي
بعض المرار اقنب كما يقنب الذيب = وبعض المرار اصبر ولوني جزوعي
قلته وانا يم اليمن بين اجانيب = حضارم(ن) واشكال من كل نوعي
قالوا وشنت وقلت من منبع الطيب = انا من الاد الظهيري ربوعي
ربعي سهول(ن) ينطحون المواجيب = اهل السيوف اللي تقص الضلوعي
الي ثنوا من دون حرش العراقيب = تزاهمو والكل منهم قطوعي
حوض المنايا ياردونه الى هيب = يدلهم غمر(ن) عزوم(ن) بتوعي
الا قالت الخفرات ذي حزت الطيب = وقامت تصيح وتنتخي للفزوعي
ثم مزع(ن) جيوبه(ن) الرعابيب = باعوا لعينا كل عذرا فروعي
ورجالهم له بالملاقي مظاريب = ويهوي هواية صيرمي(ن) شلوعي
الصيرمي الي الىصاب ماصيب = حر(ن) على جول الحباري بتوعي

من راح مع مسفر شريت المنيحه من راح مع مسفر = من راح مع شالح ماشرى شين من راح مع شالح
قلبه تقل ميت عسى الله يبيحه قلبه تقل ميت = يمشي وهو نايم وهو وين انا وين يمشي وهو نايم
قال استمع مني بجيك بنصيحه قال استمع مني = ان شاف له فاطر يقول اشتر الزين الى شاف له فاطر
مافزع على الصايح الي وحيت صحية مافزع على الصايح = مناعتي بين القساوات واللين مناعتي
واثبت الاقدام عن شبه طيحه اثبت الاقدام = امشي بعقل وراي مسمع مشرين امشي بعقل وراي

يا سيف كفي من اللوعات طول الوقت قاسي = عساه مالحقني منقود من يم القساوه
الوقت قسى ايدي وحسني واظهر نحاسي = ويحوسني حدر وقتي كل ما اشفي بالعلاوه
والي يدينه رقاقه ما يجي قلبه حساسي = ماغير في البيت عند امه مكف(ن) الشقاوه
مقلد(ن) العذارى بالشعور وباللباسي = خلا دروب الرجال ونافس اخته في البناوه
ياليت ربي يخلس المرجله منه اختلاسي = ورجل(ن) يعاف الخشونه مال مرجلته ظراوه
الخشن في حزة الضيقات والخفات راسي = يرسي الي بانت الخلات في بعض الجباوه
جبو(ن) لحومه كبار(ن) من فعوله في التباسي = يكثر الهرج في المجلس بلا فعل وبراوه
الي يجيب السوالف واجدات بلا قياسي = هذاك عند الرجال العارفين اسمه العاوه
الرجل صندوق مال الناس في قفله عساسي = صندوق مأمون مالحد(ن) على فتحه جراوه

يقول ما ينهض الطير من الارض الا الجناحين = ومن دون جنحان لو هو حرهمت به عليه
وترى طرات الحياة الواجب الي بين الآخوين = قضي اللزوم ومحبة القلب دام النفس حيه
ولا بد من حفرة(ن) يرجد على الرجل بالطين = ويحط له سبع لبنات ويجيه محاسيبه
ويقوم اخوه يتمنى شوفته فالقبر بعدين = ويقول انا مدري احسب متعة الدنيا مديه
ويقول يا ليتني واخوي فالدنيا مد يمين = اوليتني مت معه وميتتي عندي هنيه
ما عادلي بالحياه اشوف تالي الوقت تغبين = الموت عندي هو احسن من حياة المحقريه
ويروح وقته وهو مابين تسجيم(ن) وتحزين = ويقول الا واعضيدي يذكره صبح وعشيه
قلته ما بيلي من احد(ن) شكر(ن) اعلم بالقوانين = قلبي سلوم(ن) على الجدان يوم الجاهليه
ولانيب ابي احد(ن) يساعدني ولا يقضي معي دين = ولانيب ابي احد(ن) على ما قال يعطيني عطيه
هذا كلامي وانا مالي هدف والناس دارين = لكن ابيها تجي الرفقه على الغايه طريه
وصلاة ربي عدد حجاج بيت الله الملبين = على نبينا تقدم بالرساله للبريه

دخلت ابي السوق مير بلشت من دونه = امشي ورجلي ما عاد اشوف ما طاها
عشري غدت خمس ساعت شفت مزيونه = يوم انها عارضتني تقصر اخطاها
قلبي منول سليم وكثرة طعونه = قلت ارحميني اطعوني عندك ادواها
قالت تعرف الهواء والحب وشلونه ؟ = والله لزيدك اطعون(ن) ما تناساها
واقفيت اهندب وصدري باح مكنونه = وونيت لي ونة(ن) من حولي اوحاها
عز الله ان خنجر اهل الحب مسنونه = عزي لحال(ن) على السرجوف تلاها
تكفى يابن شري كبد العود مشحونه = يشوف له حاجت(ن) مهوب وياها

امش يا متعب بحكمات وشطاره = وكل رجل(ن) ترى راية طبيبه
والله اني شايف(ن) شوفة غياره = شوفت(ن) ماهيب يا متعب عجيبة
ما على بعض الشباب من الاشارة = لين يقطعها ويا قع في المصيبة
وما يشب النار ياكود الشرارة = قدحت(ن) وحده تخليها لهيبة
والضعيف ضعيف يمشي في دمارة = وكم صحيب(ن) بالغلط طاوع صحيبة
قال رح كان انت في راسك نعاره = موترك بطران طبلونه يجيبة
وانقلب في الخط ثم غطه غباره = ومن يشوفه قال ذي قلبه رهيبة
جاه ابوه وقال ذي والله الخساره = شاف نقع الدم في موتر حبيبه
وصار في صدره لواهيب وحرارة = وانقهر ثم غيب عنه وشق جيبه
يالبيب القلب خذ منها عباره = وامش مع درب الرجاجيل الآديبه
واعرف ان روحك معك مثل الاعاره = وان شبابك بيصير الصبح شيبه
لو يطير الشخص ما فاده طياره = ولبن ادم ما يحوش الا نصيبه

انا ودي امشي مير حار القدم ما سار = اناظر ثلاث(ن) مرن العود واشقنه
اناظر هنوف ناظرتني وانا محتار = جداي اتنهت والحق الونه الونه
الاواهنيك ما تولعت يا نصار = ولا شدن الخفرات قلبك وتلنه
وابوك اعلقن في كبده البيض مثل النار = تواقد حرارتها بعد ويتحدنه
عسى الله ينجيني من اللي نشن صغار = انا خاف قلبي تالي الوقت يشعنه
وانا ان مت والا مت تراي عند الجار = لكن سامحوه وجعل من مات للجنه

اقوله وانا يم الحدود اليمانيه = ورى ابرق عبيده داخل(ن) شقة الريان
وطيت اللغم وانا احمد اللي برج ليه = برج لي جليل العرش ومسير الانسان
على سقس وامشي في ديار(ن) خلاويه = مغير الهده بالقير وانطل له الصيجان
عليه اسطوانات(ن) من الغاز ممليه = وانا في ديار الخوف مافيه امن وامان
ولو بيتعطل شلحوه الحراميه = الى شفت هاف الة هله كلهم عدوان
سقا الله الى ما عاد الى يمهم نيه = ولا عاد يطري خاطري يمهم رجعان
وسقا الله الى مريت وادي الحصينيه = وسقا الله الى عارضني الخفر في نجران
وسقا الله الى مني دخلت السعوديه = بلد فيصل اللي يعطي الحق بالبرهان
ملكنا هو اللي فيه للشعب ماويه = عطوف(ن) راوف ابو(ن) للاطفال والشيبان
ولد حر واخوانه حرار(ن) نداويه = يفوزون حزات الرهق زوغة الاذهان
الا جي اشتباكن بين الاجواء والارضيه = تقدم بهم في ساحة المعركه سلطان
تقدم بجيش باللقا ينطح الهيه = قرومن نوادر حاملين لهم تيجان
على سباقات الصوت صفرو سماويه = يخوضون حوض الموت في غبة الميدان

يالله يا منشي المزون المزابير = يا موسوع(ن) الصدر عقب انحراجه
قلتله وصدري فيه منهج وتعبير = قام ايتزايد في الضمير انزعاجه
من عقب ما راحو هل القصر يا منير = ما عاد لي في جيت القصر حاجه
الا الى منهم نوو بالمحادير = وعقب الظلام القصر نور اسراجه
الى جاء ابو تركي فيه جالة نو اوير = والصدر عقب الضيق زاد انفراجه
شبل(ن) الى منهم نصوه المسايير = امباج صدره ما تعقد احجاجه
ينصاه من يشكي ليال المعاسير = وكمن مريض ساعده في علاجه
من لاذبه كنه على قمت النير = وذراه يذري عن لهيب وعجاجه
عبدالعزيز بن احمد ابن المناعير = جده عدل من كان فيه انعواجه
صقر الجزيره متعب الخيل والعيير = الى جالهن مع كل فج اندلاجه
والعج والبارود جاله معا صير = وكم شيخ قوم(ن) طاح قدمه ازناجه
وحكم وساد وصارو الناس في خير = كل(ن) مشى فالارض على مزاجه
وخلف شيوخ(ن) سمرو نجد تسمير= وركد وصفوا اماة عقب ارتجاجه
طالبك تسمح كان في القول تقصير = وعفوك يابو تركي على راس تاجه

يا مرحبا يابو تركي سيدي يالامير = واهل(ن) بفيصل عدد ما هل هتاف المطر
ابوكم احمد عزومه فوق قمة عسير = سلمـ(ن) لم سالمه وان زعل في راسه سطر
يامرحبا بالشيوخ احفاد شيخ(ن) كبير = احفاد حر(ن) تعلا فوق نجد وشهر
يالله لك الحمد ماله في بلاده خشير = حدد بلاده من الاردن الى دولة قطر
اتقدرون القصير تزبنون الجوير = والي يجيكم يبي الفزعات ما دونه عذر
اتصاحبون الصحيب وتجبرون الكسير = عدوكم تكسرونه كسر يبطي ما جبر
الى حان وقت اللزوم تعطرون الشطير = تخضبون السيوف الحدب بالدم الحمر
يا مرحبا مرحبا من خاطر مستثير = فرح بشوفة معازيبه وشوفت من حضر