|
الشاعر سيف بن مهنا السهلي هنا قصائد الشاعر سيف بن مهنا اّل عون السهلي |
رد: الشاعر سيف بن مهنا اّل عون السهلي
|
رد: الشاعر سيف بن مهنا اّل عون السهلي اسافر في بهى حسنك وأجـي لـو مـا تنادينـي انا والشوق واسراب القوافي كـل يـوم نجيـك يانور(ن) كل ما جنة همومـي جيـت تضوينـي على موج الخيال اروي ضمى قلب(ن) تولع فيـك وعلى موعد لقاء بيـن القلـوب احطـك بعينـي واهيمك في خيالي وانت تجذبنـي واقـول ابيـك ومـن بـرد اشتيايقـي انجبـر وامـد كفينـي واحس انه دفاء قلبـي اذا مـس البنـان يديـك وتذرف دمعـة العاشـق ويـزداد الولـه فينـي واقول الله حسيب الحض عيشني علـى ماضيـك وباعدنـا و شتتنـا وفيـنـي مــا يكفيـنـي وقطع حبل الوصال وجيت هايم من وله ساريـك بليل(ن) ما درى عن فرحتي بك غيـر جفنينـي دموع وشوق وامال(ن) وحظ(ن) عاثر(ن) يرثيك مثل ما كان قلبك مـن ولـه لاضـاق يسرينـي سريتك حس خافت فـي حنايـا خافقـي يبكيـك وسريتك حلـم خانتـه الليالـي والجفـا شينـي وضلوع تستغيث من الله وصالك علـى طاريـك وعلى رغم البعـاد وكسـرة الخاطـر يناجينـي خيالك واتمسك بـه وقـول الحـال ذا يرضيـك جفـا ياللأسـف والهـم مـن زوده يشقيـنـي برى قلب(ن)ضمى وصلك وكان من الوصل يرويك وضمى ياللأسف عـرق الغـلا مابينـك وبينـي وأناعايش على الذكرى ولا أدري لميـن اشكيـك |
رد: الشاعر سيف بن مهنا اّل عون السهلي لضى الهم في قلب المعنـى ترابعـه وكم ليل يجنح به ويخلـف روابعـه ويقطع مع الهاجوس تسعيـن غبـة" وتقبل وتقفي به ظنـون(ن) أتابعـه يلاوي به الدنيا على اليـن والقسـى ولامن غرس له غرس جفت منابعـه والى من تذكر ما مضى مـع تغيـره تضاحت طموحاته مع الناس كابعـه تمنع زمانـه لايجيلـه علـى الـذي تمنـى ونـاره فالمعاليـق قابـعـه أحاول ادله خاطـري كـل ماطـرى ولكن همـي معشبـات(ن) مرابعـه سبايـب وليـف زود الهـم بالبطـى وذا اليوم زاد سنينه السـت سابعـه انا ارجيه رجوى من رجوله تكسـرت ولا عاد ياطى لوعلى روس اصابعـه وخلي لسرحان الخلاء فـي مداهلـه ويصلاه حر الشمس والـدم طابعـه ويغضي بعينه كل ما هبهـا الهـوى وتكلا ومنها دمعـة المـوت نابعـه ودجى اليل يدني والضواري تحاوفـه وربعه نحت من خوف عنه متتابعـه وجودي مثل وجده على قـو لهفتـه مع الصد ثنتين وثـلاث(ن) ورابعـه على شوف من يسوى بعيني ويستوي غلاه الذي فيني هنـا القلـب لابعـه احبـه وامـاري وأتباهـا بجيـتـه ولا سعد عين(ن)من حلا الزين شابعه |
رد: الشاعر سيف بن مهنا اّل عون السهلي السد من غيضي على ما بدى بـاح لا تعتذر كم قلت كم قلـت مدمـوح تشابهت كـل الخسايـر والأربـاح لاعاد ترجي خاطر(ن) منك مجروح تو الوجـع يامتعبـي مابعـد راح وبكذب على نفسي الى قلت مسموح وان قلت لك مرتاح مانيب مرتـاح يضحك لك حجاجي وقلبي لك ينوح حملتني هم(ن) ولا هـوب منـزاح ادراه لكنه على الوجـه مفضـوح ما قلـت مابينـت والهـم فضـاح والناس تدري به ولو كنت مابـوح ما ضيك عندي كلـه الآم واشبـاح ماباقي الا تلحـق الحـال بالـروح ارخصتني ياللي على كـل ملـواح تومي بنفسك دون سبه ومصلـوح تو الغلا برقه على خافقـك ضـاح خلاص باب فراقنا صـار مفتـوح رح في طريقك وابد في كل مضواح الله ولا عشق(ن) به الخاطر يفـوح لابارك الله في الغـلا دام مـا لاح برق الوفاء والعز يبناله له صروح ولك كلمه عندي ولانيـب مرتـاح ألين تسمعهـا قبـل عنـك لاروح والله ان تذكرني مع الغير يا صـاح لاشفت بعد الفرق وتقـول مبـيـوح |
رد: الشاعر سيف بن مهنا اّل عون السهلي ( حـنــين الــود ) ماعاد به شـي يخفـى وأخفيـه ولافيه شي ينحكـى مـا حكيتـه خلاص ماينفع عتـاب ومشاريـه مادام ظني فيـك يامـن هويتـه مثل السحاب اللي تقافت مناشيـه عيني تتوق البارقـه مارتويتـه والحزن لو بانت بوجهي مواريه لاضاق به صدري لربي شكيتـه عساه يجبر قلبي اللـي هجرتيـه مثل السجين بوسط صدري حويته يا هاجره من شان مافات مريـه هذا رجا وانا الجفـا مـا هقيتـه مريه بحساسك وهدي وشوفيـه شوفي مكان الشوق وأركون بيته وشوفي حنين الود يشكي لماضيه وهذاك نبت مات لك مـا سقيتـه وشوفي هيال القصر عاليه واطيه تهايل اركونـه بعـد مـا بنيتـه ذاك الكيان اللي مشيـد وامانيـه بعدك سكنه الهم وأنـا رضيتـه وغصب علي ارضى وبقولك ليه لأني تمنيـت الوفـا مـا لقيتـه وانا ادري البعـد للحـي ينسيـه ومعاد ينفعني رجـا لـو رجيبـه وللحب جمـر توماذقـت صاليـه وياليتـي فـي دربكـم ماوطيتـه ادراه في نفسي واكنـه وأخفيـه لكن يفضحني وانـا مـا قويتـه |
رد: الشاعر سيف بن مهنا اّل عون السهلي ( في الذب عن الرسول صلى الله عليه وسلم ) يالله بدلها عـن العسـر بالليـن وسهل علينـا كايـدات الظروفـي يالله وانـا طالبـك يالله وآمـيـن بدل همومـي يالطيـف" عطوفـي الهم يلعب بي ليـا قـرت العيـن يجنح بقلبي جنحة اللـي تطوفـي لا فاد طـب ولا يفيـد المداويـن وأنت الرحيم اللي بخلقـه يروفـي مشكاي لك يالله انا أول وذلحيـن وأنت القوي اللي تعين الضعوفـي ياناصر" جنـدك بيثـرب وحطيـن هون هموما" في ضلوعي تلوفـي الياء انتصف ليلي غدى الليل ليلين والنوم لعيونـي حريبـا" عزوفـي لا تحسبونه عشق وأقول مخطيـن الهم في عشق الصبايـا حسوفـي وياليتها دينا" وأروح اقضي الدين والهـم يقطـع دابـره بالكفوفـي لاشك انا قلبـي تمرمـر بثنتيـن ثنتين للمؤمـن تجيـب الحتوفـي ألأوله رسـم اليهـود الملاعيـن بمسابقه حطـت وكـل" يشوفـي وسط الجرايد طالعتهـا الملاييـن ارسم نبي الله وهـات الظروفـي والثانيه شينه على مستوى الشين الأمه اللـي مـا تحـرك وقوفـي ما عاد بـه والله بكـره وبعديـن حرب" علينـا وأظربـوا للدفوفـي حنا هل النصره وحنـا السلاطيـن وأهل السيوف اللي تخل الكتوفـي ياخـادم البيتيـن فـج المياديـن وحنا جنود الله مـن دون خوفـي نبغى ندوس الكفر وأنذلهـم ليـن تبرى هموم"ساكنـه كـل جوفـي هذا النبي الهاشمي كـان ناسيـن الصادق المعصوم كمل الوصوفـي واللي بعثه اغلى من الروح والعين ولا جاء عليه السب ماعاد اشوفي يالله تخزيهم على ويـش ناويـن يالله شتتهـم بريحـا" عصـوفـي هـذا نبـي الله مبعـوث بالديـن دين السلام ودين عدل ونصوفـي والله لو ولفـت كتـب ودواويـن مدح لنبي الله فـلا هيـب توفـي لوقلت مثل البدر اشوفـه الزيـن ولو قلت مثل الشمس فيها خسوفي حبه ينور فـي قلـوب المصليـن نور" بلا خسف" ولا بـه كسوفـي فرسالته نـور ودليـل وبراهيـن شال الظلام وحـط كـل الحروفـي ثنتيـن ياقلبـي بحـد السكاكيـن ومالوم عيني لو تجافـت ذروفـي يالله تزينهـا برحمتـك وأتزيـن وأتوحد الأمه وترفـى الصفوفـي |
رد: الشاعر سيف بن مهنا اّل عون السهلي ( قصيده في محمد ابن عبدالرحمن ال حظان السهلي ) الموجود الان في فراش المستشفى وبحاجة دعائكم ياوجد قلبي وجد من عارضه شيـب شيخ كسر من عقب ما عجز وشاب غارو عليه القوم عقـب المغاريـب وخلوه رفقانـه وربعـه والاقـراب في ماقف دمه علـى شقـة الجيـب مهجاد ليل (ن) بين سابي وحـراب مما جراله يقظـب العلـم و يغيـب والدمع جار(ن) فوق خديـه سكـاب وجدي مثل وجده همـوم ومعازيـب والهم واحد والفـوارق بالأسبـاب وجدي على محمد وجود المصاويب وحزني عليه اكبرمن الحزن لاغاب لأنـه زبـون العاليـات المراقيـب حر(ن) عديم و للجمـالات كسـاب حاز المراجل كلها وأحتوى الطيـب وأمجمل (ن) مابين ربعه والاجنـاب كريم نفس ماذخـر شـي بالجيـب ومن طيب راسه ما بعد قفل البـاب للظيف عنـده وافايـات التراحيـب والعود الأزرق والشحم زود ترحاب اليا فزع ماهوب يرجـي مكاسيـب يارد وله بالورد قسمـه ومشـراب أقولها واللـي علـم خافـي الغيـب اني على فرقـاه بالحيـل منصـاب ويالله ياسامع دعاء العبد وامجيـب ياحـي يارحمـن يـاوال الأربـاب ياواحد(ن)تامر على الشمس وأتغيب وأتردها تشرق بعد ليـل واغيـاب يامنزل من السحب حلو المشاريـب وياملبس(ن) جرد الجراهيد الاعشاب ارجيك رجوى مابعد مـدك صعيـب يامعطي (ن) خلقك بلا من وحسـاب انك تمده بالشفـاء منـك وأيطيـب ياواحد راجيـك يعطـى ولا خـاب |
رد: الشاعر سيف بن مهنا اّل عون السهلي ( صواديف الايام ) لفيت وجهي عن صواديـف الايـام ومن غيري مدري بالحشى صوبتني وكنيت ما كنّوا من الحـزن الايتـام وعبايـرٍ زادت علـي واحرجتنـي و عدت سنين العمر واقـول قـدام واشيل ما شال الجمل فـوق متنـي ياسعود ضعنا في تباريـح واحـلام صديتهـا عنـي ولكـن حدتنـي!! ماعاد يفرق نقص مع زود الارقـام دام اليالـي عـن هنـاي ابعدتنـي ياما بقو البـاس قاومـت الاوهـام واذلهـا فـي داخلـي مـا قوتنـي لكن مدري وش خفا خـط الاقـلام مومن واشـوف ايامهـا جاوبتنـي هذي سنه وانا على الوجد من عام افرهـا فـر الـرحـا واتعبتـنـي طيحة جمل من طيحته مابعـد قـام ماهيـب سهلـه طيحتـه فاجعتنـي اليـا تذكرتـه يضيقـن الانـسـام وانهـت تنهـادت حزيـنٍ كوتنـي و يالله يالـي للمقـاديـر عــلام انت الرجا لا زرفلـت وازعجتنـي سود الجهام امفزعت كل مـن نـام تشتيتهـا بامـرك إليـا طاولتنـي |
رد: الشاعر سيف بن مهنا اّل عون السهلي ( ملامه وشرهات) ماعاد لك عندي ملامه وشرهـات مادامهـا صـده فـداك الملامـي ولو كان دورتك تراهـا سهـالات لانيب لا جايـع ولانيـب ضامـي الا اني اعدك مـن الـروح لـذات واسمك ينومسني مابين الاسامـي ومن عادتي لاشفت ماعفت بسكات اشوم لو قسمي فقـار السنامـي ولانيب من يندم على الطيب لافات شبحي بعيد وخطوتـي للأمامـي اشره على الطيب وأحفظ المقامات وانا احمد المولى رفيـع مقامـي وان لحقني من جور الايام صكات للي لابة" عند النوايـب حزامـي ومن صدت مانكثر عليه الحسوفات ولاهوب مفروض علينـا لزامـي سبع الأرضي تحت سبع السماوات ولا تضيق ابها الراجال الكرامـي اول مراسيلـي سـلام وتحيـات وأخر مراسيلي عليـك السلامـي |
رد: الشاعر سيف بن مهنا اّل عون السهلي ياشموخ العـز ياحظـرة جنابـه ياسمو _الطيب ولا الطيـب كلـه يارجال (ن ) كلكم عـز ومهابـه الوفا فيكم مـن المولـى جبلـه يام يايام الظفـر جيـد وصلابـه طيبكم لناس غـدران(ن) واظلـه هام قافـي بالنشامـى لا غرابـه وستوى بدعه وطاب اليوم هلـه لو تجيلك ياميـا وأ طـق بابـه يفتدي بالمال لـك دقـه وجلـه كل يامي خلقت الله مـن شبابـه يزهد بنفسـه ولا يرجـع بذلـه فزعت اليامي تجي مثل السحابـه كل ضامي مرته جـود(ن) تعلـه ولا يشادي ضول يام الا الذيابـه ولا نزف المدح من دون الادلـه طيبهم من سالف عصور الصحابه شي كايد و القليل الي وصل لـه من نصاهـم مستضيقـان ثيابـه والله ان يضحك حاجـه ويتدلـه قالها اللي لا تعـزوا جـاه لابـه ترتكي للحمـل والكايـد تشلـه السهول الـي معاديهـم عذابـه للموالي ريـف والأضـداد علـه وكل خلـق الله بعيديـن وقرابـه كسبهـم مافيـه مـن ولا نزلـه |
رد: الشاعر سيف بن مهنا اّل عون السهلي \ / \ ياعل نفس(ن)ما تشوم أمن الزهايـد للعـدام وياعل نفس(ن)ماتصـد المخطيـه يرثابهـا ياهيـه لا لا تعتـذر ولا تجامـل بالـكـلام واجب علـي اردهـا والحـق لـك تبلابهـا غررك وقتك والحقيقه ما علـى مثلـك مـلام مـدام زلاتـك كثـار ولا تحسـت حسابهـا ما ندمـح الا لرفيـق ولا نحشـم الا الكـرام اما انت مردوده ومركي(ن) علـى مظرابهـا لا صابت الكبد النشاش اجزها جـز الحسـام وتبطـي وراعيهـا يـدور طبهـا وطبابهـا انا كسبت الاولـه والثانيـه روس السهـام وجهتها والله يبـارك فـي جميـع اسبابهـا اشيل ماشال الجمل واقلـط مقاليـط الحشـام واصد ماصـد الجبـل والناقصـه مرضابهـا مانيب لاش(ن) لاتلاقى الجمع واشتد الزحـام اتحير خطواتـه وهرجـة خاطـره ماجابهـا خلك علـى مركابنـا طمـان يمـال الرحـام نفس الردي بتموت وجعـه ماقـدر يرقابهـا ومن بال راهي ما يفيض الا على سمعك شمام ماهي هروج بالقفـى قـدام وانـت اولابهـا الهقـوه اللـي مـا تلـوح للثريـا والغمـام ترب علـى لحيـة معزبهـا وجـز اشنابهـا والقبه اللي ما تنومـس يـا عساهـا للهدام هذا الصحيح وفضهـا سيـره وقفـل بابهـا |
| الساعة الآن 01:35 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..
