|
الشاعر المرحوم عبدالله بن سيف السهلي(ابوسعود) هنا قصائد المرحوم الشاعر عبد الله بن سعود بن سيف بن طهيف السهلي (ابوسعود) |
رد: الشاعر المرحوم عبدالله بن سيف السهلي(ابوسعود) شباب السهول أهل الكرم والشرف والجود *** أماريبهـم ولاأستمـع كــل عـذالـي بعيد عـن الزلـه بعيـد عـن المنقـود *** هل المعرفه والطيب والمستـوى العالـي شباب الحميـة والمكـارم بخيـر وزود *** عسى الله يوفقهم على حسـن الأعمالـي لقينا بهـم طيـب الأوائـل ورث جـدود *** لهم في سنـام المجـد والعـز منزالـي أهل مرحبابالضيف والعالنـي المحـدود *** يشيلون حمل الهـم عـن طيـب الفالـي وأنا أشهد ولا يحتـاج للطيبيـن شهـود *** أهلهـم نجـوم الليـل حمايـة التـالـي وياالله يـارب المخاليـق يـا المعبـود *** مسير سفينة نوح فـي بحـر الأهوالـي وتجنبهـم الـزلات وتحقـح المقصـود *** وخيرٍعلـى الأدنيـن والعـم والخالـي ومشينا تحت خضر البيارق مع ال سعود *** ليـا عسكـر الدخـان والـدم شـلالـي وحنا لهم طول المسيـرة سنـد وجنـود *** نصون العهد ونرخص الروح والغالـي وهم درعنا الظافي وهم نصرة المضهود *** هل العدل والانصاف ماضين الأفعالـي وكل القبائل والحمائـل سنـد وعضـود *** تحت راية الإسلام فـي دبـرة الوالـي وعدد مايلوح البـرق وإلاتهـب النـود *** صلوا علـى المختـار ماهـل همالـي |
رد: الشاعر المرحوم عبدالله بن سيف السهلي(ابوسعود) هذه الأبيات من عرض قصيدة طويلة في مدح قبيلته قالها وهو في شبابه: ولا نيب لأفعـال المناعيـر جحـاد ربعي سهـول يخلصّـون النشايـب تاريخهم معروف طـولات وأمجـاد والله ما يرضـون جـور وغلايـب يا الله بنـو ٍ فيـه بـارق ورعـاد عقـب الريـاح العاتيـة والهبايـب يضفي على دارٍ بها عـاش الأجـداد في العرض والعارض أخوان وقرايب جنود لآل سعود فـي سلـم وجهـاد أهل ولا وإخـلاص شبـلٍ وشايـب والموت ماهو عند مبغـض وحسـاد والرزق من جزل العطاء والوهايـب وبعض العرب متغطرس وعلة أكباد ما هو أمير ولا على النـاس نايـب |
رد: الشاعر المرحوم عبدالله بن سيف السهلي(ابوسعود) قال رحمه الله بعدما كثر مدعي الشعر في كل مكان معبراً عن ذلك الواقع المؤسف: الشعر كنـزٍ فـي صـدور الصناديـد ............... ..........ناسٍ تجيـد الشعـر وتبعـد الرمـس والشعر له هاوي وراوي ولـه عيـد ............... ...........ما هوب شعر اللي طمس رونقه طمس والشعر يقنص له كما يقنص الصيـد ............... ..........وناسٍ تحب البن ما تعـرف الحمـس ويرددونه بعض الأجـواد تـرد يـد ............... ............درس أمس واللي قبله وقبل قبل أمس وأكثـر مجلاتـه تقلـد علـى الغيـد ............... .......سوالفٍ ما تنفـع الضـرم والعمـس وشعـر الجزالـة للرجـال الأماجيـد ............... ............ما يقدره سـارق ولا يقـدره نمـس وأهـل الحداثـة والميوعـة ملابيـد ............... ............لله يكنسهـم عـن المجتمـع كنـس وبعض البرامج جاملت زيـد وعبيـد ............... .........مقطع الأربـع مـع مقطـع الخمـس أحـدٍ يخلـونـه يـجـدد مواعـيـد ............... .........وأحدٍ يمرونه على الجيـب والجمـس وأستثنـي الطيـب ولا فيـه تحديـد ............... .........يفدونه أهل الهمس والربع والخمـس ويا أعلامنا الشعبي نبي منك تجديـد ............... ......وش فايدتنا من هل الهلس واللمـس |
رد: الشاعر المرحوم عبدالله بن سيف السهلي(ابوسعود) محاوره قويه بين عبدلله بن سيف ( ابوسعود) والشاعر / صياف الحربي رحمهم الله جميعا ً واسكنهم فسيح جناته , امين 1408هـ اي قبل 23 سنه http://www.youtube.com/watch?v=q7Wd5...layer_embedded |
| الساعة الآن 12:51 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..