|
الشاعر محمد بن محسن (الدرم ) رحمه الله هنا مدونة خاصة بقصائد الشاعر المرحوم محمد بن محسن (الدرم ) وعلى من يعرف شيئا من قصائده وضعها هنا بشرط ان تكون كاملة ويمنع الرد من قبل الاعضاء وهذا يسري على جميع المدونات لشعراء الرويضة وماجاورها |
رد: الشاعر محمد بن محسن (الدرم ) رحمه الله بسم الله الرحمن الرحيم بنت ماحطيت لصدوغي وسـاده ............... .......واتوخر كل ماأنكف الضلالـي ولاخذيت النوم في المشراق عاده ............... ........أطرد العيشه وأبي مكسب حلالي فوق أخو فلفا وأكمل له عتـاده ............... ......محتسي فيه الأوانـي والدلالـي في مشاهي نجد وأمشي في براده ............... ........وكل ماهب الهوى ينساح بالـي والفتى وان كان مايغلـي بـلاده ............... ........مايجي في ديرة الأجواد غالـي حالفن ماأرضى لنفسي بالزهـاده ............... .........زال ماحطيت في قبـرن هيالـي من مدارس بول حصلت الشهاده ............... ..............ق بل دله يفتحـون الهـا مجالـي أشتغل وأخـذ بيمنـاي الزيـاده ............... ........ولا خضعت لمشرفن مثل النعالي ولا طلبت مساعدة صاحب سعاده ............... .............ول ا طلبت معاونة صاحب معالي أطلب اللي رحمته تشمل عبـاده ............... ............... .كافـل الأرزاق يعلـم مابحالـي ربي اللي يرزق عيـال الجـراده ............... ..............ل ا رمتهم فالخلا من غير والـي الدرم رحمه الله تعالى |
رد: الشاعر محمد بن محسن (الدرم ) رحمه الله ((الشيب)) ياوالله اللي ضلهب الشيب راسي وطاحت سنوني كلها والثنايا ماعاد امد الشوف فوقه عماسي احط زول المودماني شغايا أقفى شبابي وانقطع منه ياسي وعودت ابي رحمة جزيل العطايا فوقي ذنوب يازنن الرواسي وصحايف اليسرى عليها ملايا اطا الذنوب عماد مانيب ناسي والشاهد الله واعترف بالخطايا |
رد: الشاعر محمد بن محسن (الدرم ) رحمه الله هذي القصيده محمد بن سليمان المحسن رحمه الله عليه تحكي عن معانة لما اصابه المرض وكان وقت عيد ولم يستطع الخروج من المنزل اتركم مع القصيده البارحه يوم نص الليل راح ونص ما راح وردن علي الهواجيس الطوال وبهذلني مغير ادير الروابع لين جا فلاج الاصباح نـــوج يقفن هواجيسي ونـــوجٍ يقبلني مالي جدا الا التنهت والعرب في عيد وافراح ودموع عيني على مقدم اخدودي يذرفني فوقي من الضيم حمل باهض ماهوب ينزاح اثقل من البيضتين وضلع تيماء والحذني ماينهضه حيلي اللي من صواديف الدهر طاح انوض مير العظام من المرض ماينهضني نوب اعرقي على راسي ونوب عند جراح من بين طب الخوارج والعرب ضيعت ضني يالله يالواحد المعبود ياخلاق الارواح عطني من العافيه واكشف جميع الضر مني لين اتواسى على العدلات متعافي ومرتاح حتى اجنب عن وجه البخيل اللي يمني |
رد: الشاعر محمد بن محسن (الدرم ) رحمه الله معاناته من مرض الغرغرينه الذي اصاب رجله في أواخر حياته يارجـلـي الـلــي صـابـهـا غرغـريـنـه ............... ...........بالص ـبـر اعالـجـهـا وعـيــت تطـيـبـي راحـت ادقاقـه عقـب ماهـي متيـنـه ............... ..........وعقب الشباب الزيـن ياكثـر شيبـي الشـيـب اعـرفـه والـعـرب عارفـيـنـه ............... ...........ومن عقـب التسعيـن مالـه طبيبـي ياقـلـب يالـلـي يـبـس مــوزه وتيـنـه ............... .........عقب المطر والسيل يبست قليبـي مـن يــوم خلـيـت الشـفـا والمديـنـه ............... ...........وناي ـف مسـهـل كــل دربــاً صعيـبـي الـلـي حـمـى ملـكـه وربـعـه وديـنـه ............... .........الطيـب فيـه ومـاخـذن كــل طيـبـي كـــل الـمــلا ومـلـوكـهـم عـارفـيـنـه ............... ...........ومــ ع الـرجـال مطـوعـيـن الحـريـبـي يـاكـثــر مــالـــن يـدفـعـنــه يـديــنــه ............... ......والله يـقـود لــه الـرجــاء والنصـيـبـي جـــده وبـــوه وخــالــه مشجـعـيـنـه ............... ..........حـطـو ه شـمـس نـورهــا ماتغـيـبـي وليـا شـرع فـي الهـرج يختـار زيـنـه ............... ..........واحلى من السكر وصافي الحليبي |
رد: الشاعر محمد بن محسن (الدرم ) رحمه الله ياعيـن هلـي دموعـك ياشقـاويـه ............... .........وابكي على جـادل بالحـب عنانـي تعبري كـل صبـح وكـل عصريـه ............... ..........لين الفلك يستديـر وينقضـي شانـي حيل الله اقوى تكسـر عبرتـي فيـه ............... .............وا لوصل مقطوع والموت الحمر جاني ياوجد روحي على المرواح والجيـة ............... ............... .واخاف من واحـد بالهـرج يقفانـي ميـلاف والقلـب تشعـاه السنافـيـة ............... ...........شعية قطيع شعوهن ركـب كرزانـي اقفو عليهـن باهـل تسعيـن منقيـة ............... .......مع مربع(ن) ما يجيه الذيـب سرحانـي تقاسمـوا جلهـن حمـايـة الهـيـة ............... ..........ومفـر ق ولفهـن تركـي وسلطانـي على هنوف لها فـي البيـض ماريـة ............... ...........ماوق فـت تلتفـت لفـلان وافـلانـي ياعيـن شيهانـة ماهيـب وكـريـة ............... .............او مى لها بالعشا رجـال ابـن ثانـي العنق عنق الغـزال الحـذر وادميـة ............... ..............ا قفت مع الصبح يم هضـاب بسيانـي |
رد: الشاعر محمد بن محسن (الدرم ) رحمه الله قصيدته في مدح صاحب السمو الملكي ولي العهد ووزير الدفاع والطيران سلطان بن عبد العزيز ال سعود حفظه الله عزالله ان سـلطان سـلطان سـلطان .. اللي على المخـطي يسوق المغيره قائد اسطول الحرب في كل ميدان .. معمــي مـفتحت الـعيون البــصيره حـرٍ عليه اوصـاف جـده غــــزالان .. على النقى ما صار في الطيب غيره ينقل على متنه نـجومٍ وتـيجان .. ورمــاح ورهــاف السـيوف الشـقيره مهوب يمشي على غير بـرهان .. دون الخـطر مــهوب رجــله قـصيــره في مجلسٍ مغير احاديث واقران .. ومــبشـــر بالـــعـز واللـه بشـــيره يفرح به اللي حده الوقت فقران .. يــاكثر مـا يعــطي ويـا كثر خيره هداج تيماء يارده كل ضميان .. مروي الكبود السود صافي غديره من كثر خيره لاعنن كل شيطان .. ومــوســعٍ كل الـدروب الصـــغيره ما هوب لا حاسد ولا هوب منان .. الخـــير منـــه وفيه خيرٍ وخيــــره ومن طيب حظه يتبعه كل ديان .. وصيته ظهر في كل دولـه وديره وصلاة ربي كل ما هل ودان .. على الرسـول اللي ينومس مسـيره |
رد: الشاعر محمد بن محسن (الدرم ) رحمه الله يالله يالله يا منشي المزون اللي مطرها حقوق يا منزل الغيث من عندك تغيث الناس باوطانها في ليلة ينعش المسنين زلزال الرعد والبروق والصبح سيله على التنهات مل كل ريضانها من باب جدة إلى ساحل عمان أرقاب مزنه تسوق متراكم السحاب وضارب القاع ربانها من حد الأردن إلى حد اليمن مافي خياله فتوق ينثر قراح الغدير اللي يعل العشب ودانها جعله على الدولة اللي عند اهلها ما تضيع الحقوق من عدل حكامها حدب السيوف احما لميزانها حكامها نسل اخو نورة ذرى الخايف مخلى الطروق ما جابت البيض مثله فوق الارض وكثر سكانها اللي مشى بالسريا مر حدر وبعض الأمرار فوق والليل مثل النهار مخلين ريمات بأرسانها |
رد: الشاعر محمد بن محسن (الدرم ) رحمه الله يا صرم قلبي من الفرقا وطول الهجر صرماه ............... ............... ........كما تصرم نبانيب الهشيم البالياتي في وادي ماخذ تسعين عام السيل ما جاه ............... ............... ........على جنابه كثيب الرمل كن مزعلاتي ولا والله اللي تهشم حجر عيني وانتثر ماه ............... ............... .من كثر ما ابكي على راع الثمان المرهفاتي لا جيت فالشارع اللي يدهله خلي وياطاه ............... ............... ......يا كثر لثة قدم رجلي ويا كثر التفاتي مغير اسوق القدم ولا يطاوعني بممشاه ............... ............... ......كنه يجر الحديد اللي حلاقه مبهماتي الحب يخلف سليم العقل الين يضيع ارياه ............... ............... .....يجلب عليه الروابع لين يعذر فالحياتي والله ما لي جدا إلا كل ما قمت اتمناه ............... ............... ..واقنب قنيب اشهب الذرعان فيام الاشاتي خليتني يا وزين الروح مثل مقيط ورشاه ............... ............... .......تقطعت بي حبال الوارده والصادراتي واصبر على شري الخافي واغط العلم وأكناه ............... ............... ....من قل ما في يدي والناس تفرح بالشماتي والله ما خبر الرفيق اللي يعرف الحال ونصاه ............... ............... ......الا أبو سلطان عاداته يحوش الطايلاتي واشكي على اللي يحوش المدح والطول بيمناه ............... ............... .......ولد سعود الكبير اللي يطوع كل عاتي |
رد: الشاعر محمد بن محسن (الدرم ) رحمه الله انا هالزمان مهون من هـوى فطـوم ............... .......سمح خاطري مابي عيونـي تخايلهـا لا ياقلب بنت الناس ماني بها ملـزوم ............... ......ولا هيب من نجعي ولا مـن قبايلهـا اناشف بالي جـادل جنسهـا معـدوم ............... ......تنثر علـى حـد الردايـف جدايلهـا مداهيلها نجد العذية سهـل وحـزوم ............... ......هضاب المـدارة كـل يـوم تـظللها طمعها براسي ماتبي اللي يعبي نـوم ............... .....نظيف المقاطـع كـل يـوم يغسلهـا ْينام الضحى والليل يسري به الجاثوم ............... .....يشجع هل السهرة ويصبـح مقابلهـا وانا فوق وارد بون حالي كما المسقوم ............... .....على رقمـي النجـدة تكلـم باناتلهـا الي جيت عند الضابط اللي عليه نجوم ............... .....تعذرت منه وهرجة الصـدق يقبلهـا اودي علوم للنشامـا واجيـب علـوم ............... .....وشنق هضبة الجولان فالحرب واصلها الا ياوجودي وجد من جودوه الـروم ............... .....ضعيف توامـى فـي يدينـه صناقلهـا والا ياوجودى وجد من صوبوه القوم ............... ....ضرب ركبته مخباط مـاص محولهـا وقعد والطيور الجايعة يدرجن الحـوم ............... ....وشهب الذيابة تسحبه فـي مداحلهـا |
رد: الشاعر محمد بن محسن (الدرم ) رحمه الله وقـد رافق <الدرم> رحمه اللـه صـاحب السمو الملكي الامير ( نايف بن عبدالعزيز آل سعود) حفظه الله في الكثيـر من رحـلات الصيد خارج الوطن وكان له العديد من القصائد الوطنية الرائعة ، دفاعاً عن الوطن وفي الذود للنيل منه ومن حكامه . ومنهـا هذه القصيدة التي يقول فيها : قـول مـن يشفـق علـى زيـن الأشـعـار ..وبالعقـل يازنهـا عـن النـقـص والــزود مـن شـان لا عرضـت علـى كـل بيطـار..مــاعــ اد يلـحـقـنـي مــلامــه ومـنـقــود الى ان قال ولاعمـسـت الاريـــا وقـلــنّ الاشـــوار ..الـشـور عـنــد مـعــرب الـجــد مـاجــود الله يــحــرم والـديــنــه عـــــن الــنـــار..ويع طـي محمـد طـولـة العـمـر وسـعـود نايـف ولـد مـروي شـبـا السـيـف بـتـار..عبـد العزيـز اللـي خـذا الحـكـم بالـكـود طلع من المشرق علـى هجـن وامهـار..غير الصعب والطوع عـاري ومشـدود وخـذ مـلـك ابــوه وخــذ لجـدانـه الـثـار..وخـلا الديـار اســلام وسـهـود ومـهـود وكـان للشـاعرة المعروفه" الغيوض " مجاراة لهـذه الابيـات وهي قصيده طويله ومنها: ساعة قريت اليوم لي عـدة اسطـار..من شعر شفتـه بالمجـلات مرصـود جلسـت اعيـد قرايـة الشـعـر تـكـرار..حيثـه يمـدح معـرب الـخـال وجــدود في مدح من له بالشرف والفخر كـار..ساس المكارم من على عصـر داود يـا الـدرم لونـمـلا الجـرايـد بالأشـعـار..في مدح نايـف منبـع الفخـر والجـود مـا ندركـه يـالـدرم لــو صــار مـاصـار..لو نعمل بسـاط مـن الشعـر ممـدود نقطة مطر يالدرم في عمق الأبحـار..مـحـا ل مــا يصـبـح لـهـا بالبـحـر زود ونايـف بحـر ماترفعـه رشــة امـطـار..ولا تنقصه فـي حالـة المـوج وركـود الى ان قالت : غيـث لكـل الشعـب يـا الـدرم مــدرار شي عليه اثبـوت يـا الـدرم وشهـود ابـن العريـب اللـي لـه النـاس تخـتـار عبدالعزيز اللي على الطيب محسود عبدالعزيـز اللـي علـى ايتـام وصغـار يعطف وعطفـه عـم للطفـل والعـود عبدالعزيـز اللـي علـى صغـار وكـبـار ينفـق وساعـه راح يـا الـدرم مفقـود |
رد: الشاعر محمد بن محسن (الدرم ) رحمه الله انا اليا شفت السحـاب يتراكـب اقـول جعلـه ينتحـي لنقيـعـي جعله على دار اريش العين ينصب الصيف والوسمي وكل الربيعـي مزن سقا ديرة منيره علـى غـب كـن الطهابـه غيتـران رتيعـي ياليت ابوي وجد جدي من اكلـب شقيق ابن وطبـان ولـد المنيعـي قرم ولد قـرم شجـاع مجـرب من لابة يـروون حـد الوريعـي حتى الامن جيـت بيتـه مجنـب البيت واحـد والرعايـا جميعـي مشي الفتى مع لابته ما يعـذرب ومشيه مع الاجناب عيب شنيعـي يالايمي جعله على الصدر يضرب عساه مخباط الضريـف الوقيعـي يقعد له اللـي بندقـه مـا تكـذب ويحـط زوره للمخابيـط ريعـي وجدي عليهم وجد من طاح وانكب وتهبده راع الحصـان الصنيعـي صـم الحوافـر تدهكـه ويتقلـب يامادعاه سحيـق مثـل الوشيعـي |
رد: الشاعر محمد بن محسن (الدرم ) رحمه الله أنا احمد الله راس مالي عباتي والبس زرابيلي وادبر مع الريع ومن سالني ويش الخبر والسواتي قلت الدبا في زرع ربعي مشاريع ومن قب ما هو زاهي في النباتي جاه الدبا الكتفان عجل سواريع |
رد: الشاعر محمد بن محسن (الدرم ) رحمه الله وقال مخاطباً سيارته وهي من الفورد القديم : يا موتري لو أنت كفو استمـارة ***** قصيت لك باصات وألواح وامرور لكن والله إنك مواري خـسارة ******تبي تبهذلني وأنا منك مخـــطور واردى لعينك تسعين شــارة ***** كحيان ومبوش ولا فيك مــاطور فأجابته السيارة قائلةً: أنته تحرث للردى والجحارة ***** وأنته تبهذلني وأنا أصبر على الجــور حتى النفود أرقيتني مع زباره ***** جبت الحطب لك من ورا دمخ وغرور |
رد: الشاعر محمد بن محسن (الدرم ) رحمه الله يالله ياللي كــل شي بقـدرته **** يابا العطايا اللي جــزال وهايبه ياباعث خـلقه نهـــار القيامه ****وكل عــن أعماله وفعله تحاسبه ياوامر صرصر على قـوم صـالح **** ثمان ليال مــــذريات هبايبه يامفنيٍ شــداد ماطــب جنته **** ومـرت عليه الرمل تبني كثايبه يا مخرج ذا النون مـن بطن حوته **** ودونه غزير الموج تصفق جوانبه يا منجي يوسف من الذيب والجب **** وعقب البطا لبوه يعقـوب جايبه يا معــرقٍ فرعون وعصاة قومه **** ويا منجي موسى ومخـلص نشايبه |
رد: الشاعر محمد بن محسن (الدرم ) رحمه الله إلى كسبت الشرف والعافية فالـرزق مضمون **** الموت لاجا إبن آدم ماأحد يقدر يرده ياما خذا الموت من طيب ومن صاحي ومجنون **** والأنبياء والملوك ومن تهرب عنه شده المال لو هـو يفك مــن المنايا فك قـارون **** اللي حلاله يبهذل كـل حسابٍ يعده |
رد: الشاعر محمد بن محسن (الدرم ) رحمه الله (اطلق شبح يابو فيصل من قوعـدهــا) قصيدة للشاعر الدرم أيام حرب الخليج اللي قال فيها رحمه الله ::: ( ولفت عليه الحبال ) جميع تخطيط أبو فيصل نئيدهــا ........ونرص له المـال والأرواح ونفــادي فهد بطل دولة الاسلام قايد هـــا .......حامــي الحرمـين بالبتــــار جــــلادي وقــف مع دولــة هـدام شردهـــا .......وفــرلهـ ا المـال والاسـكان والزادي كل العرب في مشاكلهـا يساعـدهـا .....يحل عنهـا المصا عـب سلـم وعـنـادي فهد وقف دون جابرهــا وزايدهــا ......نادى ولـبى الــندا شـجعــان الاولادي اهــل الحرايب ذيابة نجـــد جندهــا .....يردون حوض الخطر مثل بن شـدادي الله يســدد خطــــاه الله يســددهـــا .....والله يعيينــه على هــدام بغــــــدادي يعطيــه ضربـــة جزا قدام موعدهــا .......كلــه عـلشانه اللي بالخطــا بادي اطلق شبح يابو فيصل من قوعـدهــا .....عن بيت هـدام ماللضــــــرب ردادي خل الصواريخ تالي الليــل ترجـدهــا ....ما عـاد له فوق سطح الارض مقعادي متلحـف النجـــاسـه ومتوسـدهــا .....خاين وخان العرب ملعــون الاسيــادي صبح رجـال تصلي في مساجدهـا ......ومن اللـعانـة نسى معروف الاجـوادي يوم الخميني ولا جنــده وشردهــا .....جـاء لبو فيصل يصيح صـياح وينـادي وشال المحـن عنه هينهـا وكايدهــا .....من الجزيرة جلب ضبــاط وافــرادي ومدينــة الفـــاو طورهــا وشيدهــا ........ودفــع لهــدام مال مالـــه عدادي وجميــع ما صرف للملعون يجحدهــا .......متوفر فيـــه كذب شرك والحـادي فا ســد وحــول على البصرة وفسدهــا .....راحـت مغا ريب عقب المسك والكـادي كل الدول من عمى راية يهددهــا .......ولا عنـده اللي يرد الضايع الغـادي ودروبه اللي تجي يمه مسددهـــا ......مايا صله مثل حرب ايران الامـدادي ولفت عليـــه الحبــــال اللي يعقدهــا ....هو يحسب أخوان نوره مثل الاكـرادي |
رد: الشاعر محمد بن محسن (الدرم ) رحمه الله |
رد: الشاعر محمد بن محسن (الدرم ) رحمه الله هذا الرابط حق (امجاد السهول) بسم الله الرحمن الرحيم السلام عليكم ورحمة الله وبركاته يقول الراوي ياساده ياكرام 7 7 7 7 هذا واحد من الشعراء شاعر معاصر له قصائد جميله في الغزل وسوالفه زينة وذربه , وهو راعي سيارة وهذي السيارة من السيارات الكبار كان يجلب عليها غنم يجيبهن مثلا من جدة يوديهن للدمام يبيع ويشتري ويترزق الله ويوم جا مرة من المرات ولا هو محمل هالغنم من المينا وما شاء الله عليه ما يكل ولا يمل من طول الخط يمشي على راحته والين تعب وقف ونام واستراح وصلح غداه وجمع حطب وصلح له شاهي في بريق معدن هاك الشاهي الناقع اللي طعمه يقعد الراس ريحته وشكله لانه مصلح على حطب (ما ودك الا تذوقه الحاصل ان هالرجال وسيع صدر الى منه مشي وصار الخط مستمر والاه يغني في الدرب وهو ماشي بقصيدة عاد هو راعي هوى ويقول .. ياعيـــن هلــي دمــوعك ياشقاويـــه * * * وابـــــكي على جـــادل بالحب عنانــــي تعبــــري كــل صبـح وكـل عصريـــه * * * لين الفلك يستديــر وينقضـــي شانــــي حيل الله اقــوى تكسر عبرتــي فيــه * * * والوصل مقطوع والمـــوت الحمر جانــــي ياوجد روحــي على المرواح والجيــة * * * واخــاف من واحــــد بالهـــرج يقفانــــي ميـــلاف والقلب تشعــاه السنافيـــــة * * * شعيـــة قطيع شعـــوهن ركب كرزانــــي اقفـو عليهن باهـــل تسعين منقيــــة * * * مع مربـــاع ما يجيــــه الذيب سرحانـــي تقاسمــــوا جلهــن حمايـــة الهيــــــة * * * ومفـــرق ولفهــن تركــــي وسلطانـــــي على هنوف لها في البيــض ماريـــــة * * * مــــاوقفــت تلتــفــت لفـــلان وافلانــــي ياعيـــن شيهانـة ماهيـــب وكريـــــة * * * اومــى لها بالعشـــا رجــال ابن ثانـــــي العنــق عنـق الغزال الحـــذر وادميـــة * * * اقفت مع الصبـــح يم هضــاب بسيانـــي هذي من قصايده الجميلة الغزلية وراح مستمر في خطه يمشي يوم وصل مع العصر لرجال جايب له الغنم يبي ينزلهن عنده يوم جا والا له بيتين الرجال ماشاء الله عنده حرمتين وله بني وعيال واجد .. اقبل و وقف السيارة والى يوم لاقاه راعي البيت ياهلا ياهلا حيالله ابو محسن هو عاد اسمه محمد السليمان ويلقبونه الدرم حيالله الدرم ياهلا اقلط اقلط متى وصلت قال هذي وصلتي وهو كريم عاد ويده رطبة جايب معه هدية لراعي البيت وعطاه اياه في يده وقال اقلط وقلطه وخذاله فنجال والموتر لا يزال يشتغل قال ودي انزل الغنم لانها محتجرات والقهوة لاحق عليها قال اجل رح رح نزل الغنم ونبي نولم العشاء لين تجي قال مافيه احد من العيال يساعدنا قال الا كيف والا هاك البنت مصككه اسمها فطوم ناداها ابوها يافطوم روحي وانا ابوك افتحي الشبك وخليه ينزل الغنم وعاونيه ساعديه قالت ان شاء الله ( جاك يا مهنا ما تمنى) وتجي هكا لبنت العنقاء الي ماشاء الله عليها ما خلت من الجمال شي لكنها طبعا متبرقعه ولا هيب بيضاء مرة الشمس لا سعتها ومخلية لونها لون برونزي وعليها هاك الثوب الحمر عضودها حازمها الثوب منا ومنا متعافيه البنت وعراقيبها حمر من الفتوة ما فيها شقوق ولاشي وهي نشيطة انشط من الرجال , المهم وتروح هناك وتفتح الشبك وهو يوم شاف ان الي تنزل الغنم البنت تلخبطت عدته وغدت عشره وحدة يعني جاه مثل الرعشة شوي المهم يالربع قاهوا ينزلون الغنم اللي فوق لان فيه طابقين نزلوا الغنم ويوم نزلوها ويدلي يجدعهن عليها ما شاء الله كل ما جدع عليها طلي صكته بيديها ما عاد يتحرك المهم تخليهن يدخلن في الشبك على واحد واحد , نزل اللي فوق وبقى اللي تحت حول عاد يبي يفك باب اللوري من ورا , هما هو له باب ثقيل يفتح من ورا من تحت وقال تعالي يا بنت ساعديني منا لأنه خاف يطيح عليه او يطق ركبته , وهي تجي تبي تساعده جت تبي تفك السلسلة ما قدرت , قال لا لا لا ما هيب كذا السلسة كذا وتقل ناش يدها وهو يفك السلسة ودلا يرهم قلبه زيادة يوم ناش يدها ( الله لا يعديها من سلسلة طبعاَ ما ينلام مسكين بنت جميلة وقام ينزل الغنم ويناولها على وحدة وحدة الين نزلوا كل الغنم .. الحاصل قبل ما ترجع للبيت قالت رح رح عاد للمجلس تبي تجيك القهوة قال زين الله يعافيك يافطوم والله وقعد يناظرها وهي مقفية لين راحت المهم راح ويوم انه وصل حول البيت وقف الموتر دخل عندهم يتقهوى وقام عاد يمدح البنت قدام ابوها ما شاء الله فطوم ما قصرت عاونتنا وساعدتنا ( اييه عاد بدينا في التميلح والتمصلح ) والله انها عن ثلاثة عيال وانت صادق والله انها عن ثلاثة عيال واني معتمد على الله الكريم ثم عليها هي اللي تلاحظ الغنم وتواليهم الله يخليها لي ويرزقها الرجال الصالح والى يوم طرخت اذنه ( هذا هو اللي يبي ) قال والله اني مستحي عاد ما يدري وين يجيه معه وده يحاكيه من سنع الخطبه الحاصل انه بعد ما تعشا من عندهم هاك الليلة وامرح ويوم جا من باكر الصبح وهو رايح في دربه . راح وأبطى عنهم قعد له فترة ما جاهم ويوم جا السنة الثانية والاه مار من عندهم رايح لناس ثانين وتطري عليه أمرهم والا ما أمرهم الى الحين ونوشة اليد في قلبه ما نساها خاف يتولع في فطوم مرة ثانية لأنه الحقيقة بعيد هو هناك يم القويعية وذولا مثل ما تقول يم جهة الدمام بعيدين قال وش يجيبني لهم والله اني غلطان اخاف احاكيه ويقول ما يخالف وانشب انا لا لا لا تدري ما يحتاج وهو يعود في سيارته ويغني ويقول .. انا هالزمان مهـود عن هـــوى فطـــوم = سمح خاطري مابـــي عيــــوني تخاليهــــا لا ياقلب بنت الناس مالــي بها ملــزوم = ولا هيـــب من نجعــــي ولا مـــن قبايلهـــــا انا شف بالـي جـــادل جنسها معــــدوم = تنثــــر على حـــــد الردايــــف جدايلهــــــا مداهيلها نجــد العذيـــة سهل وحــــزوم = هضـــاب المـــدارة كــــل عصـــر تضللهـــــا طعمها براسـي ما تبي اللي يعبــي نــوم = نظيــــف المــلابس كـــل يــــوم يغسلهــــا ينام الضحي والليل يسري به الجاثــوم = يشجــــع هـل السمــــرة ويصبــــح مقابلهــــا وانا فوق وارد بون حالي كما المسقـوم = على رقمــــي النـــــجدة تكلــــم بأناتلهــــــا الى جيت عند الظابط اللي عليه نجـــوم = تعــذرت منـــــه وهرجتــــه صـــدق يقبلهـــــا وأودي علوم للنشامــى وأجيب علــــوم = وشنق هضبة الجولان في الحرب واصلهــــا ولا يا وجودي وجد من جودوه الــروم = سجيـــــن تلــــوت في يدينــــــه صناقلهــــا ولا يا وجودي وجد من طاح بين القوم = ضـــرب ركبتــه مخباط مفــراص محلولهــــا قعد والطيور والجايعـة يدرجن الحـــوم = وشهب الذيــابــــه تسحبـــــه في مداحلهــــا الراويه محمد الشرهان |
رد: الشاعر محمد بن محسن (الدرم ) رحمه الله ومما قاله الشاعر محمد بن سليمان المحسن (( الدرم )) #: . أمس الضحاء واليوم جريت ونة = ونة كسير ساق رجله طمارير ساقه غدا من مقدم العرش كنه = قنو يبس من لينات الجمامير من أول ٍبيتي لربعي مضنة= ذولاء مواريد وذولاء مصادير واليوم من طول الدهر جاء مجنة= ما عاد فيها إلا صياح العصافير |
رد: الشاعر محمد بن محسن (الدرم ) رحمه الله بسم الله الرحمن الرحيم السلام عليكم ورحمه الله وبركاته (حصريه ) قصيده نادره لوالدي محمد بن سليمان المحسن (الدرم ) رحمه الله واسكنه فسيح جناته قالها قبل32سنه 16/12/1400هـ بمناسبه خطبه القذافي في عيد الاضحى المبارك ذالك العام وكان يسب المملكه على وقت الملك خالد رحمه الله وكأن والدي يقراء التاريخ والمستقبل وهاهو القذافي يفعل مايفعله في شعبه من ضلم وطغيان . والقصيده نادره جداً اول مره تنشر وحصريه لمنتديات الرويضه يااهل الاذاعه وياهل الصحف بثو خبر ............... .....قـولــو لاهـــل ليـبـيـا تـربــط مجانـيـنـهـا عمـا يخـطـط معـمـر يـاخـذون الـحـذر ............... .....يـجـلـب تـصـاريـح مـاثـبــت براهـيـنـهـا خاين وملحد ومن طاعه خسر مانتصر ............... ....يستنـجـد الـشـرك ويـاخـذ مــن قوانيـنـهـا عـدل وبـدل وزيـف لـه كـتـاب خـضـر ............... .....فـي السنـه اللـي جمـيـع الـنـاس ماشينـهـا لـو ان معـه عقـل ماكـذب نـبـي البـشـر ............... .......ويـقـلــ د مسـيـلـمـه واكــبـــر فـراعـيـنـهـا البيـت حاميـه خالـد عـن جميـع الكـفـر ............... ......غصـب علـى العالـم اللـي ضيعـت دينهـا واخوانه اعضوده اللي ياصلون الخطر ............... ....كــل المـحـارم بـحــد الـسـيـف حاميـنـهـا عيـال عبدالعزيـز اهـل الوفـاء والظفـر ............... .....روس الـعـرب مـقـدم الهيـجـا سلاطينـهـا قواتـهـم تـقـهـر الـعــدوان بـــر وبـحــر ............... ......وطــراز الاواكــس لـلـعـدوان حاسيـنـهـا على شعوب العرب غيث وربيع ومطر ............... ......والدولـه اللـي تـعـاف الـشـرع عاصينـهـا ماصلحـو للدسايـس والغشـش مختصـر ............... ...وقصـورهـم بـالـشـرف والـعــز بانيـنـهـا اخوكم / محسن المحسن حلم السراب لا احلل ولا ابيح من ينقل القصيده دون ذكر المصدر منتديات الرويضه منقول من موضوع حلم السراب ( ابن الشاعر ) |
| الساعة الآن 09:21 PM. |
Powered by vBulletin® Version 3.8.7, Copyright ©2000 - 2026, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..