|
صالون للبيع لايفوتكم... السلام عليكم ورحمة الله وبركاته مساكم الله بالخير يالربع.... الموتر للبيع لأعلى سعر ولا للتقبيل لعدم التفرغ... صالون على كيف كيفكم , موديل 93 ملكي مراتب مخمل واحلى من المخمل , دفرنسين ,ماشي حول 250 الف مكيفة بارد وابرد من البارد واذا جى الشتاء ما اشغلة اخاف اتجمد لأن درجة الحرارة تجي 3 تحت الصفر , وكفراتة طقم مغيرها قبل 3 شهور , وطبلونة يلمع مثل الالماس ماشاء الله , ومسجلة يهبل القلوب بزينة والبوري خربان بس بصلحة ان شاء الله اذا صملتوا , وفية استبنة شبه جديدة , وفية ضربة بسيطة على الباب اللي ورى المعاوني في اسفلة , صادمني معه هندي على دباب وسامحتة , ومعه هدية قيمة للي بيشتري... لايووتكم تراه ماشاء الله ما احلى منه.... هذي صورة... http://www.rwwwr.com/upload//uploads...9d57bf63ce.jpg ماشاء الله على طعس النفيّد في صبحاء http://www.rwwwr.com/upload//uploads...1e9cd1f3b1.jpg في اعلى قمة في خريصة تبع شركات الحصا.. http://www.rwwwr.com/upload//uploads...d9c5c11cf3.jpg في مزرعتنا الله يجيب لها السيل.. |
رد: صالون للبيع لايفوتكم... الردود الخارجة عن صلب الموضوع تحذف |
رد: صالون للبيع لايفوتكم... مسيوم 25 الف ولا له حد... زودي شوي والله يرزقك , ترى العطلة جاية ومكة لازم تروحون لها , ولا شايكمل مثل الجمس موتر... وينكم ياهل الجمووس |
رد: صالون للبيع لايفوتكم... الله يباركلك فيه شكلك جربته ايام السيل ومانفع ههههههههههه والله الموتر مشاء الله عليه لون ورزه لكن لوفيه صور من الداخل ، المراتب ، واللون الداخلي الاستماره وش وضعها الله يرزق بالبيعه الطيبه |
رد: صالون للبيع لايفوتكم... القسم ومواضيعه ليست للتريقه |
رد: صالون للبيع لايفوتكم... الله يرزقك .. الاستماره مطوفه ؟ الله يوفقك وتشوف الزبون الصامل |
رد: صالون للبيع لايفوتكم... يا حياك الله يا بوسيف ومنور المنتدى ويكفي المشتري انه عقبك بس ما تلاحظ انك مغليه شوي |
رد: صالون للبيع لايفوتكم... اقتباس:
الله يجزاك خيير الا جربتة في كل محل وماشاء الله عليه بس , يهبل القلووب , بس ترى في السيل البطارية فاضية ولا مايوقف ان شاء الله , اشتر يامال الشم عزالله بيصلح لك نعم , والله عاد ماعندي له صور من الداخل بس اللي بيشتري بيشوفة ان شاء الله على الطبيعه وبيعجبة..المرات ب نظيفة ومرموقة , ولونها رصاصي فاتح عليها البياض , الاستمارة مجددها قبل شهر ياطويل العمر وكايفة... مشكوور على تواجدك... |
رد: صالون للبيع لايفوتكم... اقتباس:
هلا وغلا... لابالله مهيب مطوفة , مجددها قبل شهر يمكن... والله يصلح لك يا امير , انت ماشاء الله اخوانك واااااااااجد... هع جزاك الله خير.. |
رد: صالون للبيع لايفوتكم... اقتباس:
ارحب ارحب يابو يزيد.. الله مير يحييك والنور نورك يالغالي.... وانت عينت المشتري بس ههههههههههه ابد ماهوب غالي , الطيب سعرة فية هع |
رد: صالون للبيع لايفوتكم... ربي يرزقك بالسوومه والبيعه الطيبه |
رد: صالون للبيع لايفوتكم... اقتباس:
هلاوين... الله يجزاك بالخير...ماعندك نية مشترا؟ خخخخخخ لاهنتي |
رد: صالون للبيع لايفوتكم... الله يرزقك بس حسبت من الموضوع صالون صالون يعني مشغل داخل متحمسه الله يرزقك ويبارك فيه |
رد: صالون للبيع لايفوتكم... ياهلا وغلا لكن وش بتشتري عسى والله مهوب صغيرة ما تصلحلك ... الجمس ويخب عليك الله يجعلة يجيبلك ثلاث طعش |
رد: صالون للبيع لايفوتكم... اقتباس:
اهلين ومرحبتين.. امييين اجل ناوية تشترين مشغل هع.. جزاك الله خير ياوخيتي.. |
رد: صالون للبيع لايفوتكم... اقتباس:
اذا ان شاء الله بعتة سهل الله كل امر , والصغيره مانيب من اهلها , الجمس ارحم.. الرزق على الله وسعرة غالي يالغالي... دعواتك بس |
| الساعة الآن 09:54 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..