مجالس الرويضة لكل العرب - يآمتعب القلب قلي ويش غلطاتي\

مجالس الرويضة لكل العرب (http://www.rwwwr.com/vb/httb:www.rwwwr.com.php)

- صهيل القصيد (http://www.rwwwr.com/vb/f58.html)

- - يآمتعب القلب قلي ويش غلطاتي\ (http://www.rwwwr.com/vb/t40831.html)

يآمتعب القلب قلي ويش غلطاتي\

يآمتعب القلب قلي ويش غلطاتي ,,
ان كنت انا اقدر اعدلها .. بعدلها ’’

لاصرت تجهل عنا الدنيا .. وضيقاتي ,,
من دون ماشرح لك اوضاعي تأملها ’’

الوقت ضدي .. حرمني من ملذاتي ,,
والصد بعدك ذبح روحي .. وكملها ’’

لا .. لايغرك كثير الصمت .. وسكاتي ,,
خل المشاعر تقول ( الآه ) وإسألها ’’

يسكني الحب .. واضح من عباراتي ,,
وش عاد لجلك حروفي لو أذللها ’’

عذبني الشوق واسرفت بخيالاتي ,,
( روح ٍ تحبك دخيلك ليه .. تهملها ’’)

ياليتك إشوي تشعر في معاناتي ,,
دنياك يمكن عليك تضيق باكملها ’’

الحزن كنه سفيري في علاقاتي ,,
والهم خيّم على حالي .. وطولها ’’

اغديت دربي وتاهت فيك خطواتي ,,
كل المواعيد مدري ليش تجلها ’’

سنين احاول وضاعت كل حيلاتي ,,
ماتدري اني ( حياة الذّل ) مقبلها..!!!! ’’

لاجيتك أسال وادوّر فيك ضحكاتي ,,
كنك ( تعمًد) بيديك اليوم .. تقتلها ’’

لا تترك الظن يلعب باحتمالاتي ,,
الكلمه الي تحزّ بخاطرك .. قلها ’’

تعال شفني وحس بحال لوعاتي ,,
كن الدقايق بدونك عام مطولها ’’

متى التباشر بقدوم (الغلا ) تاتي ,,
فرحة زماني بشوفك ما تخيلها ’’

خلاص صبري تعدى كل هقواتي ,,
اتعبت نفسي ( اعزيها .. وعللها ) ’’

ابيك تنسى وتدمح كل ( زلاتي) ,,
بعض البشر صعب مانقدر نزعلها ’’

والحين جيتك ابمسح كل غلطاتي ,,
دنياي دونك وربي ماتحملها ’’

رد: يآمتعب القلب قلي ويش غلطاتي\

لكـي صاادق امنياتي

بدوآآم التألق دومآ

ولروحكـ باقات ياسمين

رد: يآمتعب القلب قلي ويش غلطاتي\

العيطموس

اهنئك على هذي الذاائقة

كل الشكرلك

رد: يآمتعب القلب قلي ويش غلطاتي\

الله الله

وش هالكلمات الزينه

طرح راقي ما يشبه الا رقي تواجدك ياعسل

مشكوره ^_^

رد: يآمتعب القلب قلي ويش غلطاتي\

تعال شفني وحس بحال لوعاتي ,,
كن الدقايق بدونك عام مطولها ’’

متى التباشر بقدوم (الغلا ) تاتي ,,
فرحة زماني بشوفك ما تخيلها ’’

خلاص صبري تعدى كل هقواتي ,,
اتعبت نفسي ( اعزيها .. وعللها ) ’’

العيطموس ... اختيار موفق وذائقه رائعه .. كل الشكر على هذه القصيده المميزه .. تقبلي مروري .