قصائد الشاعر علي القحطاني

السلام عليكم ورحمه الله وبركاته

يا اخواني الاعضاء اقدم لكم هذه الكلمات من الشاعر الكبير علي محمد القحطاني:
القصيدة الاولى

ياخشوفن ليله الجمعه تعدن
يوم نادى للعشاء صوتن منادي
طولن مقدار ساعه ثم ردن
الشوارع خاليه والجو هادي
اسئلني عن طلبهم ثم صدن
واشعلن نار الهوى داخل فؤادي
لو يودوني على دكتور لندن
مايعالج جرح غزلان البوادي
صابني بالعين غرون ما يمدن
ابدوين حير اعقول العبادي
ابتسملي قال معجب قلت جدن
هز راسه قال يا مسكين غادي
قلت مافيك رحمه قال لابدن
قلت فعلا لاحياة لمن تنادي

والقصيده الثانيه والتي تقول في مطلعها:

القصيدة فيها الكثير من الشركيات والقسم بغير الله عز وجل برجاء قراءة النص قبل ادراجه

والقصيده الثالثه والتي تقول:

يا حمامه فوق غصنن تسجعي
علميني كيف تغريد الحمام
كل ما غنيت وانتي تسمعي
جاوبي لحني وقولي ياسلام
لارفعت الصوت رديبه معي
لاتخلي عين مخلوقن تنام
لازم اصنع مثلي منتي تصنعي
قصدنا واحد ويجمعنا نظام
دوري الارض العريضه وارجعي
القي النظره على دنيا الانام
كل واحد يا حمامه يدعي
يشتكي نار الحبه والغرام
طالعي فيني وشوفي مدمعي
واتركيني ولا تقولي ياحرام
ان جرحي ماكنن بين اظلعي
لو يودوني لدكتور العظام
احميليني في جناحج واسرعي
وصليني ديره الربع الكرام

وهذه قصيد اخرى:

لانك ملك الحسن والذوق والاسلوب
علشان ذا حبك يسيطر على احساسي
وعديت كم ربي خلق فيك من عذروب
وجدته جفاك الي زرع الشيب في راسي
وجسمي غدى هيكل يغطي عليه الثوب
فهل تسمح الايام بالوصل يا قاسي
يردك الي رد يوسف على يعقوب
على غفلتن من كل واشي وبلاسي
يقولو نسى حبك ولاتبت يا مذهوب
ولازلت مغرم واهو دالهن ناسي
ترى الحب كله شاف راعيه مش مغصوب
من الجهل حطو للمحبين مقياسي
ولايدروا انه غايت الشف والمطلوب
ولا جازلي غيره معا كل الاجناسي
في غيبته ما نمت ليله بدون حبوب
احبوبن تخدرني خطيره على انفاسي

وهذه قصيده اخرى:

ياقرب واشنطن ولندن وباريس
حذفت عصا للي رصيده ملاين
ياعز حالي من رجالن مفاليس
اللي يضايقهم وجييه الديايين
والي قضى عمره واهو خالي الكيس
ماشاف من دنيا الورى الا عمى العين
يصير بعين البشر كنه ابليس
تكثر خطاياته واهو ما عمل شين
يارب ياساتر على اهل النواميس
يامسهل ارزاق الضعاف المساكين
تفرج لمن ضيع جميع المقاييس
ياظيقتي والناس ماهوم بدارين

يعطيكم العافية وارجو ان تحوز على رضاكم