مجالس الرويضة لكل العرب - ≈∫∫● وودي آ فضفض بس ويـن التـ۶ـآبيـر؟!. ≈∫∫●

مجالس الرويضة لكل العرب (http://www.rwwwr.com/vb/httb:www.rwwwr.com.php)

- صهيل القصيد (http://www.rwwwr.com/vb/f58.html)

≈∫∫● وودي آ فضفض بس ويـن التـ۶ـآبيـر؟!. ≈∫∫●

ايام رآحت بي ورآحـت علـى خيـر
مرت على عمـري مـرور"الثوانـي ْ~

ايام كانت غير .. فـي ذمتـي غيـر
احيت يباس عروق ذيـك المحآنـي ْ~

قبل الوداع ., قبـل طـوي المشاويـر
ماكنت احـس بقيمتـه لـو جفانـي ْ~

ويوم افترقنا ..والحزن جانـي امغيـر
عرفت وش معنـى ضيـاع الآمانـي ْ~

ماعاد لك ياحـزن.. حشمـه وتقديـر
من يوم جيت وجبت لي "جرح ثانـي ْ~

وماعاد بيـدي شـي.. دام المقاديـر
وفـت وعدها..وسلبتنـي زمـانـي ْ~

سيلـت بفراقـه دمـوع المعـاذيـر
حتى خشـع مـوج "الغـلآ] للموانـي ْ~

ومديـت للقيـا كفـوف التباشـيـر
ومدت لي الفرقـا كفـوف التهانـي ْْ~

ودي آ فضفض بس ويـن التعابيـر؟!
ودي اعبـر بـس ويـن المعانـي؟! ْ~

حاولت ابـرر صمتـي بـأي تبريـر
وعجزت آبرر صمتي اللـي غشانـي ْ~

ياصمتي اللـي مالقـا لـه تفآسيـر
ليـت الـذي وداه.. يمـه خـذانـي ْ~

ياحيله الله وش بقا؟! وش يبي يصير؟!
دام المكـان اليـوم مآهـو مكانـي ْ~

الغيت من بعـده جميـع المحآذيـر
وارخصت عمري دام هالعمـر فانـي ْ~

بعده.. تراها تهون كـل المخاسيـر
يعني وش اكبر من خساره كيانـي؟! ْ~

لو قلـت مآل لبعـده الـيـوم ...تأثـيـر
تفضحني عيوني.. ويكـذب لسانـي ْ~

لكن تركت له هالقصيده علـى خيـر
يمكـن يحـس بضيقتـي .. لاقرانـي ْ~