مـدّ الكـفوف ..وصـب فيني عشقتك

مسـاء الشعور اللي ضوى و اعتراني
و الاّ الغيـــاب و لهفتي لا وصلتك

و الاّ الوله .. و الاّ الشعر .. و الأغاني
و الاّ الحنين .. وضيقتي .. لا ذكـرتك

في مسـرح .. عيونك تضج الأمـاني
تعبت أنادي و يصفع الصـوت صمتك

أفز و ارجــع .. و أتحسس مكـاني
و ألقــاك حلم .. في عيوني رسمتك

جيتك سحــابة شعر تلـهم بنــاني
جيت و على خد الصحــايف مطرتك

أزرع حــروفي في ريـاضك معاني
بيني .. و بينك .. تنتشـي لا عـرفتك

جيتـك و هذا الشـوق .. راسم حناني
لوحة مشـاعر.. في ضـلوعي نقشتك

تعـ،،،ـال و اسمع وش تقول الثواني
يا مـا انتظرتك .. و انتظرتك وشفتك

واقف و أنا اسـأل حظي اللي عصاني
وشـلون تضوي دنيتي لا فقـدتك ؟ ؟

إرجـع و رجّع فـرحي اللي نسـاني
شف كمّ يـا ليـت ..بمفـرداتي كتبتك

سؤال ثــاير .. تحت صمت المحاني
بالله .. قل لـي يا حبيـبي .. وحشتك ؟؟

تضيـق بغيـابك .. صدور المـواني
يا مـا على مرسى الليـالي .. سهرتك

جيتك .. و بأيـدي ورد يـا ما بكـاني
و دايم يـواسي .. دمعـتي لا ذكـرتك

بحـر الرجـاوي فـوق شطّك رمـاني
مـدّ الكـفوف ..وصـب فيني عشقتك

خـذني حنين و لـهفة إنسـان عـاني
خـذني زمن يرقـد على حجـر وقتك

خذنـي ترى يا مـا غرامـك خـذاني
و يا مـا على جذع انتظـاري حفرتك

جيتك و مـا ادري كنّي إنسـان ثـاني
طـال الفـراق و كـن تـوّي عرفتك

جيتك و أنـا ما جيت .. واقف مكـاني
طيـفك حضنّي و احسـب أني وصلتك


ماراق لي ونقلته

صح لسان كاتبها وناقلها
يعطيك العافيه
قصيده في منتهى الرووعه والجماال

لاعدمنآ أطروحاتكـ الرائعه
كم من الجمال يشع بـحروفك
بإنتظارجديدكـ بكل شوق
ودي ووردي

سلطان الشوق

فديت راسك يالغالي

سرني مرورك

مشكور على الابيات الجميله وتقبل مروري

أفز و ارجــع .. و أتحسس مكـاني
و ألقــاك حلم .. في عيوني رسمتك

سمو الإحساس ... بل سمو الإبداع .. اخترت فأحسنت الإختيار .. من قلبي شكراً,,,