|
حضرت (كبرياء انثى )وغاب شباب الرويضة !! السلام عليكم ورحمة الله وبركاته بداية اقدم شكري للعضوة كبرياء انثى على تفردها بنشر صور عن امطار الرويضة وعلى قدر استطاعتها فليست برجل يحمل جواله ويجول في الاماكن ويصور - كما احيي ابو اسيل عن صور عروى وقم بس قم عن صور القصوريه - ولهم جزيل شكري - اما شباب الروبضة والذين يمتهنون هواية التصوير واشك ان جوالا واحدا الا وفيه صور عن امطار الرويضة ولكنهم وللاسف لم يكلفوا انفسهم بانزال صور عن امطار الرويضة - تعلمون ان وضع صور عن امطار الرويضة او معالم الرويضة او اي شيء عن الرويضة ستجده بعد ساعات في قوقل وبهذا ترفع من اسم مدينتك وتشارك بالتعريف بها وهذا يسجل لك ولمدينتكم حق عليكم الا اذا مليتوا المنتدى قولوا ونقفله لاننا ماحطيناه الا لكم ولمدينتكم ومااتوقع اني قصرت معكم كل شيء تحملته ماديا من اجل تطوير واستمرارية منتداكم فقط نريد منكم التفاعل بصراحة عتبي الاول على فهد وبقايا وابورنا وغيرهم انتم ممن نعول عليهم ونحتاج كامراتهم لنقل الحدث اولا بأول ----------- اتمنى ان تاخذوا كلامي بحسن نيه لاني مقهور كل منتديات المدن والقرى الصغيره حطوا اجمل الصور عن الامطار وانتم ولا حس ولا خبر ----------------- الرويضة ديرتكم وانتم شبابها مالكم عذر والله عتبان عليكم اعضاء المنتدى من شباب الرويضة |
رد: حضرت (كبرياء انثى )وغاب شباب الرويضة !! كلامك صحيح ابو هلا لو فيه عرس كان شفت كلن يترزز بكاميرته علشان يطلعون متكشخين |
رد: حضرت (كبرياء انثى )وغاب شباب الرويضة !! تصدق اغلبهم شايفينهم كلن بكامرته :) بس غريبه ما نزلوو :( .. ما قصرت كبرياء فيها الخير والبركــه .. |
رد: حضرت (كبرياء انثى )وغاب شباب الرويضة !! ابو هلا اخوي ولا يهمك انا اليوم نزلت موضوع يقسم استديو الرويضة وتستاهل كبرياء هي اول من بادر |
رد: حضرت (كبرياء انثى )وغاب شباب الرويضة !! تمنيت أني كنت موجود في الرويضة في هالاجواء الخيالية بس قدر الله وماشاء فعل أخوك أحمد حجزة السيل في مخرج تسعه ولا وصل البيت الا الساعه 12 بالليل ,,, تستاهل كبرياء أنثى التتويج |
رد: حضرت (كبرياء انثى )وغاب شباب الرويضة !! اول شي ماقصرتي ياكبرياء ويعطيك العافيه ثاني شي بلا فضايح يالفجر البعيد شايفتنا بكميراتنا ثالث شي مالكم الامن يرضيكم قسم اني مصور اكثر من 600 صوره لاكن الكام خربت ولا صلحتها الا اليوم وبنزل الصور الممتازه كلها داري اني متاخر لاكن العذر والسموحه اسباب خارجه عن السيطره والاراده تحياتي |
رد: حضرت (كبرياء انثى )وغاب شباب الرويضة !! = فهد = مشرفنا الأنيق : هذا اللي نبيه حماسك في رسالتك الخاصة لو قروه الاعضاء لأبكاهم لما فيه من القهر اللي يحس به فهد وجهده راح فيها ولأن في الرسالة شيء من الخصوصية وحتى ماتبكون اذا قريتوها واتوقع انكم بتبصمون بالميه ان شباب الرويضة عند حسن الظن متى أوتوا الفرصة وحماسهم لايقل عن حماس غيرهم وشاء الله وحصل ماحصل وماقصر تربوي فعال والعضو ضيف وكبرياء انثى ------ وللعلم هناك مفاجأة لــ(فهد) ولكم محبي التصوير في قسم حلقة وصل بعد شوي ماقصرت فهد والرجال مواقف وانت رجل موقف تكفيني رسالتك الطالعه من قلبك وبحرقه هههههه |
رد: حضرت (كبرياء انثى )وغاب شباب الرويضة !! يالبى قلبك فهـــد .. ما فيه احد يعرف اللي في قلبه كثر ما اعرفه انا .. جميع صفات الشاب الطموح والمجتهد تحصلونها في فهـــد ’’’ يصول ويجول بكاميرته علشان يمتعنا ,, الله يمتعه ببنت الحلال يابختنا فيك ,,, يستاهل ابو سعود كل خير ,, وربي انه توووحفه ,, ابو هلا ,, سلامت قلبك ,،:, |
رد: حضرت (كبرياء انثى )وغاب شباب الرويضة !! طيب انا ماشفت امطار الرويضه اللي من تقرير تربوي فعال وكبرياء توني اشوفه وبعدين تقرير تربوي اطلق المفروض تشكرون تربوي بعد |
رد: حضرت (كبرياء انثى )وغاب شباب الرويضة !! ماشاء الله على هالبنيات.. اشوفهن زعلات ويتشرهن.. طيب يومنكن شايفت العيال بكميراتهم وراكن ماصورتن المطر ونزلتن الصور..؟ |
| الساعة الآن 07:17 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..