|
<< لمحات من مسيرتي الدراسيه السلام عليكم ورحمة الله وبركاته اليوم حبيت انقل لكم لمحات من حياتي الدراسيه من اول ابتدائي الى تحضير الجامعة آه يا أول بتدائي آه يا أيام زمان كنا صغار نحسب الايام يارب متى يجي عمري 7 عشان ادرس ووصلنا عمر 7 وباقي على المدرسه شهر وسجلنا وكل شيء عاد شوفوا التشويق من البابا والماما يابابا يعطونك حلاو وبساكيت ويخلونك تلعب وناااااسه ترى <<يصحي ابوه باليل بابا متى توديني المدرسه <<يتخيل شكل الحلاو والفله هههههه جينا المدرسه طبعآ اول يوم اهي اهي بكاء اليوم الثاني مشت الامور واليوم الثالث طاق طاق طاقيه يلعبونا ويوزعون حلاووبسكوت وعصير ربيع والفشار الاحمر اللي زمان اربع حبات بريال ههههههههه المهم حسيت انها فله والاسبوع الثاني آخ من الأسبوع الثاني تبداء المعناه الى يومنآ هذا .. اليوم اللي انا قاعد اكتب لكم فيه اليوم الاحد الساعه 9:30 والدكتور قدامي وفي الجامعة نرجع لأيام الإبتدائي .. كملنا من اول الى سادس إبتدائي والقروشه والحفظ ومذكرت الواجبات اللي محجرين لنا فيها الله يلعنهم المهم يوم بدينا نمل من الابتدائي قالو ابشرو بالذي كنتم توعدون انتم السنه الجايه ننقلكم لمدرسه ثانيه مدرسة المتوسط خلو أوليا اموكم يمرون علينا بكره << يناقزون وناااسه وناااااسه ونااااااسه .. رحنا للمتوسط وياليتنا مارحنا جتنآ مادة الأنجليزي ثم a b c >>> هههههههههههه انهبلنا ومشينا انفسنا ونجحنا وياناس شدو حيلكم عشان تروحون الى الثانوي عشان ترتاحون لأن اللي في الثانوي رجال وانتم وانتم وتصيرون قد المسؤاليه وماادري ايش وشدينا حيلنا وطلعنا الثانوي .. ياليل كيميا ,فيزيا , احيا , جيولوجيا طيب وبعدين .. لالا ماعليكم انتم شدو حيلكم في اول ثانوي . وثاني وثالث ترى تسهل ولا ترى بتقعدون بها .. وها نحنو شدينا حلينا طيب جت ثاني ثانوي نصابين طلعت صعبه قالو شدو حيلكم ولا ترى بتروحون فيها ترى معدل تراكمي يالييييييييييل كل شوي طالعين لنا بشيء خلاص ملينا من شدة الحيل نبي نرتاح ودخلنا ثاااااااالث قالوا شدو حيلكم عشان ترى المعدل التراكمي على ثالث اكثر هذا اذا تبون جنت الدنيا والراحه الابديه ! وش هي جنت الدنيا قالو الجامعة ترى هي المستقبل الأبدي ترتاحون من هم المدرسه وتفلونها عاد آه يالجامعه كانت حلم بالنسبه لنآ كنآ نتوقع فله وفلته ونظام مجلس الشورى ههههههههه يفز قلبي الى سمعتهم يقولون فلان عنده محااضره اقووول يالبيه شوفوا الناس كيف عايشه ماهو إحنا حصص هههههههههههههه المهم شدينا حيلنا وجبنا نسبه قالوا هيه انتم تحسبون بندخلكم الجامعه كذا لا ياحبايبي الغالي يبي غالي ماتشوفونها بعيونكم الين تأخذون اختبار قدرات يالييييييييييل وعاد انواع الاختبارات التجريبيه وانواع السيديات وانوع الهموووم يارب نعدي وعدينا قالوا هيه انتم تعالو ترى في اختبار تحصيلي اجل الدنيا فوضه ندخلكم جامعتنا وانتم بقر ناسين كل شيء لا يبه ..يالييييييييل ويلآ امسك كتب اول ثانوي وثاني وثالث ومراجعه ومدرسين خصوصيين وملعنت جدف لجميع المواد العلميه آه بس طقطقت الضلوع وحق لها ان تطقطق طيب وخلصنا وموقع الجامعه وسجلنا وقبول ودخلنا واول يووم تذكرت اول ابتدائي احس مبسووط ومن بعدهآ وش اقول .... وجودي معكم الحين هو اللي يشرح الوضع نفس ماقلت لكم انا الحين قاعد في المحاضرة واكتب في دفتر المحاضرات وكل ماناظرني الدكتور يحسبني اكتب معلومات عن المحاضره وانا اطقطق معكم اليوم علينا دكتور مصري اسمه عبدالقادر الله يشيله إن شالله وأنا مواصل من البارح احس اني ملحووووس الفيوز عندي ضرب يلا معاي بنحاول ندخلكم في الجوء اللي انا اعيشه الآن وهذه اللحضه اوووش لا احد يتكلم خلونا نسمع عبدالقادر : شيخوخة الخليه ...الخ يلعن ابليسه يتكلم بسسرعه مايمديني هههههههه .. وتفقد وضائفها والخلاياء الميته تمسى كيلاتي وهل الانسان عنده خليه ميته؟ آه موقود << يرد على نفسه المصري روحي تغليك يفكر بالنوم وهذا يقولي خليه ميته في الانسان طيب وبعدين .. لحضه لحضه بيقول مثال عاد ياكرهي لأمثلته لا ويتفلسف هو وخشته << يتخيل ان الدكتور ياخذ دفتره ويشوف اللي انا اكتبه هههههههه <<<يحمل المادة الى الابد س : ايه بيثبت ان الانسان يوقد به خلاياء ميته؟ ترى هذا ماهو موضوع المحاضرة الخلاياء الميته موضوع فرعي وصاكنا فيه نص المحاضره اهي اهي . ج: الإثبات: إنتا الحين لما تروح الحلاق وتقص شعرك بتحس فيه ؟ مابتحس فيه اكييد ولا انا غلاطان ؟ <<الجميع مفهين لا صحيح ولا غلط اووووش واحد رفع يده هذا وش يقول ............... .!!؟ اللي رفع يده من الذينا يشار اليهم البنااااان في قمة العربجه واصول الزحف هههههه العربجي: يادكتوووووور الدكتور: ايوه العربجي: انت غلطاااااان الدكتور : بإبتاسمه حاااااااااااااا اقده.. ليه يا إبني ؟ العربجي : انا شعري احس فيه اذا قصيته الدكتور. بتحس لما بنقص شعرك نفس لما نقص يدك او رجلك العربجي : العن من الرجل ودي تقص رجلي ولا تقص شعري ماتشوفني مربي شعري << يطلع شعره لدكتور الدكتور يبقى انت حاله شاذه تفضل اطلع براء << قفلت معه ههههههههه العربجي مع الباااااب آه بس والله من الطفش والزهق والملل ياناااااس تفش تفش تفشششششش .. الله يعين لا وعندنا اختبار بكره والأسئله انجلش والاجوبه انجلش والشرح بالعربي يالعن شكله ابن اللذينا على العمووم احس اني طولت عليكم .. دعواتكم لنا في الإمتحان ودمتم بسلام . |
رد: << لمحات من مسيرتي الدراسيه تسجيل مرور ولي رجعة قريت الى المتوسط واحس ان اخرها بيطلع شيق ربي يعطيك العافية |
رد: << لمحات من مسيرتي الدراسيه يــوووووووووووو ووووه سـقآآ آلله أيـآآمـ آلأبـتدآآئي ولعب الحبشه في الـملعب والمطاامر وايـآآمـ التخرج من ثـآآلـث هذي الفتره للحين اتـذكرهااا والله يوم مـآ انسااه طول حيااتي يوم فاارقت اصدقائي وكلن رااح في طريق .. яό7y ţ3‘Ļeķ»● يعـطيكـ العـآآفيـــــــ ــــه .. جمــيل مـآ خطت انآآمـلكـ والله يوفقكـ بآلآمـتحآآآن وتجيب الدرجه الكاامـله > عساني مـآآتـآآخــرت |
رد: << لمحات من مسيرتي الدراسيه ياكثر حكي ياولد <يبي من يرجع لها اخر الليل اسمر ع القصه ههههههه |
رد: << لمحات من مسيرتي الدراسيه яό7y ţ3‘Ļeķ»● الله يرجك وين طلعت بذا الموضوع الفلة معه عز الله انك جبتها على الجرح لكن انك ماذكرت ايام الثنوي زين ولاوفيتها حقها ايام الثنوي والله الفلة الطالب الفلاني دارس وهذا مادرس يووة المدرسة اليوم بايخة متى يجي بوكرة ويدرس غيرها جاكم ابو فلان المهجول ارحب من اول الصبح حب خشوم والبكارية ماتنزل واسمع الهياط اذا جاء مدرس مصري ولا سوداني اوووة السوداني اذا جاء عندنا حفلة نهستر ونستهبل مانستانس الا اذا مسكن سرا عند الباب ياستاد دخلنا تكفى يااستاد الله والله الفلة ... تقبل مروري |
| الساعة الآن 01:33 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..