|
% شدّ انتباهك في حضوري وهِزّه % شدّ انتباهك في حضوري وهِزّه .........خلك معي يا فاقد الذوق واعي علّم برستيجك نظامي ورِزّه ........فهّم شياطينك فنون استماعي للمهزلة وقت(ن) وللجد حزّه ........وما للحكي في بعض الاحيان داعي مااستدرجك بالكاد مثلك أكزّه ........ ويكشف لنا خافيه وامره يشاعي أية رجل لعنة وجيه(ن) توزّه ........ كيف الأسد يتبع جموع الضباعي! أية قوي كلمة غبي تستفزه ........ يعلى نباحه يحْسب انه شجاعي أية شهم تفنى حياته وكنزه ..........يغري بنات الليل واهله جياعي أية وفي والديره اللي تعزّه ......... كفه يعاون خصمها ما يراعي أية خوي ما بين نزحه ونزّه ......... بالضيق مقفي والرخا له متاعي لا تحتري من أقرب الناس فزّه ........ وانته لها يا صويحبي منت ساعي علّيت شخصك واثبت اليوم عجزه ........ قلت ارتفع قال الزمن: بوس قاعي ابك الرجولة فيك تحتاج دزّه ........ حاولت فيها بس عيّا ذراعي شوف الألف تقرا ولو دون همزه ........ هذي انا دونك وهذي طباعي أصبعي ولامنّه عصاني أجزّه ........ ياكيف ابي مخلوق همه خداعي ولأن قدري شامخ(ن) فيه عِزّه ........ هذي مقولة صغتها باقتناعي: من لا حشم قدرك مع الباب لِزّه ........ والشيخ ما يبكي إذا غاب راعي.. |
رد: % شدّ انتباهك في حضوري وهِزّه % اقتباس:
غزاااااااااااال ابداع جميل وذووق رفيع منك لاهنتي |
رد: % شدّ انتباهك في حضوري وهِزّه % صح لسانك كعادتك متالقة في اختيارك يعطيك العافية .. |
رد: % شدّ انتباهك في حضوري وهِزّه % مبدعه يا الغلا ، ذآئقه فخمة و ربي ، صح قلبك و قلب شاعرها ، ما ننحر يارب , عوآفي يالغآليه http://www.almusa3ed.com/vb/images/smilies/smile.gif |
رد: % شدّ انتباهك في حضوري وهِزّه % يسلملي احساسك وذوقك يارب.. ماننحرم |
| الساعة الآن 12:35 AM. |
Powered by vBulletin® Version 3.8.7, Copyright ©2000 - 2026, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..