مجالس الرويضة لكل العرب

وانت من جِدّك بترحلْ؟
يعني تاركني لميــــن؟
ولاّ .. ما فكرت تســـألْ
ليه انا وجهـي حــزين
ولاّ .. ما تتوقّع ازعــــلْ
واقلب الدنيــا أنيـــــن
أو عشاني دايم اقبـلْ
حُكم رب العــالميــــن
تقوم تتركني وترحــلْ
حتى ما أدري لويــــن؟

ليش مستعجل كثير؟
إصبر شوي ..
وتعــااال
يعني الدنيا .. بتطير
كلها مجرّد ســؤال

ودي اسأل..
لو بتسمح
قبل تتركــني بثـواني
أنت يوم انّك بتجرح
حتى في جرحك ..
أنـــاني !!

ماخذ عيــوني .. ورايح
ماخذ أنفاسي .. ورايح
ماخذ حروفي .. ورايح
وش تركت؟
من السوالف
والأغـــــاني
والروايـــح ..
وش تركت؟
إلا دموعي
وإنكســاري
والفظــايح ..

وبَعد مستغرب
إذا انّي صرت في هالوقت اصايح
شي طبيعي .. لو أصايح ..
شي طبيعي
لو رفضت الصمت
وماطعت النصايح ..

مو عشانك .. إنت غير
أو عشان الحُب
غير ..
لا .. وربّي
بس عشان المسـأله ..
يا أخ
"معدوم الضمير"
مسألة
عُـمر ومصير ..

مسألة إنّي أعيش ..
أو
لا أعيش ..
مسألة إنّ السنين الماضيه ..
والحُـب
طيش ..
ليش طيب؟ ياخي ليش؟
ماحسبت حساب ملح
ولا
حسبت حساب عيش ..

هذا إنت
وهذا طبْعك ..
ذا .. وانا أهلك وربْعك ..
عادي
تسقي شخص غيري
بس معاي
يجفّ نبْعك ..

والقهر أدري
وساكت ..
وآآآآآه من هذا الســكوت ..
كل حاجه فيني
ماتت
وانته معيــّي تمـوت ..

يعني ماكفّـى حنـاني؟
لجل تتركني .. وتدوّر
عن
حنان انسان ثاني؟
طيب اسْـتح ..
لو عشان العِـشره حتى ..
مو
عشــاني ..

وش تبي أكثر؟
وانا اللّي
ضاع عمري
ضاع كلّي
لجل انا أبقى خليلك
وانت تبقى دوم
خِلّي ..

وش تبي أكثر؟
وانا اللي كنت اقول:
ماني واحد
إلاّ .. انا إثنين ..
بس
بقلب واحد ..
عُمري ماقد كنت اناني ..
عُمري ماقد كنت جاحد ..

مستعد اجحد عيوني ..
إلاّ انت..
والله هانت وانت بعيوني
ما هنت ..
كيف اجل قوّاك قلبك
يوم خنت؟

شفت انا وشلون
احبك ..
شايف انت شلون خاين !!
لا تبــرّر لي ..
وربــّك
كل شي ٍ فيــك باين ..

مهما علّمك الزمان .. من الخيانه
مستحيــــل
إنّه يعلمني أخون ..
ومهما علمني الزمان .. من الأمانه
مستحيــــل
انّ انت .. تتعلم تصون ..

لا تضيق
ولا اتشـرّه
هيّ كلمه .. وبختصـــــار ..
اللي خان الحُب مــرّه
عـــــادي
بيخونه مِــرَار ..

لـ الشاعر لمميز
محمد الشهري ,,,

http://up.2sw2r.com/upfiles/zTp55668.bmp