مجالس الرويضة لكل العرب - فعرف ان العيب ما يصيب (( سهلي ))..

مجالس الرويضة لكل العرب (http://www.rwwwr.com/vb/httb:www.rwwwr.com.php)

- صهيل القصيد (http://www.rwwwr.com/vb/f58.html)

- - فعرف ان العيب ما يصيب (( سهلي )).. (http://www.rwwwr.com/vb/t39067.html)

فعرف ان العيب ما يصيب (( سهلي ))..

من روائع الشاعر محمد الجار الله السهلي

يا الردي علـى الـردى مثلـك يشيـب
تكـبـر ويـكـبـر رداك وتمـتـلـي

الجهـل مـا عالجـه طـب وطبـيـب
ذا بــلا.. والله يعـيـن المبـتـلـي

باتغاظـى عنـك واتحاشـى واغـيـب
عـن شعيبـن عافتـه قـدم جمـلـي

مانـي مجبـورن اعيشـك كالنصيـب
لا انته من ربعي ولا انتـه مـن هلـي

واعرف ان ((ضيقي)) على شرواك طيب
واحسـب احسـاب المعانـي وزعلـي

جابـك الله وهاجـس المعنـى قريـب
انتهض شعـري وانـا مانـي خلـي؟!

عنـدي فكـرة بيـت مـا ودي تخيـب
ولّعـت قافـي.. وعـانـه يصطـلـي

وانـت هالمـره ابـي تصبـح لبـيـب
افهـم احساسـي وترجـم ( مايـلـي)

الذيابـه مـا تخـاوي كــود ذيــب
و(الثعـل) شـرواك عـنـه تعتـلـي

فلاتحـاول تعتبـر نفـسـك صحـيـب
لان هالصحبـه تـرى عيبـن عـلـي

ذاكـرك ضيقـي مـع الليـل الكئيـب
ولا تظـن ذيـك السحـابـه تنجـلـي

مير ..خلها ع الولي.. والعيـب عيـب
والعيـوب كثـار.. وخلهـا ع الولـي

وكان ( رمياتك ) مـع غيـري تصيـب
فعرف ان العيب ما يصيب (( سهلي ))..

الله الله عليك يابو جار الله

رد: فعرف ان العيب ما يصيب (( سهلي ))..

صح لسااان الشاعر محمد جار الله السهلي
وتسلم يديك عالنقل يالغاليه

لاهنتي

رد: فعرف ان العيب ما يصيب (( سهلي ))..

وهج

صح لسان الشاعر محمد

وصح لسانك

رووعة

لاعدمناك

رد: فعرف ان العيب ما يصيب (( سهلي ))..

قصيده رائعه بقوه

الف شكر وهج

رد: فعرف ان العيب ما يصيب (( سهلي ))..

الذيابـه مـا تخـاوي كــود ذيــب
و(الثعـل) شـرواك عـنـه تعتـلـي

فلاتحـاول تعتبـر نفـسـك صحـيـب
لان هالصحبـه تـرى عيبـن عـلـي

//

صح لسان الشاعر محمد بن جارالله ..
شاعر كفو وبيض الله وجه ..