|
العريس والعروسة السلام عليكم ورحمة الله وبركاته اليوم جاء في بالي موضوع مهم وحساس جدا جدا جدا وهو طبعا يخص الكثير بل اغلبنا ويتكون من جزئين الجزء الاول يخص الشباب والجزء الاخر يخص الاخوات هو السؤال عن الزوج والسؤال عن الزوجة يعني انت ياخي جاك واحد من الشباب يعز عليك وقالك ابيك بكلمة راس وطلعت انت وياه لحالكم وقالك مافيها الا سلامك فلان من الناس تقدم لخطبة اختي او بنتي وانا والله ماعرفة وانت صديقة وتعرفة وش رأيك فية ينتزوج ولا ماينتزوج وانت تعرف ان هذا الشخص منحرف وهو اعز اصدقائك وقريب لك بنفس الوقت ماهي ردة فعلك لسؤاله هل بتقول الصراحة ولا بتقول لا والله مايصلح ولا بتقول خل بامدحة عساه يعقل اذا تزوج والجزء الاخر لكي اختي جتك وحدة وسألك عن اعز صديقاتك وهي قريبة بعد لك وقالت وش رأيك بفلانه نبي نخطبها لولدنا وش وتعرفين عن اخلاقها وانتي تعرفين انها لاتصلح وفيها عيوب اخلاقية هل ستقولين والله ونعم وش زين اخلاقها دينه وحبوبه وعاقله ولا بتقولين الحقيقة انتظر وجهات نظركم |
رد: العريس والعروسة مرحبا بك سمو الاحساس وبمواضيعك الصراحة مرت علي اكثر من مرة بس الحمد لله اني ما انسأل الا في شباب ماشاء الله ملتزمين موظفين وخلوقين يعني ما فيه شئ ينعاب الشاهد اني ازكيهم وبناء على ماراه فيهم اما لو صار اني انسالت عن شخص بمثل ما ذكرت لا والله بوضح اللي فيه وهم بكيفهم عاد بيزوجونه والا بكيفهم اتمنى اني افدتك والله يغفر لوالديك |
رد: العريس والعروسة هلا فيك اخوي سمو الإحساس موضوع مهم انا لو صار عندي صديقه كذا .. وسألوني .. بقول ما ادري .. وحتى لو كانت خلوقه بقول ما ادري يعني ماراح اجاوبهم في كلا الحالتين يعطيك العافيه ^_^ |
رد: العريس والعروسة ابو نواف يشرفني ان اول من يعطر متصفحي بحظورة هو انت احمد ربك انك مانسألت عن واحد اخلاقة مش ولا بد وعن اجابتك لهم بالصراحة في كلتا الحالتين عمل جميل تشكر عليه |
رد: العريس والعروسة ملكة القلم صديقة القلم شرفتيني بمرورك هنا واسمحي لي ان اخالفك الرأي بعدم اجابتك بكلتا الحالتين فبجوابك بمادري والبنت محترمة ربما تعكس صورة غير جميله عن اللي سألك ويحطون ان البنت ماتصلح وهو بالحقيقة العكس وتحرمينها الزواج وعن قولتك مادري وانتي تدرين ان البنت ماتصلح يمكن ماحد يعرف عيوبها احد غيرك ويسألون احد ثاني ويكذب عليهم ويزوجونها لولدهم وهي ليست كفو لهذا الزوج شاكر لك مرورك |
رد: العريس والعروسة سمو إشكرك على الدعوه أنا صارت معي أربع مرات وبصراحه عطيتهم رائي بصراحه وكانت وحده مو ذاك الزود بإخلاقها وجت أم الزوج تسالني عنها عشاني أعرفها وقلت مادري أحسها ماتصلح قالت ولدي بيعلمها الأدب ورب الكعبه الحين تزوجها وعندهم بنت والزوجه تغيرت أخلاقها وصارت حبابه يعني المفروض مانغبي شيء هذا من وجهت نظري والله يوفق المتزوجين وأنت أولهم يعطيك العافيه على الطرح المهم |
رد: العريس والعروسة كبرتني همومي تصرف سليم منك وانتي بريتي ذمتك وهم اصبحوا على بينه والله يهدي الجميع شاكر ومقدر لك مرورك واضافتك |
رد: العريس والعروسة اقتباس:
اي صح ادري اني غلطانه .. بس انا قلت هالشي لـ ان عندي اسباب :) ممكن اعرفها من قبل انها كانت سيئه يمكن انها عقلت ويمكن انو الزواج يعقلها .. فإذا قلت اتذكر انو كان فيها وفيها .. بكون قطعت رزقها.. او يمكن يشوفون اني خربت عليها .. ويمكن بعدين تتزوج واحد ثاني .. ويشوفونها اللي سألوني.. سالكه ويقولون حسبي الله عليها لين سألناها كذبت علينا .. و و و كيذا والشي الثاني اني لو قلت ما تصلح لازم اقول ليه هي ماتصلح وانا من وجهة نظري اعتبر اني فضحت فيها .. وإذا قلت مدري حتى وانا اشوف انها عاقلهـ .. فـ اكيد اني اجلس وياها .. بس ما اعرف شي داخلها .. اخاف امدحها وتطلع شي ثاني .. ممكن انها تصير شيطانيهـ وكذا فـ في هذي الحاله يقولون حسبي الله عليها يوم سألنا عنها قالت انها كيذا وكيذا ومدحتها . عشانها صديقتها .. الخلاصهـ اني انا احمد ربي اني ما انسئلت هذا السؤال واتمنى اني ما انحط في هذا الموقف لـ ان الناس تتغير .. والضروف تغير .. واكثر الناس من اللي شفته وعرفته صارت تطلع اشياء ماهي حقيقيه .. يعني اللي فداخلها غير عن اللي نشوفه ^_^ مشكور مره ثانيه على مواضيعك الساخنه :) |
رد: العريس والعروسة سمو طرحك رائع يـ أخوي.. سؤالك مهم مره بس اعتقد الرجال اكثر .. يعني الرجال لازم يخاف الله ويعلم بكل شي يعرفه .. والا يكتفي انه يقول الرجال ماينزوج .. اذا ماوده يفضح بالرجال.. بس بالنسبه للبنات اعتقد انه مهما بلغت سوءها الرجال بحكمته وشخصيته يقدر يغيرهاا وغصب مو بالطيب .. يعني البنت ماتحكمين عليها قبل الزواج بشي .. اوما الرجال هو القائد .. هو المتصرف لازم يكون على خلق ودين اهم شي .. اوما اذا احد سألني ابقول مدري ههههههههه لاني اخاف من دعاوي الخلق .. دمت يـ أخوي بألف خير :) |
رد: العريس والعروسة وعليكم السلام ورحمة الله وبركاته بالنسبه لي بقول لا تسألوني .. لأن البنت مثل ماقالت اختي مرسى الأحلام تتغير بعد الزواج وماينحكم عليها الا بعدهـ .. انا اعرف وحده كانت طايشه قبل الزواج .. ومن اخطبت تغيرت.. والحين تزوجت صارت من اعقل مايكون .. الله يثبتها :) .. انا سواءً البنت خلوقه او سيئه بقول مدري .. لأني ما احب انحط في هذي المواقف .. وسبق ان سألوني عن بنات ورجال .. كنت اقول لا تسألوني عن هذي الأشياء .. وكلهم كانوا مش سيئين ..شكراً,,, |
رد: العريس والعروسة موضوع حساس ولا بد من مخافة الله في ما تقوله لانه سوف يكون ارتباط ومستقبل بالنسبه لي سوف اكون صادق مع من سئلني وسوف اقول ما اعرفه عن الشخص سواء كان زين او شين لازم توضح لمن سئلك وتقول الحقيقه لانها امانه سوف تبنى عليها سعاده او تعاسه سمو الاحساس تستحق التميز وبيرق المواضيع الهادفه والمهمة اشكرك من كل قلبي |
رد: العريس والعروسة صديقة القلم مرحبا بعودتك وتوضيحك لسبب الامتناع عن الاجابة وجهت نظر منك الف شكر لك |
رد: العريس والعروسة مرسى الاحلام سرفتيني هنا بمتصفحي واشعرك انني شاب ولست بفتااه وعن طرحك وتسليط الامر على الرجل انه هو القائد ربما اخالفك الرأي في بعض النقاط ربما تكون الفتاه شخصيتها اقوى من شخصية الرجل وتجعله ينحدر في طريقها وربما يكون شديد وتكون مستقيمة وربما مع شدته تظهر الاستقامة وهي على وضعها السابق اي على المثل من شب على شئ شاب عليه ونفس الوضع للشاب اشكرك على تواجدك مرة اخرى |
رد: العريس والعروسة ذووق شرفتيني هنا ويقال كلمة مدري ترفع من قدري بس اعتقد مو دايم تنفع هالمقوله في بعض الاشياء لابد من البت بالموضوع يأبيض يأسود مع التأكيد ان اصابع اليد ليست مثل بعض في جميع الحالات اشكرك مرة اخرى |
رد: العريس والعروسة سلطان الشوق وزعيم الذوق وجودك هنا شرف لي وكلماتك وسام فخر على صدري واجابتك كافية شافيه نعم مخافة الله اول شئ وابداء الرأي الواضح وقول الحقيقة اشكرك على وجودك هنا لاعدمتك |
رد: العريس والعروسة أسفــه أخوي اللي مايعرفك يجهلك .. وعدلت الرد عشان خاطرك اتمنى المعذره منك دمت بتألق يـ أخوووي :) |
رد: العريس والعروسة مرسى الاحلام اشكرك على عودتك |
رد: العريس والعروسة اكون صريحه جداااااااا يمكن يكون غلط بس هذا انا مهما كانت عيوووب البنت ومهما كانت تصرفاتها وانا عارفتها صعب اعيبها واقول عنها ليه ؟ البنت الشي السئ يمشي معها طوول حياتها وراح يضرها كلامي عنها باي شكل ليه مانقول ان فيها الخير نذكر اشياها الزينه ولاشياء الاخره ماعليه تتعدل باذن الله ام اني اقول فيها وفيها ويروحون يزودون حكي وتاكلها البنت في النهايه لا والله استر علي عيوبها الله يستر علينا وبس |
رد: العريس والعروسة وهج شرفتيني هنا بس ماتخافين ان البنت ماتعدل بعد الزواج ويدعوون عليك الناس انك غشيتيهم ومدحتيها لهم وانتي عارفة عيوبها شرفتيني هنا |
رد: العريس والعروسة اقتباس:
ليه نقول يمكن ماتتعدل يمكن تتعدل واغلبتهم يتعدلون الا وبستثنا الزووج الفاشل الي هو يبي من يعدله هذ شغله ثاانيه بس وانا اختك لرجل او الزووج مافيه عيوووب ؟ ويمكن يتعدل او لا ؟ نفس الشي بس داايما النظره السعوديه علي الفتاه نناظر الطرف الاخر يمكن من يتعدل ويمكن لا اما انه اعيب بالبنت فاهذا لا ابد لانها راح يضرها مستقبليا بس اغلبيت الفتيات وخذها مني كثييير تعدلو بعد الزوواج ومين يقدر الزووج الذكي |
رد: العريس والعروسة وهج سرني عودتك وايضااحك انا معك انها يمكن تعدل ويمكن ماتعدل ويمكن يكون الزوج هو ساس البلا وهذا يرجع للي سألوه عنه وقال انه شخص سوي ومافية عيوب ونفس الشئ ينطبق على البنت شرفتيني |
رد: العريس والعروسة اقتباس:
عليك لمبه ياسمو كذا مانختلف بشي مثل ماعلي البنت عليكم يارجال |
رد: العريس والعروسة وهج اختلاف الرأي لايفسد للود قضية مافية اختلاف كما للرجل علية مثله مثل الانثى شاكر ومقدر لك |
| الساعة الآن 11:27 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..